Anasuya Bhardwaj: అనసూయ భరద్వాజ్ గత కొద్దిరోజులుగా పెద్ద ఎత్తున వివాదాలలో నిలుస్తున్న సంగతి తెలిసిందే. ఈమె ఏ విషయాన్ని అయినా నిర్మొహమాటంగా ముక్కుసూటిగా మాట్లాడటంతో ఎన్నో వివాదాలను ఎదుర్కొంటూ ఉన్నారు. తన గురించి ఎవరైనా అసభ్యకరంగా కామెంట్లు చేసినా అటువైపు ఉన్నది ఎవరనేది లెక్కచేయకుండా వారికి తనదైన స్టైల్ లోనే అనసూయ సమాధానం ఇస్తూ ఉంటారు. ఇలా నిత్యం వివాదాలలో నిలుస్తున్న అనసూయ శివాజీ చేసిన వ్యాఖ్యలపై ఘాటుగా స్పందించారు. ఈ నేపథ్యంలోనే కొంతమంది అనసూయకు మద్దతుగా నిలవగా మరికొందరు ఈమె పై విమర్శలు కురిపిస్తూ వచ్చారు..
ఈ వివాదం అనంతరం ఈమె నిత్యం సోషల్ మీడియాలో యాక్టివ్ గా ఉంటూ తనకు సంబంధించిన విషయాలను అభిమానులతో పంచుకుంటున్నారు . తాజాగా ఇంస్టాగ్రామ్ స్టోరీ ద్వారా అనసూయ హీరోయిన్ అసలు అర్థాన్ని తెలియజేస్తూ చేసిన పోస్ట్ వైరల్ అవుతుంది. హీరోయిన్ అంటే తెరపై కనిపించి సందడి చేసేవారు కాదని అనసూయ తెలియచేశారు.”సత్యం మాట్లాడే ధైర్యం.. సొంతదారిలో నడిచే శక్తి.. సరైన దానికి నిలబడే గుండె అదే నిజమైన హీరోయిన్.. మిగతావాళ్లు కేవలం నటులు మాత్రమే” అంటూ అనసూయ చేసిన పోస్ట్ ప్రస్తుతం వైరల్ అవుతుంది.
ఈ పోస్ట్ ద్వారా తాను ఏ విషయం గురించైనా నిజాలు మాట్లాడుతూ ధైర్యంగా పోరాటం చేస్తానని అందుకే తాను నిజమైన హీరోయిన్ అని చెప్పకనే చెప్పేశారు. ప్రస్తుతం ఈ పోస్టుపై విభిన్న రీతిలో కామెంట్లు వ్యక్తం అవుతున్నాయి. అనసూయ చెప్పిన మాటలు నిజమే కదా అంటూ కొంతమంది కామెంట్లు చేయగా, మరికొందరు యధావిధిగా విమర్శలు కురిపిస్తూ కామెంట్లు చేస్తున్నారు. ఇక అనసూయ విషయానికి వస్తే.. బుల్లితెర యాంకర్ గా సక్సెస్ అందుకున్న ఈమె వెండితెరపై సినిమాలలో అవకాశాలను అందుకొంటూ పలు సినిమాలలో నటించి సందడి చేశారు.
క్షమాపణలు చెప్పిన అనసూయ..
ఇటీవల కాలంలో అనసూయ పెద్దగా సినిమాలలో నటించడం లేదని తెలుస్తోంది. మరోవైపు బుల్లితెర కార్యక్రమాలకు కూడా దూరంగా ఉంటున్నారు. అయితే పెద్ద ఎత్తున షాపింగ్ మాల్స్ ప్రారంభోత్సవ కార్యక్రమాలలో పాల్గొంటూ బిజీగా ఉన్న అనసూయ సోషల్ మీడియాలో కూడా యాక్టివ్ గా ఉంటూ తనకు సంబంధించిన విషయాలతో పాటు ఇండస్ట్రీకి సంబంధించిన విషయాల గురించి కూడా స్పందిస్తూ వార్తల్లో నిలుస్తున్నారు. ఇలా శివాజీ చేసిన వ్యాఖ్యలపై అనసూయ ఘాటుగా స్పందించడంతో వివాదంలో చిక్కుకున్నారు. ప్రస్తుతం మహిళలకు మద్దతుగా నిలిచిన అనసూయ గతంలో మహిళలను ఉద్దేశించి డబుల్ మీనింగ్ డైలాగులతో మాట్లాడిన వీడియోలను కూడా బయట పెడుతూ విమర్శలు కురిపిస్తున్నారు. ఈ నేపథ్యంలోనే అనసూయ నటి రాశి గురించి గతంలో చేసిన వ్యాఖ్యలకు ఈమె క్షమాపణలు చెప్పిన సంగతి తెలిసిందే.
Also Read: Actor Suman: శివాజీ మాటలు తప్పు.. అనసూయకు ఇచ్చి పడేసిన సుమన్?
Share
Husband Murder: గుండెపోటు కాదు.. 2 కోట్ల ఇన్సూరెన్స్ కోసం భర్తను కడతేర్చిన భార్య
KCR : పదేండ్లు ఆయన చెప్పిందే వేదం.. ఇప్పుడు జీరో అయ్యారా?
