2025 Villains: 2025లో బాలీవుడ్‌ను షేక్ చేసిన విలన్లు.. హీరోలకంటే వీళ్ళకే ఎక్కువ క్రేజ్..!

2025 Villains: 2025 సంవత్సరం బాలీవుడ్ సినిమాలకు.. చాలా ప్రత్యేకమైన సంవత్సరంగా నిలిచింది. ఈ ఏడాది భారీ బడ్జెట్ సినిమాలు థియేటర్లలో విడుదలయ్యాయి. కొన్ని సినిమాలు హిట్ అయ్యాయి..మరికొన్ని ఆశించిన స్థాయిలో ఆడలేదు. కానీ ఒక విషయం మాత్రం ఈ సంవత్సరం అందరిని ఎంతగానో ఆకట్టుకుంది. అదేంటంటే.. ఈ ఏడాది విలన్ పాత్రలు ప్రేక్షకులపై గట్టి ప్రభావం చూపాయి.

సాధారణంగా సినిమాల్లో హీరో గెలుపే కథగా ఉంటుంది. కానీ 2025లో వచ్చిన కొన్ని సినిమాల్లో విలన్ల నటన హీరోలను కూడా మించి ప్రేక్షకులను ఆకట్టుకుంది. మంచి కథతో పాటు బలమైన నెగటివ్ క్యారెక్టర్ ఉంటే సినిమా స్థాయి ఎలా పెరుగుతుందో ఈ ఏడాది రుజువు చేసింది.

సెన్సేషన్ సృష్టించిన అక్షయ్ కన్నా..

ఈ జాబితాలో ముందుగా చెప్పుకోవాల్సిన పేరు మొదటి పేరు.. అక్షయ్ కన్నా. ఆయన నటించిన దురంధర్.. సినిమాలో విలన్ పాత్ర ప్రేక్షకులను బాగా ఆకట్టుకుంది. చాలా కాలం తర్వాత అక్షయ్ ఖన్నా చేసిన ఈ పాత్ర సోషల్ మీడియాలో కూడా పెద్ద చర్చగా మారింది. సినిమాలోని ఇతర పాత్రల కంటే ఆయన నటన ఎక్కువగా గుర్తుండిపోయిందని.. చాలామంది అభిప్రాయం. అంతేకాదు ఇంస్టాగ్రామ్ మొత్తం కూడా.. ఆయన ఎంట్రీ వీడియో తెగ వైరల్ అవుతూ వచ్చింది.

అదే సినిమాలో మరో ముఖ్యమైన పాత్రలో అర్జున్ రాంపాల్.. కనిపించారు. కొంతకాలంగా సినిమాలకు దూరంగా ఉన్న ఆయనకు ఈ సినిమా.. మంచి కంబ్యాక్‌గా మారిందని అభిమానులు అంటున్నారు. ఆయన పాత్రకు మంచి స్పందన వచ్చింది.

ఇక మరోపక్క..మాడాక్ ఫిల్మ్స్ హారర్-కామెడీ యూనివర్స్ నుంచి వచ్చిన తమ్మ సినిమా బాక్సాఫీస్ వద్ద పెద్దగా విజయం సాధించలేదు. కానీ అందులో నవాజుద్దీన్ సిద్ధిఖీ చేసిన విలన్ పాత్ర మాత్రం ప్రేక్షకులను.. బాగా ఆకట్టుకుంది. భవిష్యత్తులో ఈ ఫ్రాంచైజీలో ఆయన మళ్లీ కనిపించాలని అభిమానులు కోరుకుంటున్నారు.

ఇక జాట్.. సినిమాలో రణదీప్.. నటన మరో స్థాయిలో నిలిచింది. హర్యానా బ్యాక్‌డ్రాప్‌లో ఆయన చూపించిన రఫ్ అండ్ పవర్‌ఫుల్ క్యారెక్టర్ ప్రేక్షకులను ఆశ్చర్యపరిచింది. కొంతమంది అభిమానులు ఆయన నటన హీరో సన్నీ డియోల్‌కు సమానంగా ఉందని కూడా అన్నారు.

మొత్తంగా చూస్తే..2025లో విలన్ పాత్రలకు ప్రేక్షకులు జై జైలు పలికారు. బలమైన నెగటివ్ క్యారెక్టర్లు సినిమాలకు ప్రాణంగా మారుతాయని ఈ సంవత్సరం రుజువు చేసింది. 2026లో కూడా ఇలాంటి గుర్తుండిపోయే విలన్లు మరింతగా రావాలని ప్రేక్షకులు ఆశిస్తున్నారు.

ALSO READ: Bollywood: భారీ ఊరట.. 20 రోజుల్లోనే 1000 కోట్ల క్లబ్‌లోకి!