NBK 111:సౌత్ సినీ ఇండస్ట్రీలో లేడీ సూపర్ స్టార్ గా గుర్తింపు తెచ్చుకున్న నయనతార (Nayanthara) ఇండస్ట్రీకి వచ్చి రెండు దశాబ్దాలకు పైగానే అవుతున్నా.. వరుస సినిమాలలో అవకాశాలు అందుకుంటూ బిజీగా మారింది. తెలుగు, తమిళ్, హిందీ అంటూ భాషతో సంబంధం లేకుండా సీనియర్ హీరోలను మొదలుకొని స్టార్ హీరోల వరకు ఎంతోమందితో సినిమాలు చేస్తూ బిజీగా మారిపోయింది. అందులో భాగంగానే ఈ ఏడాది మెగాస్టార్ చిరంజీవి హీరోగా అనిల్ రావిపూడి దర్శకత్వంలో వచ్చిన చిత్రం ‘మన శంకర్ వరప్రసాద్ గారు’ సినిమాలో హీరోయిన్ గా నటించింది. సంక్రాంతికి వచ్చిన ఈ సినిమా బ్లాక్ బస్టర్ విజయాన్ని సొంతం చేసుకుంది.
ఈ సినిమా అందించిన సక్సెస్ తో వరుసగా అవకాశాలు అందుకుంటూ బిజీగా మారింది నయనతార. అందులో భాగంగానే గోపీచంద్ మలినేని దర్శకత్వంలో బాలకృష్ణ హీరోగా నటిస్తున్న NBK 111 సినిమాలో హీరోయిన్గా నయనతారను ఎంపిక చేసుకున్నట్లు వార్తలు వచ్చాయి. ఇదివరకే వీరిద్దరి కాంబినేషన్లో సింహ , శ్రీరామరాజ్యం, జై సింహా అంటూ మూడు సినిమాలు రాగా.. మూడు కూడా మంచి విజయాన్ని అందుకున్నాయి. దీంతో నాలుగవసారి ఈ కాంబినేషన్లో సినిమా అనేసరికి అభిమానులు సంతోషం వ్యక్తం చేశారు. మళ్లీ ఆ సక్సెస్ మ్యాజిక్ రిపీట్ అవుతుందని సంబరపడ్డారు. కానీ అంతలోనే నయనతార ఈ సినిమా నుండి తప్పుకోగా.. కాజల్ అగర్వాల్ ని దింపేశారు.
కాజల్ అగర్వాల్ ఇప్పటికే అనిల్ రావిపూడి దర్శకత్వంలో బాలయ్య హీరోగా నటించిన భగవంత్ కేసరి సినిమాలో హీరోయిన్ గా నటించింది. ఇప్పటికే వెండితెరపై బాలకృష్ణ కాజల్ సందడి చేసి ఆకట్టుకున్నారు. అందులో భాగంగానే కాజల్ ఇప్పుడు ఎంట్రీ ఇచ్చిందని.. ఇక ఈ సినిమా కూడా సూపర్ హిట్ అంటూ అభిమానులు కామెంట్లు చేశారు. ఇక అంతా బాగానే ఉన్నా సడన్ గా నయనతార ఈ సినిమా నుండి ఎందుకు తప్పుకుంది ?అనే వార్తలు నెటిజన్స్ నుంచి వ్యక్తమయ్యాయి. దీనికి కారణం రెమ్యూనరేషన్ అని తెలుస్తోంది. బాలయ్య – గోపీచంద్ కాంబినేషన్ లో వస్తున్న ఈ సినిమా కోసం నయనతార ఏకంగా 10 కోట్ల రూపాయలు డిమాండ్ చేసిందట. ఇక భారీ పారితోషకం డిమాండ్ చేయడం , షూటింగ్ కాల్ షీట్ల సర్దుబాటు, ప్రమోషన్లకు దూరంగా ఉండే నిబంధనల వల్లే మేకర్స్ వెనక్కి తగ్గినట్లు సమాచారం.
ALSO READ:వీల్ చైర్ కే పరిమితమైన స్టార్ డైరెక్టర్.. నడవలేని పరిస్థితుల్లో!
ఇకపోతే నయనతార ఈ సినిమా నుండి తప్పుకోవడంతో నెటిజన్స్ , బాలయ్య అభిమానులు ఈమెపై ఆగ్రహం వ్యక్తం చేస్తున్నారు. ఇంత వ్యత్యాసం ఎందుకు అంటూ మండిపడుతున్నారు. అసలు విషయంలోకి వెళ్తే.. అనిల్ రావిపూడి దర్శకత్వంలో మెగాస్టార్ చిరంజీవి హీరోగా నటించిన సినిమాలో శశిరేఖ పాత్రలో నయనతార అద్భుతమైన నటన కనబరిచింది. అయితే ఈ పాత్ర కోసం కేవలం రూ.6 కోట్లు మాత్రమే తీసుకుంది. అంతేకాదు సినిమా ప్రమోషన్స్ లో సందడి చేసింది. చిరంజీవి సినిమాకు తన కట్టుబాట్లు అన్నీ పక్కన పెట్టి రెమ్యూనరేషన్ తగ్గించుకొని మరీ ఈ సినిమా చేసింది. అయితే చిరంజీవి తోటి నటుడు బాలయ్య.. ఇద్దరికీ కూడా స్టార్ స్టేటస్ ఉంది. అలాంటిది చిరంజీవి కోసం తగ్గిన నయనతార.. బాలకృష్ణ విషయంలో ఎందుకు డిమాండ్ చేస్తోంది అనే కామెంట్లు ఇప్పుడు నెట్టింట గుప్పుమంటున్నాయి. మరి ఈ విషయం ఎంతకు దారి తీస్తుందో చూడాలి.
Share
Virat Kohli Insults Gill: గిల్ ను అవమానించిన విరాట్ కోహ్లీ.. షూ చూపిస్తూ ర్యాగింగ్
Michael Review : 'మైఖేల్' మూవీ రివ్యూ.. మైఖేల్ జాక్సన్ బయోపిక్ ఎలా ఉందంటే..?
