Arthritis Problem : శీతాకాలంలో నరాలు బిగుసుకుపోవడం, కీళ్ల మధ్య ఉండే బారోమెట్రిక్ ప్రెజర్ తగ్గడం వంటి కారణాల వల్ల నొప్పులు పెరుగుతాయి. వీటికి నిరంతరం మందులు వాడటం కంటే ఇంట్లోనే కొన్ని వర్కౌట్స్ చేయడం వల్ల కీళ్ల నొప్పులకు చెక్ పెట్టొచ్చు. అదెలాగంటే..?
లెగ్ రైజ్
నేలపై వెల్లకిలా పడుకుని కుడికాలిని నిటారుగా ఉంచి కొన్ని అంగుళాల ఎత్తు వరకు పైకి లేపాలి. అలా కాలిని నేలపై కొన్ని అంగుళాల ఎత్తులో ఉంచి కాసేపటి తర్వాత నెమ్మదిగా కాలిని కిందకు దించాలి. తర్వాత ఎడమ కాలితో చేయాలి.
క్వాడ్ సెట్స్
ముందుగా కాళ్లు చాపి నేలపై కూర్చోవాలి. తర్వాత మోకాలి అడుగు భాగంలో ఒక మెత్తటి దిండును ఉంచాలి. ఆ తర్వాత మోకాలిని కిందికి ప్రెస్ చేస్తూ.. కాలి వేళ్లను వెనక్కి వంచాలి. ఇలా పది నిమిషాలపాటు చేయాలి.
హ్యమ్‌స్ట్రింగ్ స్ట్రెచ్
ముందుగా నేలపై వెల్లకిలా పడుకుని ఒక కాలిని మెల్లగా పైకి లేపి, నెమ్మదిగా ఛాతివైపుకు తేవడానికి ప్రయత్నించాలి. చేతులతో తొడ భాగాన్ని పట్టుకుని కాలిని మరింత వెనక్కి స్ట్రెచ్ చేయాలి. మోకాలు వంచకుండా కాలు నిటారుగా ఉంచాలి. ఈ తర్వాత నెమ్మదిగా మోకాలిని బెండ్ చేస్తూ.. కాలిని నేలపైకి తీసుకు రావాలి. ఈ వ్యాయామాన్ని ఒక్కో కాలితో ఐదుసార్లు చేయొచ్చు.
Share
Ganta Srinivasa Rao : గంటా సీటుకు ఎసరు? టీడీపీలో మార్పులు చేర్పులు..!
The Economic Times : 2023 ముగిసే లోపు .. వీటిని పూర్తి చేసేయండి!
