Winter Skin Care Routine: చలికాలం చల్లదనాన్ని, పండగ వాతావరణాన్ని తెస్తుంది. కానీ అదే సమయంలో చర్మానికి తీవ్రమైన సవాళ్లను కూడా విసురుతుంది. చల్లటి గాలి, తక్కువ తేమ కారణంగా చర్మం పొడిబారడం, పగుళ్లు రావడం, దురద వంటి సమస్యలు వస్తాయి. ఈ సమస్యలను అధిగమించి.. మీ చర్మాన్ని మృదువుగా, కాంతివంతంగా ఉంచుకోవడానికి ఇంట్లోనే పాటించాల్సిన కొన్ని చిట్కాలు కూడా ఉన్నాయి. అవేంటో ఇప్పుడు తెలుసుకుందాం.
ఉదయం:
శుభ్రపరచడం:
చల్లని వాతావరణంలో చర్మం సహజ నూనెలను కోల్పోతుంది. కాబట్టి.. సబ్బు రహితమైన, ఆల్కహాల్ లేని, మైల్డ్ క్లెన్సర్ మాత్రమే వాడాలి. వేడి నీటికి బదులుగా గోరువెచ్చని నీటిని ఉపయోగించండి.
టోనర్, సీరమ్ :
క్లెన్సింగ్ తర్వాత.. చర్మం pH స్థాయిలను సమతుల్యం చేయడానికి ఆల్కహాల్ లేని టోనర్‌ను వాడండి. ఆ తర్వాత.. విటమిన్ సి లేదా హైలురోనిక్ యాసిడ్ వంటి తేమను నిలుపుకునే సీరమ్‌ను అప్లై చేయండి. ఇది చర్మానికి లోతైన పోషణను అందిస్తుంది.
మాయిశ్చరైజింగ్:
చలికాలంలో సాధారణ లోషన్లకు బదులుగా.. క్రీమ్ ఆధారిత మాయిశ్చరైజర్‌ను ఉపయోగించండి. షియా బటర్ లేదా కొబ్బరి నూనె వంటి సహజ నూనెలు ఉన్న మాయిశ్చరైజర్లు ఉత్తమమైనవి. స్నానం చేసిన వెంటనే చర్మం కాస్త తడిగా ఉన్నప్పుడు దీన్ని అప్లై చేయాలి.
సన్‌స్క్రీన్ :
చలికాలంలో కూడా సూర్యరశ్మి ప్రభావం ఉంటుంది. కాబట్టి.. ఇంటి నుంచి బయటకు వెళ్లే ముందు తప్పనిసరిగా SPF 30 లేదా అంతకంటే ఎక్కువ ఉన్న సన్‌స్క్రీన్‌ను అప్లై చేయాలి.
రాత్రి :
రాత్రిపూట చర్మం పునరుద్ధరించబడుతుంది. ఈ సమయంలో సంరక్షణ కూడా చాలా కీలకం.
మేకప్ తొలగింపు:
పడుకునే ముందు మేకప్, రోజువారీ మురికిని మైసెల్లార్ వాటర్ లేదా ఆయిల్ ఆధారిత క్లెన్సర్‌తో పూర్తిగా తొలగించండి.
డబుల్ క్లెన్సింగ్:
మిగిలిపోయిన మలినాలను తొలగించడానికి మళ్లీ ఒకసారి సున్నితమైన క్లెన్సర్‌తో ముఖాన్ని శుభ్రం చేసుకోండి.
నైట్ క్రీమ్, ఐ క్రీమ్:
మీ చర్మానికి పోషణ అందించే రెటినోల్ లేదా పెప్టైడ్స్ ఉన్న నైట్ క్రీమ్‌ను మసాజ్ చేయండి. కళ్ల చుట్టూ ఉన్న సున్నితమైన చర్మాన్ని రక్షించడానికి తప్పనిసరిగా ఐ క్రీమ్ వాడాలి.
పెదవులు, చేతులు:
పెదవులు పగలడానికి, పొడిబారడానికి అవకాశం ఉంది. పడుకునే ముందు వాటికి మందపాటి లిప్ బామ్ (లేదా నెయ్యి/వెన్న) రాసుకోండి. చేతులు.. కాళ్లపై కూడా మాయిశ్చరైజర్ లేదా వాసెలిన్ అప్లై చేయండి.
చిట్కాలు: ఎక్స్‌ఫోలియేషన్ : వారానికి ఒకటి లేదా రెండుసార్లు మాత్రమే సున్నితమైన ఎక్స్‌ఫోలియేటర్‌ను ఉపయోగించండి. అతిగా స్క్రబ్ చేయడం వల్ల చర్మం మరింత పొడి బారుతుంది.
ఫేస్ మాస్క్: వారానికి ఒకసారి హైడ్రేటింగ్ ఫేస్ మాస్క్ వేసుకోండి. తేనె, పెరుగు, అరటిపండు వంటి సహజ పదార్థాలు లేదా హైలురోనిక్ యాసిడ్ ఉన్న షీట్ మాస్క్‌లు చర్మానికి బాగా తేమను అందిస్తాయి.
లోపలి నుంచి సంరక్షణ:
నీరు ఎక్కువగా తాగాలి: చల్లటి వాతావరణంలో దాహం తక్కువగా ఉంటుంది. కానీ నిర్జలీకరణం జరగకుండా ఉండటానికి రోజుకు కనీసం 8-10 గ్లాసుల నీరు తప్పనిసరిగా తాగాలి.
ఆరోగ్యకరమైన ఆహారం: చర్మాన్ని ఆరోగ్యంగా ఉంచే ఒమేగా-3 ఫ్యాటీ యాసిడ్స్ (చేపలు, నట్స్), యాంటీఆక్సిడెంట్లు (పండ్లు, కూరగాయలు) ఉన్న ఆహారాన్ని తీసుకోండి.
Share
Telangana: రేపు తెలంగాణ కేబినెట్ భేటీ.. స్థానిక ఎన్నికలపై ప్రభుత్వం ఫోకస్..!
Mahbubnagar: తమ్ముడి ప్రేమకు అన్న బలి.. మాట్లాడటానికి పిలిచి..
