Bone Health: వయసు పెరుగుతున్న కొద్దీ ఎముకలు దృఢంగా ఉండడం చాలా ముఖ్యం. ముఖ్యంగా 60 ఏళ్లు దాటితే ఎముకల ఆరోగ్యంపై ప్రత్యేక శ్రద్ధ తీసుకోవడం అవసరం. ఈ వయసులో క్యాల్షియం లేకపోవడం వల్ల శరీరంలో అనేక రకాల ఎముకలకు సంబంధించిన సమస్యలు తలెత్తుతాయి. కొన్ని ఇంటి నివారణలు ఎముకలను బలంగా మార్చడంలో ప్రభావవంతంగా ఉంటాయి.
అల్లం, బెల్లం వినియోగం ఎముకలకు ఉక్కు లాంటి బలాన్ని ఇవ్వడమే కాకుండా శరీరానికి ఇతర ప్రయోజనాలను కూడా అందిస్తాయి. వీటిలోని పోషకాలు ఎముకలు బలంగా ఉండేలా చేస్తాయి. బోలు ఎముకలు రాకుండా చేస్తాయి. తరుచుగా వీటిని తినడం వల్ల ఎముకల సంబంధిత సమస్యలు రాకుండా ఉంటాయి.
అల్లంలోని పోషకాలు ఎముకలను బలంగా ఉంచుతాయి. అంతే కాకుండా బెల్లంలో మినరల్స్ , విటమిన్స్ పుష్కలంగా ఉంటాయి. ఎముకల పెరుగుదలకు ఇవి చాలా ఉపయోగపడతాయి. ముఖ్యంగా చిన్న పిల్లలకు బెల్లం, అల్లం లను తరుచుగా ఇవ్వడం వల్ల ఎముకల పెరుగుదలకు ఇవి ఉపయోగపడతాయి.
బెల్లం, అల్లంతో డికాషన్:
బెల్లం, అల్లం రెండూ ఎముకల ఆరోగ్యానికి చాలా మేలు చేస్తాయి. బెల్లంలో కాల్షియం, ఐరన్ పుష్కలంగా ఉన్నాయి. ఇది ఎముకలను బలోపేతం చేయడానికి సహాయపడుతుంది. అదే సమయంలో, అల్లంలో యాంటీ ఆక్సిడెంట్, యాంటీ ఇన్ఫ్లమేటరీ లక్షణాలు ఉన్నాయి. ఇది ఎముకలను ఆరోగ్యంగా ఉంచడంలో సహాయపడుతుంది.
కావలసినవి..
అల్లం -1 అంగుళం ముక్క
బెల్లం -2-3 చెంచాలు
2 కప్పుల నీరు
తయారుచేసే విధానం:
ముందుగా అల్లం ముక్కను కడిగి తురుముకోవాలి. ఆ తర్వాత ఒక బౌల్ తీసుకుని అందులో పైన చెప్పిన మోతాదులో నీరు పోసి మరిగించాలి. నీరు మరుగుతున్న సమయంలోనే తురిమిన అల్లం వేసి 5-7 నిమిషాలు ఉడకనివ్వండి. దీని తరువాత, గ్యాస్ ను ఆపివేయండి. ఆ తర్వాత కషాయాలను చల్లరనివ్వండి.
డికాక్షన్ పూర్తిగా చల్లారిన తర్వాత అందులో బెల్లం చూర్ణం వేసి బాగా కలపాలి. రుచి మరియు పోషకాలు సమృద్ధిగా ఉండే అల్లం, బెల్లం డికాక్షన్ సిద్ధంగా ఉంది. కావాలంటే వడపోసి కూడా తాగొచ్చు. మీరు ప్రతి ఉదయం ఖాళీ కడుపుతో ఈ డికాషన్ తాగవచ్చు. అంతే కాకుండా రోజులో ఏ సమయంలో నైనా దీనిని త్రాగవచ్చు.
కషాయం వల్ల కలిగే ఇతర ప్రయోజనాలు:
బెల్లం, అల్లంతో తయారుచేసిన ఈ కషాయం ఎముకలను బలోపేతం చేయడమే కాకుండా జీర్ణవ్యవస్థను మెరుగుపరుస్తుంది. ఇది రోగనిరోధక శక్తిని కూడా పెంచుతుంది. అంతే కాకుండా జలుబు , దగ్గు వంటి సీజనల్ వ్యాధుల నుండి ఉపశమనం అందిస్తుంది. దీన్ని తాగడం వల్ల శరీరం వెచ్చదనాన్ని కాపాడుతుంది.
Also Read: నిద్ర లేమి సమస్యకు చెక్ పెట్టండిలా ?
మీకు ఏదైనా ఆరోగ్య సమస్య ఉంటే ఖచ్చితంగా వైద్యుడిని సంప్రదించాలని గుర్తుంచుకోండి. గర్భిణీ లేదా పాలిచ్చే స్త్రీలు ఈ కషాయాలను త్రాగడానికి ముందు తప్పక డాక్టరును సంప్రదించాలి.
గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.
Share
Guru Vakri Unlucky Zodiacs: 119 రోజులు పాటు గురు వక్ర రేఖలో 4 రాశులకు ఆర్థిక కష్టాలు!
Cabinet Meeting: ముగిసిన కేంద్ర కేబినెట్ సమావేశం.. తీసుకున్న కీలక నిర్ణయాలివే..
