Allu Arjun: టాలీవుడ్ స్టార్ హీరో అల్లు అర్జున్ మరోసారి ప్రపంచవ్యాప్తంగా అభిమానులను ఆకట్టుకున్నారు. ఆయన నటించిన చిత్రం పుష్ప 2: ది రూల్ జపాన్ టోక్యోలో గ్రాండ్గా ప్రీమియర్ జరిగింది. ఈ ప్రీమియర్లో అల్లు అర్జున్ చేసిన ఒక ప్రత్యేక పని అక్కడి ప్రేక్షకులను బాగా ఆకట్టుకుంది.
టోక్యోలోని థియేటర్లో వేదికపై నిలబడి అల్లు అర్జున్ తన సినిమాలోని ఒక ఫేమస్ డైలాగ్ను జపనీస్ భాషలో చెప్పారు. ఆ మాటలు వినగానే థియేటర్ మొత్తం చప్పట్లతో మార్మోగిపోయింది. జపాన్ ప్రేక్షకులు నిలబడి మరీ చప్పట్లు కొట్టారు. ఈ సీన్ చూసిన ప్రతి ఒక్కరూ అల్లు అర్జున్కు ఫిదా అయ్యారు.
ఈ కార్యక్రమంలో అల్లు అర్జున్తో పాటు హీరోయిన్ రష్మిక మందన్న కూడా పాల్గొన్నారు. ప్రేక్షకుల స్పందన చూసి ఇద్దరూ వేదికపై నుంచి నమస్కరించి ధన్యవాదాలు తెలిపారు. ఈ దృశ్యం అక్కడి అభిమానులకు మరింత దగ్గర చేసింది.
పుష్ప 2 సినిమా జపాన్లో జనవరి 16న విడుదల కానుంది. ఇప్పటికే అక్కడ ఈ సినిమాపై మంచి అంచనాలు ఉన్నాయి. అల్లు అర్జున్ చేసిన జపనీస్ డైలాగ్ సినిమా ప్రచారానికి మరింత ప్లస్ అయింది.
ఈ వీడియో సోషల్ మీడియాలో వైరల్గా మారింది. అభిమానులు “ఇది నిజమైన ఇంటర్నేషనల్ మాస్” అంటూ కామెంట్లు చేస్తున్నారు. కొందరు “భాషే కాదు, నటనకు సరిహద్దులు లేవు” అని ప్రశంసిస్తున్నారు.
టోక్యో పర్యటనలో అల్లు అర్జున్ అభిమానులతో కలిసి ఫొటోలు దిగారు, ఆటోగ్రాఫ్లు ఇచ్చారు. ఇటీవలే ఆయన భార్య స్నేహా రెడ్డితో కలిసి హైదరాబాద్ నుంచి జపాన్కు బయల్దేరారు.
పుష్ప 2 సినిమాను దర్శకుడు సుకుమార్ తెరకెక్కించారు. ఈ చిత్రంలో ఫహాద్ ఫాసిల్, జగపతిబాబు, సునీల్, రావు రమేష్ ముఖ్య పాత్రల్లో నటించారు. పుష్ప 2 జపాన్ రిలీజ్తో తెలుగు సినిమా స్థాయి మరో మెట్టు ఎక్కినట్టే అని అభిమానులు భావిస్తున్నారు.
Also Read: Allu Arjun vs Jr NTR: అల్లు అర్జున్ తప్పుకోవడంతో ఎన్టీఆర్కు దారి క్లియర్ అయిందా..!
Share
KTR: స్పీకర్ వ్యవస్థను భ్రష్టు పట్టించారు.. ఉపఎన్నికల భయంతోనే రేవంత్ సర్కార్ ఇలా..? కేటీఆర్ సంచలన ట్వీట్
Nothing Phone: భారీగా పెరగనున్న స్మార్ట్ఫోన్ ధరలు.. బిగ్ బాంబ్ పేల్చిన నథింగ్ సీఈవో, ఎంత పెరుగుతాయంటే..?
