ఆదర్శ కుటుంబం ట్రైలర్, ప్రీ రిలీజ్ ఈవెంట్ డేట్ లాక్..ఎప్పుడు? ఎక్కడంటే?

Aadarsha Kutumbham Trailer: విక్టరీ వెంకటేష్ హీరోగా త్రివిక్రమ్ శ్రీనివాస్ (Trivikram Srinivas) దర్శకత్వంలో నటిస్తున్న తాజా చిత్రం ఆదర్శ కుటుంబం హౌస్ నెంబర్ 47(Aadarsha Kutumbham House no.47). మొదటిసారి త్రివిక్రమ్ డైరెక్షన్లో వెంకటేష్ ఈ సినిమాలో నటిస్తున్న నేపథ్యంలో సినిమాపై భారీ స్థాయిలో అంచనాలు ఉన్నాయి. ఈ సినిమా ఇప్పటికే ప్రేక్షకుల ముందుకు రావాల్సి ఉండగా కొన్ని కారణాల వల్ల వాయిదా పడుతూ వస్తుంది. ఇక నేడు దసరా పండుగను పురస్కరించుకొని వెంకటేష్(Venkatesh) ఈ సినిమా విడుదల తేదీని అధికారికంగా ప్రకటించారు. ఈ సినిమా అక్టోబర్ 30 వ తేదీ విడుదల అవుతుందని, ఈసారి ఎలాంటి మార్పులు ఉండబోవని వెంకటేష్ తెలియజేశారు.

అక్టోబర్ 22న ట్రైలర్..

ఇక ఈ సినిమా విడుదల తేదీ గురించి అధికారకంగా ప్రకటించడంతో ప్రమోషన్ కార్యక్రమాలను కూడా మరింత వేగవంతం చేశారు. ఇప్పటికే ఈ సినిమా నుంచి టీజర్ అలాగే రెండు పాటలను విడుదల చేయగా ఈ పాటలకు మంచి ఆదరణ లభించింది. ఇకపోతే ఈ సినిమా ట్రైలర్(Trailer) అలాగే ఫ్రీ రిలీజ్ వేడుకకు(Pre Release Event) సంబంధించిన వార్తలు సోషల్ మీడియాలో వైరల్ అవుతున్నాయి. ఈ సినిమా ట్రైలర్ వేడుకను హైదరాబాద్లో ఘనంగా నిర్వహించడం కోసం మేకర్స్ పెద్ద ఎత్తున ప్లాన్ చేస్తున్నట్లు తెలుస్తోంది. ఈ ట్రైలర్ అక్టోబర్ 22వ తేదీ విడుదల చేయబోతున్నట్లు సమాచారం.

తిరుపతిలో ప్రీ రిలీజ్ ఈవెంట్..

ఇక ఈ సినిమా ప్రీ రిలీజ్ వేడుకను అక్టోబర్ 26వ తేదీ నిర్వహించబోతున్నట్లు తెలుస్తోంది. ఈ ప్రీ రిలీజ్ వేడుకను తిరుపతిలో ప్లాన్ చేస్తున్నట్టు సమాచారం. ఇలా ఈ సినిమా ట్రైలర్ ,ఫ్రీ రిలీజ్ వేడుకకు సంబంధించిన ఈ వార్తలు సోషల్ మీడియాలో వైరల్ అవుతున్నాయి. త్వరలోనే చిత్ర బృందం నుంచి అధికారక ప్రకటన రాబోతోంది. ఇక వెంకటేష్ జోడిగా ఈ సినిమాలో శ్రీనిధి శెట్టి(Srinidhi Shetty) సందడి చేయబోతున్నారు. సినిమా నుంచి విడుదల చేసిన టీజర్ వీడియో మంచి ఆదరణను సొంతం చేసుకుంది. మరి అక్టోబర్ 30వ తేదీ ప్రేక్షకుల ముందుకు రాబోతున్న ఈ సినిమా ఎలాంటి సక్సెస్ అందుకుంటుంది అనేది తెలియాల్సి ఉంది.

కుటుంబ కథ నేపథ్యంలో..

త్రివిక్రమ్ శ్రీనివాస్ సినిమాలు అంటే కుటుంబ కథ నేపథ్యంలోనే ఉంటాయి మరోవైపు వెంకటేష్ కూడా కుటుంబ కథ సినిమాలకు కేరాఫ్ అడ్రస్ అని చెప్పాలి. ఈ నేపథ్యంలోనే వీరిద్దరి కాంబినేషన్లో రాబోతున్న ఆదర్శ కుటుంబం సైతం ఫ్యామిలీ బ్యాక్ డ్రాప్ లోనే ప్రేక్షకుల ముందుకు రాబోతుంది. ఈ సినిమాలో యాక్షన్ సన్నివేశాలు కూడా ఉన్నాయని ఇటీవల విడుదల చేసిన టీజర్ చూస్తేనే స్పష్టమవుతుంది. త్రివిక్రమ్ శ్రీనివాస్ వెంకటేష్ సినిమాల కోసం ఇదివరకు డైలాగ్ రైటర్ గా కథా రచయితగా పనిచేశారు కానీ మొదటిసారి దర్శకుడిగా పని చేయడంతో ఈ సినిమాపై మంచి అంచనాలే ఉన్నాయి.

Also Read: బిజినెస్ రంగంలోకి అడుగుపెట్టిన నటి వితికా షేర్… తొలి అడుగు అంటూ!