మన జీవితంలో కొందరు వ్యక్తులు ప్రత్యేకంగా ఉంటారు. వారితో కొన్ని నిమిషాలు మాట్లాడితేనే మనసు ప్రశాంతంగా మారుతుంది. ఒత్తిడి తగ్గి కొత్త ఉత్సాహం కలుగుతుంది. వారి సానుకూల స్వభావం చుట్టూ ఉన్నవారిలో కూడా ఆనందాన్ని పంచుతుంది.
న్యూమరాలజీ ప్రకారం.. కొన్ని పుట్టిన తేదీల్లో జన్మించిన వారికి సహజంగా ఇలాంటి లక్షణాలు ఉంటాయని నమ్ముతారు. వీరు ప్రేమ, హాస్యం, మంచి మాటలతో ఇతరులను ప్రోత్సహిస్తారని చెబుతారు.
డోపమైన్ అనేది మెదడులో ఉత్పత్తి అయ్యే ఒక రసాయనం. దీని వల్ల మనకు సంతోషం, సంతృప్తి, స్ఫూర్తి వంటి అనుభూతి లభిస్తాయి. సానుకూల వ్యక్తులతో గడపడం వల్ల మన మానసిక స్థితి మెరుగుపడవచ్చు. న్యూమరాలజీలో కొన్ని జన్మ సంఖ్యల వారి సహజంగా అందరినీ నవ్విస్తూ వారి టెన్షన్ తగ్గిస్తూ ఉంటారు.
5, 14 లేదా 23 తేదీల్లో జన్మించిన వారి జన్మ సంఖ్య (మూల అంకం) 5 అవుతుంది. న్యూమరాలజీ ప్రకారం ఈ సంఖ్య బుధ గ్రహంతో సంబంధం కలిగి ఉంటుంది. వీరిలో మంచి సంభాషణ నైపుణ్యం ఉంటుంది.
సరదాగా, చమత్కారంగా మాట్లాడుతూ అందరినీ నవ్విస్తారు. ఎలాంటి నిరుత్సాహ వాతావరణాన్నైనా ఉల్లాసంగా మార్చే స్వభావం వీరిది. అందుకే వీరితో సమయం గడపడం చాలా మందికి ఇష్టం ఉంటుంది.
3, 12, 21 లేదా 30 తేదీల్లో జన్మించిన వారి జన్మ సంఖ్య 3 అవుతుంది. ఈ సంఖ్య గురు గ్రహంతో అనుసంధానమై ఉందని న్యూమరాలజీ చెబుతుంది.
వీరు ప్రశాంతంగా ఆలోచించి మంచి సలహాలు ఇస్తారు. జీవితంలో సందిగ్ధ పరిస్థితులు ఎదురైనప్పుడు వీరి మాటలు చాలా మందికి ధైర్యాన్ని ఇస్తాయి. సమస్యలను సానుకూలంగా పరిష్కరించే స్వభావం వీరికి ఉంటుందని విశ్వసిస్తారు.
6, 15 లేదా 24 తేదీల్లో జన్మించిన వారి జన్మ సంఖ్య 6 అవుతుంది. ఈ సంఖ్య శుక్ర గ్రహంతో సంబంధం కలిగి ఉందని నమ్ముతారు. వీరు ప్రేమగా, ఆప్యాయంగా వ్యవహరిస్తారు. ఎదుటివారి భావాలను సులభంగా అర్థం చేసుకుంటారు. అవసరమైనప్పుడు వారికి మద్దతుగా నిలుస్తారు. అందుకే వీరిని నమ్మకమైన స్నేహితులు, కుటుంబ సభ్యులుగా భావిస్తారు.
న్యూమరాలజీ ప్రకారం 3, 5, 6 జన్మ సంఖ్యలు జ్ఞానం, ఆనందం, ప్రేమకు ప్రతీకలు. వీరు ఎలాంటి పరిస్థితుల్లోనైనా ఆశావహ దృక్పథంతో ఉంటారు. తమ చుట్టూ ఉన్నవారిలో కూడా సానుకూల ఆలోచనలను పెంచడానికి ప్రయత్నిస్తారు.
Also Read: జీవితంలో ఎప్పుడూ తప్పుడు నిర్ణయాలు తీసుకోరు, మోసపోరు.. చాణక్యుడు చెప్పిన ఈ నీతి సూత్రాలు పాటిస్తే
మీ స్నేహితుడు, జీవిత భాగస్వామి లేదా కుటుంబ సభ్యుల్లో ఎవరైనా ఈ తేదీల్లో జన్మించి ఉండవచ్చు. వారి సానుకూల స్వభావం మీకు కూడా ఉత్సాహాన్ని ఇవ్వవచ్చు. అయితే ప్రతి వ్యక్తి వ్యక్తిత్వం జీవిత అనుభవాలు, విలువలు, పెంపకం వంటి అనేక అంశాలపై ఆధారపడి ఉంటుంది.
గమనిక: న్యూమరాలజీ సంప్రదాయ నమ్మకాలపై ఆధారపడిన విధానం మాత్రమే. దీనికి శాస్త్రీయ ఆధారాలు పూర్తిగా లేవు. వ్యక్తిగత నిర్ణయాల కోసం నిపుణుల సలహా తీసుకోవడం మంచిది.
Share
వడలకు మధ్యలో రంధ్రం ఎందుకు? సీక్రెట్ తెలిస్తే షాక్ కావాల్సిందే
జేబులో పట్టే సైజులో పవర్ బ్యాంక్.. ధర కూడా చాలా తక్కువ తెలుసా ?
