వేసవి కాలం రాగానే చర్మ సమస్యలు ఎక్కువగా కనిపిస్తాయి. ఎండ ఎక్కువగా ఉండటం వల్ల చర్మం పొడిబారడం, మసకబారడం, టాన్ అవడం వంటి సమస్యలు వస్తాయి. ఇలాంటి సమయంలో కేవలం క్రీములు, ఫేస్వాష్లు వాడటం మాత్రమే సరిపోదు. మనం తినే ఆహారం కూడా చర్మ ఆరోగ్యంపై పెద్ద ప్రభావం చూపుతుంది. ముఖ్యంగా తాజా పండ్లు, కూరగాయలతో తయారయ్యే జ్యూస్లు చర్మానికి సహజమైన గ్లో ఇవ్వడంలో సహాయపడతాయని నిపుణులు చెబుతున్నారు.
వాటర్ మెలన్ పుదీనా జ్యూస్
వాటర్మెలన్-పుదీనా జ్యూస్ వేసవిలో దాహం తీర్చడానికి చాలా ఉపయోగపడుతుంది. ఇందులో నీటి శాతం ఎక్కువగా ఉండటం వల్ల శరీరం హైడ్రేట్గా ఉంటుంది. ఇది చర్మాన్ని పొడిబారకుండా కాపాడుతుంది. వాటర్మెలన్లో ఉండే లైకోపీన్ సూర్య కిరణాల వల్ల చర్మానికి కలిగే నష్టాన్ని తగ్గించడంలో సహాయపడుతుంది. పుదీనా జీర్ణక్రియను మెరుగుపరచి చర్మాన్ని తాజాగా ఉంచుతుంది.
కీరా సెలెరీ జ్యూస్
కీరా సెలరీ జ్యూస్ కూడా చర్మానికి చాలా మంచిది. ఇది తక్కువ చక్కెరతో ఉండే జ్యూస్ కావడంతో పింపుల్స్ సమస్య ఉన్నవారికి బాగా ఉపయోగపడుతుంది. కీరాలో ఉండే సిలికా చర్మాన్ని గట్టిగా, ఆరోగ్యంగా ఉంచుతుంది. సెలరీ శరీరంలోని టాక్సిన్స్ను బయటకు పంపి చర్మాన్ని క్లియర్గా మారుస్తుంది. దీన్ని తరచూ తీసుకుంటే చర్మం సహజంగా మెరిసిపోతుంది.
Also read: Ancient beauty secrets: పాత కాలంలో అందం కోసం ఎంత విచిత్రమైన పనులు చేసేవారో తెలిస్తే ఆశ్యర్యపోతారు
క్యారెట్ బీట్రూట్ జ్యూస్
క్యారెట్ బీట్రూట్ జ్యూస్ కూడా ఎంతో మంచిది. క్యారెట్లో ఉండే బీటా కెరోటిన్ చర్మాన్ని రక్షించడంలో సహాయపడుతుంది. బీట్రూట్ రక్తాన్ని శుద్ధి చేసి రక్త ప్రసరణను మెరుగుపరుస్తుంది. దీని వల్ల చర్మానికి సహజమైన రంగు, గ్లో వస్తుంది. డల్గా కనిపించే చర్మాన్ని ప్రకాశవంతంగా మార్చడంలో ఈ జ్యూస్ చాలా ప్రభావవంతంగా పనిచేస్తుంది.
సిట్రస్ పండ్లతో చేసే ఆరెంజ్, లెమన్ జ్యూస్ కూడా చర్మానికి చాలా మంచిది. ఇందులో విటమిన్ C ఎక్కువగా ఉంటుంది. ఇది చర్మంలో కొల్లాజెన్ ఉత్పత్తిని పెంచి చర్మాన్ని గట్టిగా, యంగ్గా ఉంచుతుంది. అలాగే ఫ్రీ రాడికల్స్ వల్ల కలిగే నష్టాన్ని తగ్గిస్తుంది. దీని వల్ల మచ్చలు, పిగ్మెంటేషన్ తగ్గే అవకాశం ఉంటుంది. అలొవెరా, ఆమ్లా జ్యూస్ కూడా చర్మానికి మంచి ఫలితాలు ఇస్తుంది. ఇది డిటాక్స్ డ్రింక్లా పనిచేస్తుంది. శరీరంలో ఉన్న మలినాలను బయటకు పంపి లోపల నుంచి చర్మాన్ని శుభ్రం చేస్తుంది. అలొవెరా చర్మాన్ని చల్లగా ఉంచి ఇర్రిటేషన్ తగ్గిస్తుంది. ఆమ్లాలో ఉన్న విటమిన్ C చర్మాన్ని ప్రకాశవంతంగా మార్చడంలో సహాయపడుతుంది. ఈ జ్యూస్ను ఉదయం ఖాళీ కడుపుతో తీసుకుంటే మంచి ఫలితాలు కనిపిస్తాయి.
వేసవిలో టీ, కాఫీ, చక్కెర ఎక్కువగా ఉన్న పానీయాలు తగ్గించి ఈ సహజ జ్యూస్లను తీసుకోవడం మంచిది. ఇవి శరీరాన్ని హైడ్రేట్గా ఉంచడమే కాకుండా చర్మానికి అవసరమైన విటమిన్స్, మినరల్స్ అందిస్తాయి. యాంటీఆక్సిడెంట్స్తో నిండిన ఈ జ్యూస్లు చర్మాన్ని లోపల నుంచి రక్షిస్తాయి. చర్మం మెరిసిపోవాలంటే కేవలం బయట నుంచి కేర్ చేయడం సరిపోదు. లోపల నుంచి సరైన పోషణ అవసరం. అందుకే రోజువారీ ఆహారంలో ఈ సమ్మర్ జ్యూస్లను చేర్చుకుంటే చర్మం ఆరోగ్యంగా, తాజాగా కనిపిస్తుంది.
Share
హ్యుండాయ్ To టాటా.. రూ. 25 లక్షల్లోపు టాప్ 5 పవర్ ఫుల్ కార్లు!
బోర్డు ఒకరిది.. ప్రచారం ఇంకొకరిది.. సిల్వర్ జూబ్లీ పేరుతో త్రి విద్య కళాశాల మాయాజాలం
