Balakrishna: అఖండ 2 ను పక్కన పెట్టిన బాలయ్య.. NBK 111 షూటింగ్ లో బిజీ బిజీగా?

Balakrishna: నందమూరి బాలకృష్ణ (Balakrishna) ప్రస్తుతం అఖండ 2(Akhanda 2) సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. అయితే ఈ సినిమా డిసెంబర్ ఐదవ తేదీ విడుదల కావాల్సి ఉండగా ఫైనాన్స్ ఇష్యూ కారణంగా చివరి నిమిషంలో వాయిదా పడింది. అయితే ఈ సినిమా ఎప్పుడు విడుదలవుతుందనే విషయంపై సరైన స్పష్టత మాత్రం వెలువబడలేదు. ఇప్పటికే ఈ సినిమా విషయంలో పెద్ద ఎత్తున చర్చలు జరుగుతున్నట్టు తెలుస్తుంది. త్వరలోనే ఈ సమస్యకు పరిష్కారం దొరికి డిసెంబర్ 12వ తేదీ లేదా 25వ తేదీ ప్రేక్షకుల ముందుకు రాబోతుందని తెలుస్తోంది.

అయోమయంలో అఖండ 2 విడుదల..

ఇక ఈ సినిమా ఫైనాన్స్ వివాదంలో ఉన్న సమయంలో బాలకృష్ణ పూర్తిగా ఈ సినిమాని పక్కన పెట్టి కొత్త సినిమా పనులలో బిజీ కాబోతున్నారని తెలుస్తోంది. డిసెంబర్ ఐదవ తేదీ అఖండ 2 సినిమా విడుదల కానున్న నేపథ్యంలో బాలకృష్ణ పూర్తిగా ఈ సినిమా ప్రమోషన్ల పై దృష్టి సారించి పెద్ద ఎత్తున ప్రమోషన్ కార్యక్రమాలను నిర్వహించారు. ఈ సినిమా చివరి నిమిషంలో వాయిదా పడి తిరిగి విడుదల తేదీ పై స్పష్టత లేని నేపథ్యంలో బాలకృష్ణ తన 111వ చిత్రాన్ని ప్రముఖ దర్శకుడు గోపీచంద్ మలినేని సినిమా పనులలో బిజీ కానున్నారు.

ద్విపాత్రాభినయంలో బాలకృష్ణ..

ఇటీవల ఈ సినిమా పూజా కార్యక్రమాలు ఎంతో ఘనంగా జరిగాయి. డిసెంబర్ 12వ తేదీ ఈ సినిమా షూటింగ్ పనులు ప్రారంభం కాబోతున్నాయని అయితే బాలకృష్ణ ఈ షెడ్యూల్ చిత్రీకరణలో పాల్గొనబోతున్నారని తెలుస్తోంది. ఈ షెడ్యూల్ చిత్రీకరణలో భాగంగా హై వోల్టేజ్ యాక్షన్ సన్ని వేషాలను చేయబోతున్నారు. ప్రముఖ ఫైట్ కొరియోగ్రాఫర్స్ రామ్ లక్ష్మణ్ మాస్టర్ నేతృత్వంలో ఈ సన్నివేశం షూటింగ్ జరగబోతుందని తెలుస్తోంది. ఇక ఈ సినిమా పీరియాడిక్ సినిమాగా ప్రేక్షకుల ముందుకు రాబోతుందని ఇటీవల సినిమా నుంచి విడుదల చేసిన పోస్టర్ చూస్తేనే అర్థమవుతుంది ఇక ఇందులో బాలకృష్ణ ద్విపాత్రాభినయంలో నటించబోతున్నారు.

మహారాజుగా బాలకృష్ణ..

ఈ సినిమాలో బాలకృష్ణ మహారాజు పాత్రలో కనిపించగా, మహారాణిగా నయనతార కనిపించబోతున్నారు. ఈ సినిమా శర వేగంగా షూటింగ్ పనులను జరుపుకొని వచ్చే యేడాది ప్రేక్షకుల ముందుకు రావడానికి సిద్ధం అవుతోంది. ఇదివరకు వీరిద్దరి కాంబినేషన్ లో వీర సింహారెడ్డి సినిమా ప్రేక్షకుల ముందుకు వచ్చిన సంగతి తెలిసిందే. ఈ సినిమాలో కూడా బాలకృష్ణ ద్విపాత్రాభినయంలో నటించారు. ఈ సినిమా ఎంతో మంచి సక్సెస్ అందుకున్న నేపథ్యంలో మరోసారి ఈ ఇద్దరి కాంబినేషన్లో ఈ సినిమా ప్రేక్షకుల ముందుకు రావడానికి సిద్ధమవుతుంది అయితే త్వరలోనే ఈ సినిమాకు సంబంధించిన టైటిల్ తో పాటు ఇతర అప్డేట్స్ కూడా వెల్లడించనున్నారు.

ALSO Read: Suriya 47: ఘనంగా సూర్య 47 సినిమా పూజా కార్యక్రమం..పూర్తి వివరాలివే!