Star Actor: పాకెట్ మనీ కావాలంటే భార్యను అడగాల్సిందే.. స్టార్ హీరో షాకింగ్ కామెంట్స్!

Star Actor: బాలీవుడ్ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్న వారిలో సీనియర్ నటుడు అనిల్ కపూర్ (Anil Kapoor)కూడా ఒకరు. ప్రముఖ నిర్మాత బోణీ కపూర్ సోదరుడుగా అనిల్ కపూర్ అందరికీ ఎంతో సుపరిచితమే. ఈ విధంగా అనిల్ కపూర్ నటుడిగా ఇండస్ట్రీలో కొనసాగుతూ వరుస సినిమాలలో నటిస్తూ ఎంతో బిజీగా ఉన్నారు. త్వరలోనే అనిల్ కపూర్ నటించిన సుబేదార్ అనే సినిమా ప్రేక్షకుల ముందుకు రావడానికి సిద్ధమవుతోంది. ప్రస్తుతం ఈ సినిమా ప్రమోషన్ కార్యక్రమాలలో చిత్ర బృందం ఎంతో బిజీగా ఉన్నారు.

నా ఇంట్లోనే నాకు అభిమానులు లేరు..

ఇటీవల ఈ సినిమా నుంచి ట్రైలర్ విడుదల చేసిన సంగతి తెలిసిందే. ఈ ట్రైలర్ లాంచ్ కార్యక్రమంలో భాగంగా అనిల్ కపూర్ తనుకు సంబంధించి ఒక ఆసక్తికరమైన విషయాన్ని అభిమానులతో పంచుకున్నారు. ఈ సందర్భంగా అనిల్ కపూర్ మాట్లాడుతూ తనుకు వివాహం జరిగి 41 సంవత్సరాలు అయినప్పటికీ తనకు పాకెట్ మనీ కావాలి అంటే తన భార్యను అడుగుతాను అంటూ ఈయన చేసిన వ్యాఖ్యలు వైరల్ అవుతున్నాయి. నా ఇంట్లో నాకు ఎవరు అభిమానులు లేరు.నేను ఈరోజు ఇంటి నుండి బయలుదేరుతుండగా, నేను ట్రైలర్ లాంచ్ కి వెళ్తున్నానని చెప్పగానే ఆమె ఏ సినిమా అంటూ నన్ను ప్రశ్నించింది. కనీసం నేను ఏ సినిమాలలో నటిస్తున్నాననే విషయం కూడా తన భార్యకు తెలియదని అనిల్ కపూర్ తెలిపారు.

భార్యను అడిగి డబ్బు తీసుకుంటా..

తాను షూటింగ్ కు వెళ్లాలనుకున్న లేదా పని నిమిత్తం బయటకు వెళ్లాలనుకున్న నా భార్య నుంచి డబ్బులు అడిగి తీసుకుంటానని చెప్పడంతో అభిమానులు విభిన్న రీతులో స్పందిస్తూ కామెంట్లు చేస్తున్నారు.బాలీవుడ్ ఇండస్ట్రీలో స్టార్ హీరో.. పెళ్లి జరిగి కూడా 40 సంవత్సరాలు అవుతుంది అలాంటిది ఈయన పాకెట్ మనీ కోసం భార్యను అడగడం ఏంటి అంటూ అభిమానులు కామెంట్లు వ్యక్తం చేస్తున్నారు. అయితే కొంతమంది తమ సినిమా వ్యవహారాలలో బిజీగా ఉన్న నేపథ్యంలో డబ్బుల విషయంలో పెద్దగా పట్టింపులు ఉండవని చెప్పాలి.

ఎన్టీఆర్ డ్రాగన్ సినిమాలో అనిల్ కపూర్..

ఇక టాలీవుడ్ ఇండస్ట్రీలో కూడా దర్శకుడుగా ఎంతో మంచి గుర్తింపు సంపాదించుకున్న రాజమౌళి కూడా తన పాకెట్లో ఎప్పుడు డబ్బులు పెట్టుకోరని ఆయన బయటకు వెళ్తే మనమే బిల్ పే చేయాల్సి ఉంటుందని ఆయన భార్య రమ రాజమౌళి కూడా ఓ సందర్భంలో వెల్లడించిన సంగతి తెలిసిందే. ప్రస్తుతం రాజమౌళి బాటలోనే అనిల్ కపూర్ కూడా పాకెట్ మనీ కూడా తన భార్య నుంచే తీసుకుంటారని తెలిసి అందరూ ఆశ్చర్యం వ్యక్తం చేస్తున్నారు. అనిల్ కపూర్ విషయానికి వస్తే ప్రస్తుతం ఈయన పలు బాలీవుడ్ సినిమాలతో పాటు ఎన్టీఆర్ ప్రశాంత్ నీల్ దర్శకత్వంలో రాబోతున్న డ్రాగన్ సినిమాలో కూడా కీలక పాత్రలో కనిపించబోతున్నట్టు సమాచారం.

Also Read: Virosh wedding: విరోష్ వెడ్డింగ్ ఉదయ్ పూర్ లో ల్యాండ్ అయిన వేద పండితులు..