Anil Ravipudi: మన శంకర వరప్రసాద్ గారు.. 20 ఏళ్ల తర్వాత ఫ్యాన్స్ కి ఫుల్ ట్రీట్.. డైరెక్టర్ కామెంట్స్

Anil Ravipudi-MSVPG: సెకండ్ ఇన్నింగ్స్ లో మెగాస్టార్ చిరంజీవి వరుసగా సినిమాలు చేస్తున్నారు. బ్యాక్ టూ బ్యాక్ ప్రాజెక్ట్స్ ని లైన్ లో పెట్టి ఫుల్ బిజీ అయిపోయారు. ప్రస్తుతం ఆయన చేతిలో ఉన్న ప్రాజెక్ట్ లో భారీ బజ్ ఉన్న చిత్రం ‘మన శంకర వరప్రసాద్ గారు’. అనిల్ రావిపూడి దర్శకత్వంతో తెరకెక్కతోన్న ఈ సినిమా ప్రస్తుతం షూటింగ్ జరుపుకుంటుంది. వచ్చే ఏడాది సంక్రాంతికి రిలీజ్ కి ఈ మూవీ సిద్దమౌతుంది. షూటింగ్ తోపాటు మరోవైపు పోస్ట్ ప్రొడక్షన్ వర్క్ ని కూడా పూర్తి చేసే పనిలో ఉన్నాడు అనిల్.

ఫస్ట్ సింగిల్ భారీ రెస్పాన్స్

ఇక మధ్య మధ్యలో మూవీ అప్డేట్స్ వదులుతూ హైప్ పెంచుతున్నాడు. ఈ నేపథ్యంలో తాజాగా ఓ ఇంటర్య్వూలో పాల్గొన్న అనిల్ రావిపూడి మన శంకర వరప్రసాద్ గారు మూవీకి సంబంధించిన ఓ క్రేజీ అప్డేట్ వదిలాడు. మొదటి నుంచి ఈ మూవీపై అంచనాలు ఓ రేంజ్ లో ఉన్నాయి. చిరు బర్త్ డే సందర్భంగా వచ్చిన ఫస్ట్ లుక్, గ్లింప్స్ మరింత బజ్ పెరిగింది. ఆ తర్వాత వచ్చిన ఓ మీసాల పిల్ల పాట యూట్యూబ్ లో ట్రెండ్ అవుతుంది. రోజుకో అప్డేట్ మూవీపై బజ్ పెరుగుతుంది. ముఖ్యంగా ఇందులో చిరు లుక్ మెగా ఫ్యాన్స్ కి ఫుల్ ట్రీట్ ఇస్తుంది.

వింటేజ్ చిరు చూడబోతున్నారు..

ఇందులో వింటేజ్ చిరు చూడబోతున్నామంటూ అభిమానులంత తెగ మురిసిపోతున్నారు. అలాంటి ఫ్యాన్స్ అనిల్ రావిపూడి ఇచ్చిన అప్డేట్ మరింత ఉత్సాహాన్ని ఇస్తుంది. తాజా ఓ ఇంటర్య్వూలో ఆయన మాట్లాడుతూ.. ‘మెగాస్టార్ చిరంజీవి నుంచి ఫ్యాన్స్ ఆశించిన ఫ్యామిలీ జానర్ వచ్చి చాలా కాలం అవుతుంది. అప్పట్లో చిరు నటించిన చట్టబ్బాయి,’రౌడీ అల్లుడు’, ‘దొంగ మొగుడు’, ‘యముడికి మొగుడు’ వంటి కంప్లీట్ ఫ్యామిలీ ఎంటర్టైనర్స్ ఆడియన్స్ ఎంతగా అలరించాయో ప్రత్యేకంగా చెప్పనవసరం లేదు. ఇందులో యాక్షన్ తో పాటు కామెడీ కూడా హైలెట్ గా నిలిచాయి. చిరు నుంచి ఇలాంటి సినిమాలు వచ్చి రెండు దశాబ్ధాలు పైనే అవుతున్నాయి.

Also Read: Ram Pothineni : రామ్ ఆ తప్పు చేయడం వల్లనే, ఆంధ్ర కింగ్ కు తక్కువ కలెక్షన్లు

20 ఏళ్ల తర్వాత మళ్లీ అలాంటి సినిమా..

కంప్లీట్ ఫ్యామిలీ ఎంటైర్టైనర్స్ వచ్చి రెండు డికెడ్స్ అవుతున్నాయి. ఇప్పుడు అలాంటి జానర్ లో మన శంకరవరప్రసాద్ గారు ఉండనుంది. అంటే 20 ఏళ్ల తర్వాత మెగాస్టార్ మళ్లీ ఫ్యామిలీ ఎంటర్టైనర్ ఫ్యాన్స్ కి ఫుల్ ట్రీట్ ఇవ్వబోతున్నారు’ అంటూ అనిల్ రావిపూడి చెప్పుకొచ్చారు. ప్రస్తుతం ఆయన కామెంట్స్ వైరల్ అవుతున్నాయి. ఇందులో విక్టరీ వెంకటేష్‌ కామియో రోల్‌ మరింత ప్రత్యేకంగా ఉండబోతుందట. మొత్తానికి మన శంకర వరప్రసాద్‌తో వచ్చే ఏడాది సంక్రాంతికి అనిల్‌ రావిపూడి మెగా ఎంటర్‌టైన్‌మెంట్స్‌తో పర్ఫెక్ట్‌ పండగ సందడి తీసుకురాబోతున్నారు. 2026 జనవరి 9న ఈ చిత్రం ప్రేక్షకుల ముందుకు రాబోతుంది. కాగా ఈ చిత్రంలో లేడీ సూపర్ స్టార్ట నయనతార హీరోయిన్ గా నటిస్తున్న విషయం తెలిసిందే.