Flirting Tips: ఫ్లర్టింగ్ అనేది కేవలం ఇతరులను ఆకర్షించడం మాత్రమే కాదు, ఇది ఆత్మవిశ్వాసం , సరదా, మానవ సంబంధాలను పెంచే ఒక కళ. అయితే.. చాలామంది ఫ్లర్టింగ్ అంటే ఏదో పెద్ద విషయం అనుకుంటారు. కానీ సంబంధాల నిపుణుల ప్రకారం..ఫ్లర్టింగ్కు అతి ముఖ్యమైనది నిజాయితీ , సింప్లిసిటీ. మీ ఫ్లర్టింగ్ నైపుణ్యాలను మెరుగు పరుచు కోవడానికి నిపుణులు సూచించిన 5 ముఖ్యమైన చిట్కాలు..
1. కళ్ళలో కళ్ళు పెట్టి చూడండి:
శారీరక ఆకర్షణలో కంటి చూపు కీలక పాత్ర పోషిస్తుంది. ఒక వ్యక్తితో మీరు మాట్లాడేటప్పుడు వారి కళ్ళలోకి సుమారు 4-5 సెకన్ల పాటు చూస్తూ చిరునవ్వు ఇవ్వడం గొప్ప ప్రభావాన్ని చూపుతుంది.
నిపుణుల సలహా: నిరంతరం కాకుండా.. మధ్య మధ్యలో చూస్తూ.. చిన్నగా నవ్వడం ద్వారా మీరు వారిపై ఆసక్తి కలిగి ఉన్నారని సున్నితంగా తెలియజేయవచ్చు. ఇది ఆత్మవిశ్వాసాన్ని సూచిస్తుంది.
2. బాడీ లాంగ్వేజ్:
నవ్వు ఎవరినైనా ఇట్టే ఆకర్షిస్తుంది. నిజమైన, హృదయపూర్వకమైన నవ్వు ఎదుటివారిని త్వరగా ఆకర్షిస్తుంది. అలాగే..బాడీ లాంగ్వేజ్కు కూడా చాలా ముఖ్యం.
నిపుణుల సలహా: మాట్లాడే సమయంలో వారి వైపు తిరగండి. చేతులను కట్టుకోకుండా రిలాక్స్డ్గా ఉంచండి. వారి మాటలకు ప్రతిస్పందనగా చిన్నగా నవ్వడం, నడుమును వాల్చడం వంటివి ఆసక్తిని పెంచుతాయి.వారు చేసే చిన్న చిన్న కదలికలను మీరు కూడా సున్నితంగా అనుకరించడం.
3. ఎక్కువగా వినండి:
గొప్పగా మాట్లాడటం కంటే.. ఎదుటివారు చెప్పేది శ్రద్ధగా వినడం అనేది ఫ్లర్టింగ్లో అత్యంత ముఖ్యమైన విషయం. మీరు వింటున్నారని వారికి తెలియజేయండి.
నిపుణుల సలహా: వారు చెప్పిన విషయాలపై స్పష్టమైన ప్రశ్నలు వేయండి. ఉదాహరణకు.. “మీకు ట్రావెలింగ్ అంటే ఇష్టం అన్నారు కదా, మీరు వెళ్లిన బెస్ట్ ప్లేస్ ఏది?” అని అడగడం ద్వారా.. మీరు వారిపై, వారి ఆసక్తులపై శ్రద్ధ పెడుతున్నారని తెలుస్తుంది.
Also Read: నెల రోజులు అద్దం చూడకుండా ఉంటే ఇంత జరుగుతుందా ? అస్సలు ఊహించలేరు !
4. సున్నితమైన స్పర్శ:
సందర్భానుసారంగా చిన్నపాటి, సున్నితమైన స్పర్శలు దగ్గరితనాన్ని పెంచుతాయి. అయితే.. ఇది చాలా సున్నితమైన విషయం, ఇబ్బంది పెట్టకుండా జాగ్రత్త వహించాలి.
నిపుణుల సలహా: నవ్వుతున్నప్పుడు లేదా ఏదైనా అద్భుతమైన విషయం చెప్పినప్పుడు, వారి చేతిని లేదా భుజాన్ని ఒక సెకను పాటు సున్నితంగా తాకండి. ఇది ‘మీరు నాకు నచ్చుతున్నారు’ అనే భావాన్ని మాటలు లేకుండా తెలియజేస్తుంది. ఈ సమయంలో వారి సౌకర్యాన్ని గమనించండి.
5. ప్రశంస:
మీరు ఇచ్చే ప్రశంసలు వారి రూపం గురించి కాకుండా.. వారి వ్యక్తిత్వం లేదా నైపుణ్యం గురించి ఉంటే మరింత ప్రభావ వంతంగా ఉంటాయి.
నిపుణుల సలహా: “మీ చొక్కా చాలా బాగుంది” అనడం కంటే.. “మీరు సమస్యను పరిష్కరించిన విధానం నాకు నిజంగా నచ్చింది. చాలా తెలివైనవారు” అని అనడం వారి ఆత్మగౌరవాన్నిపెంచుతుంది. ప్రశంసలు చిన్నవిగా, నిజాయితీగా ఉండాలి.
Share
Smriti Mandhana: స్మృతి మంధాన పెళ్లి క్యాన్సిల్.. కారణం ఏమిటంటే?
Balakrishna: అఖండ 2 ను పక్కన పెట్టిన బాలయ్య.. NBK 111 షూటింగ్ లో బిజీ బిజీగా?
