Allu Arjun-Trivikram Movie: మ్యాన్ ఆఫ్ మాసెస్ ఎన్టీఆర్, మాట మాంత్రికుడు త్రివిక్రమ్ కాంబినేషన్లో ఓ సినిమా వస్తున్న సంగతి తెలిసిందే. నిజానికి ఇది అల్లు అర్జున్తో చేయాల్సిన మూవీ. ఏమైందో తెలియదు ఈ ప్రాజెక్ట్ నుంచి బన్నీ అవుట్ అయ్యి.. ఎన్టీఆర్ ఎంట్రీ ఇచ్చాడు. దీనికి గాడ్ ఆఫ్ వార్ అనే టైటిల్ అనుకుంటున్నట్టు ఓ వార్త ప్రచారంలో ఉంది. అల్లు అర్జున్ కోసం రెడీ చేసిన ఈ స్క్రిప్ట్లో మార్పులు చేసి ఎన్టీఆర్తో తెరకెక్కించాలని త్రివిక్రమ్ రెడీ అయ్యాడు. దీనికి సంబంధించి అన్ని చర్చలు కూడా అయిపోయాయి.
ప్రస్తుతం ఈ ప్రాజెక్ట్ ప్రీ ప్రొడక్షన్ వర్క్ జరుపుకుంటున్నట్టు మొన్నటి వరకు వార్తలు వినిపంచాయి. త్వరలోనే అధికారిక ప్రకటన కూడా రానుందంటూ సినీ సర్కిల్లో జోరుగా ప్రచారం జరిగింది. అయితే ఇప్పుడు ఈ ప్రాజెక్ట్ ఓ షాకింగ్ న్యూస్ బయటకు వచ్చింది. అయితే ఇప్పుడు ఈ కాంబో క్యాన్సిల్ అయినట్టు గుసగుసలు వినిపిస్తున్నాయి. మళ్లీ ఈ కథ అల్లు అర్జున్ దగ్గరికే వెళ్లిందని టాక్. కాగా మైథలాజికల్ బ్యాగ్రౌండ్తో తెరకెక్కే ఈ సినిమాను హారిక అండ్ హాసిని క్రియేషన్స్ బ్యానర్స్ నిర్మాత రాధా కృష్ణ అలియాస్ చిన్నబాబు నిర్మిస్తున్నారు. మొదటి నుంచి ఈ సినిమా హీరో విషయంలో మూవీ టీం నుంచి వాదనలు జరుగుతున్నాయట.
ఈ కథకి అల్లు అర్జున్ అయితేనే పర్ఫెక్ట్ ఉంటుందని కొందరు.. మరికొందరమో ఎన్టీఆర్ కావాలని అంటున్నారు. హీరో విషయంలో మూవీ టీంలోనే రెండు గ్రూపులు ఏర్పడ్డాయి. ఫైనల్ నిర్మాత చిన్నబాబు మాత్రం అల్లు అర్జున్పైనే ఆసక్తి చూపిస్తున్నారు. ఈ సినిమా లీడ్ యాక్టర్ బన్నీ వైపే ఎక్కువ మొగ్గు చూపారట. ఆ పరంగా త్రివిక్రమ్, అల్లు అర్జున్తో చర్చలు జరిపి చివరికి బన్ని ఒప్పించారట. చివరకు ఈ సినిమా హీరోగా అల్లు అర్జున్ ఫిక్స్ అయ్యాడట. దీంతో ఎన్టీఆర్తో చేయాల్సిన ఈ సినిమా ఆల్మోస్ట్ క్యాన్సిల్ అయిందని అంటున్నారు. తాజాగా దీనిపై బన్నీ వాసు క్లారిటీ ఇచ్చారు. తాజా ప్రెస్ మీట్ ఇదే విషయంపై ఆయన ప్రశ్న ఎదురైంది. కొన్ని కొన్ని సార్లు ప్రాజెక్ట్స్ ఎటు నుంచి ఎటు వెళతాయో తెలియదు.. ఏదేమైన దర్శకులు, హీరోల మధ్య మంచి హెల్తీ రిలేషన్ ఉండాలి. దీనిపై ఆఫీషియల్ అనౌన్స్మెంట్ వచ్చేవరకు అందరు కాస్తా ఒపిగ్గా వేయిట్ చేయండని చెప్పారు.
మరోవైపు అల్లు అర్జున్ అప్ కమ్మింగ్ చిత్రాలపై కూడా బన్నీ వాసు కీలక అప్డేట్ ఇచ్చారు. అట్లీతో పాటు ఆయన మరో రెండు సినిమాలు చేస్తున్నాడని, ఇప్పటికే ఒప్పందం కూడా అయిపోనట్టు తెలిపారు. అందులో ఒకటి 2026 జులై లేదా ఆగస్టులో స్టార్ట్ అవుతుందని, మరోకటి 2027లో మార్చిలో మొదలవుతుందని చెప్పాడు. వీటిపై జనవరిలో అధికారిక ప్రకటన చేస్తామని స్పష్టం చేశారు. దీనిబట్టి చూస్తుంటే త్రివిక్రమ్-బన్నీ కాంబో మళ్లీ సెట్ అయిందనడానికి ఆయన తాజా కామెంట్స్ మరింత ఆద్యం పోస్తున్నాయి. ఇందులో త్రివిక్రమ్ మూవీ కూడా ఉందని స్పష్టం అవుతుంది. మరి ఈ వార్తలపై క్లారిటీ రావాలంటే కొద్ది రోజులు ఆగాల్సిందే.
Share
Top 5 Selling Bikes of 2025: ఈ ఏడాది అమ్మకాల్లో దూసుకెళ్లిన టాప్ 5 బైక్స్ ఇవే.. నెంబర్ వన్ ఏదంటే?
Chandrababu-Pawan With Modi: ఈ బంధం బలమైంది.. కేంద్రంలో కీలకపాత్ర, ఇక జనసేన వంతు?
