Allu Arjun: టాలీవుడ్ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్న వారిలో నటుడు అల్లు అర్జున్ (Allu Arjun )ఒకరు. తెలుగు చిత్ర పరిశ్రమలో మాత్రమే కాకుండా ఈయన పాన్ ఇండియా స్థాయిలో ఎంతో మంచి ఆదరణ సొంతం చేసుకున్న సంగతి తెలిసిందే. ఇలా నటుడిగా కొనసాగుతున్న అల్లు అర్జున్ కు పెద్ద ఎత్తున అభిమానులు ఉన్నారు. ఈ నేపథ్యంలోనే అల్లు అర్జున్ ఫ్యాన్స్ అసోసియేషన్ ఏర్పాటు చేసి పెద్ద ఎత్తున సేవా కార్యక్రమాలను నిర్వహిస్తూ వచ్చారు.. అయితే ఈ ఏడాది వినూత్నంగా అల్లు అర్జున్ అభిమానులు చేపట్టిన కార్యక్రమం పట్ల ఎంతోమంది ప్రశంసలు కురిపిస్తున్నారు.
అల్లు అర్జున్ తన పుట్టినరోజు పురస్కరించుకొని మళ్లీ పుట్టినరోజు వరకు ప్రతి ఏడాది ఒక మంచి సామాజిక అంశాన్ని ప్రోత్సహించాలని అభిమానులకు సూచించారు. ఈ నేపథ్యంలోనే ఈ ఏడాది బన్నీ పుట్టినరోజు సందర్భంగా ఆయన అభిమానులు హెచ్ పీవీ వ్యాక్సిన్(HPV Vaccine) గురించి ప్రచారం చేస్తూ క్యాన్సర్ పట్ల అవగాహన కార్యక్రమాన్ని చేపట్టారు.. ఇటీవల కాలంలో సర్వైకల్ క్యాన్సర్స్ అధికమవుతున్న నేపథ్యంలో గవర్నమెంట్ ఆఫ్ ఇండియా ఈ సర్వైకల్ క్యాన్సర్ అరికట్టడం కోసం హెచ్ పి వి వ్యాక్సిన్ అందుబాటులోకి తీసుకువచ్చింది ఈ వ్యాక్సిన్ 14 సంవత్సరాలు వయసున్న ప్రతి ఒక్క అమ్మాయి ఈ వ్యాక్సిన్ వేయించుకోవాలని తెలిపారు. అయితే కొంతమంది ఈ వ్యాక్సిన్ పట్ల అపోహలు కలిగి ఉన్న నేపథ్యంలో వాటన్నింటినీ తొలగిస్తూ బన్నీ అభిమానులు అవగాహన కార్యక్రమాన్ని చేపట్టారు.
ఇలా బన్నీ అభిమానులు HPV వ్యాక్సిన్ పట్ల అవగాహన కార్యక్రమాన్ని చేపట్టడంతో ఈ విషయంపై అల్లు అర్జున్ స్పందిస్తూ సోషల్ మీడియా వేదికగా చేసిన పోస్ట్ వైరల్ అవుతుంది. ప్రతి ఏడాది ఒక మంచి పని అనే కార్యక్రమాన్ని స్వీకరించి హెచ్ పి వి వ్యాక్సిన్ పట్ల అవగాహన కార్యక్రమాన్ని చేపట్టిన నా అభిమానులందరిని చూసి చాలా గర్వపడుతున్నాను. ఎంతో అద్భుతంగా ఈ కార్యక్రమాన్ని చేపట్టారు. మీరు తలపెట్టిన ఈ కార్యక్రమాన్ని చూస్తుంటే నా హృదయం ఆనందంతో నిండిపోతుంది. మీ శక్తి అంతా ఇలాంటి మంచి పనులకే వెళుతుండడం సంతోషంగా ఉంది. మిమ్మల్ని చూసి చాలా గర్వపడుతున్నాను.
I am truly soo proud of all my fans for embracing the “One Good Deed Every Year” initiative and taking up a meaningful programme like the #HPVVaccine Awareness Drive. You guys have outdone yourself and it truly fills my heart seeing every activity . Soo glad all of your energy is…
— Allu Arjun (@alluarjun) April 10, 2026
ఇలాంటి ఒక గొప్ప కార్యక్రమాన్ని ముందుకు తీసుకెళ్లడం కోసం తమ సమయాన్ని తమ మద్దతును ప్రకటించిన మంత్రులకు ,నాయకులకు అలాగే ప్రభుత్వ అధికారులకు నా హృదయపూర్వక ధన్యవాదాలు. ఇలాంటి సానుకూల ప్రభావాన్ని చూపించే కార్యక్రమాల కోసం మనమంతా ఎల్లప్పుడూ ఇలాగే కలిసికట్టుగా ఉందాం అంటూ అల్లు అర్జున్ తన అభిమానుల గురించి వారు చేపట్టిన కార్యక్రమం గురించి ప్రశంసిస్తూ చేసిన ఈ పోస్ట్ వైరల్ అవుతుంది.
Also Read: విజయ్ నాకు బావ కాదు.. అన్నయ్య ..రష్మిక చెల్లెలు షిమన్ సంచలన పోస్ట్!
Share
కేశవా ఏందిరా ఇదీ… ఈ కారు ఏకంగా 406 టన్నుల రైలును లాగేసిందీ!
సినిమాను తలపించేలా.. 5 గంటలు చెరువులో దాక్కున్న దొంగ.. చివరకి..
