Chinmayi: మగాళ్లు కాదు.. మానవ మృగాలు నిధి అగర్వాల్ విషయంలో ఫైర్ అయిన చిన్మయి!

Chinmayi: టాలీవుడ్ ఇండస్ట్రీలో ప్లే బ్యాక్ సింగర్ గా మంచి సక్సెస్ అందుకున్న చిన్మయి(Chinmayi) ఇటీవల కాలంలో సోషల్ మీడియాలో పెద్ద ఎత్తున వార్తల్లో నిలుస్తున్నారు. ఈమె మహిళల గురించి చేసే పోస్టుల కారణంగా పలువురు ఈమెపై విమర్శలు చేశారు. ఈ క్రమంలోనే చిన్మయి పట్ల ఆమె పిల్లల పట్ల కొంతమంది దారుణమైన కామెంట్లు చేస్తూ సోషల్ మీడియాలో పోస్టులు చేయటం, చిన్మయి ఫోటోలను మార్ఫింగ్ చేస్తూ సోషల్ మీడియాలో షేర్ చేసిన సంగతి తెలిసిందే. ఇలా తనని టార్గెట్ చేసిన వారి పట్ల ఈమె ఆగ్రహం వ్యక్తం చేస్తూ పోలీసులకు కూడా ఫిర్యాదు చేశారు. తాజాగా చిన్మయి మరో సారి సోషల్ మీడియా వేదికగా చేసిన పోస్ట్ వైరల్ అవుతుంది. అయితే ఈసారి ఈమె హీరోయిన్ నిధిఅగర్వాల్ (Nidhhi Agerwal) పూర్తిస్థాయిలో మద్దతు తెలుపుతూ పోస్ట్ చేశారు.

నిధి అగర్వాల్ కు చేదు అనుభవం..

నిధి అగర్వాల్ ప్రభాస్ హీరోగా నటించిన ది రాజా సాబ్(The Raja Saab) సినిమాలో నటించిన సంగతి తెలిసిందే. తాజాగా ఈ సినిమా నుంచి ఓ రొమాంటిక్ సాంగ్ విడుదల చేశారు .హైదరాబాదులోని లులూ మాల్ లో ఈ సాంగ్ లంచ్ కార్యక్రమాన్ని ఏర్పాటు చేశారు. దీంతో పెద్ద ఎత్తున అభిమానులు అక్కడికి చేరుకున్నారు. ఇక ఈ కార్యక్రమం అనంతరం నిధి అగర్వాల్ తిరిగి వెళుతుండగా ఒక్కసారిగా అభిమానులు సెల్ఫీల కోసం ఎగబడి తనని ఎంతో ఇబ్బందులకు గురి చేశారు. ప్రస్తుతం ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి. దీంతో అభిమానుల చర్యలను చాలామంది తప్పుపడుతున్నారు.

వేరే గ్రహంలో ఉంచాలి..

ఈ క్రమంలోనే సింగర్ చిన్మయి సైతం ఈ వీడియో పై స్పందిస్తూ సోషల్ మీడియా వేదికగా తనదైన శైలిలోనే ఆగ్రహం వ్యక్తం చేశారు. హీరోయిన్ నిధి అగర్వాల్ విషయంలో ఇలా జరగడం చాలా దారుణమని తెలిపారు. హైనాల కంటే కూడా దారుణంగా ప్రవర్తిస్తున్నారని నిజంగా వాటిని కూడా అవమానించేలా మనుషులు ప్రవర్తించారని తెలిపారు.. ఓకే మనస్తత్వం ఉన్న మగాళ్ళందరిని గుంపుగా కలిపితేనే ఇలా స్త్రీల పట్ల దారుణంగా వ్యవహరిస్తారని ఇలాంటి మానవ మృగాలను తీసుకెళ్లి వేరే గ్రహంలో పెట్టాలి అంటూ ఈమె తనదైన శైలిలోనే ఈ ఘటనపై స్పందిస్తూ ఆగ్రహం వ్యక్తం చేశారు.

Pack of men behaving worse than hyenas.
Actually why insult hyenas. Put ‘likeminded’ men together in a mob, they will harass a woman like this.

Why doesnt some God take them all away and put them in a different planet? https://t.co/VatadcI7oQ

— Chinmayi Sripaada (@Chinmayi) December 17, 2025

ఇలా చిన్మయి చేసిన ఈ పోస్ట్ ప్రస్తుతం సోషల్ మీడియాలో వైరల్ అవుతుంది. చిన్మయి చేసిన ఈ పోస్టుపై అభిమానులు కూడా మద్దతు తెలియజేస్తున్నారు. నిజంగా హీరోయిన్ విషయంలో ప్రవర్తించిన తీరును తప్పుపడుతున్నారు. అభిమానం అనే పేరుతో ఇలా ఇబ్బందులకు గురి చేయటం సరైనది కాదంటూ అభిప్రాయాలను వ్యక్తం చేస్తున్నారు. ఇక ఈ కార్యక్రమంలో భాగంగా నిధి అగర్వాల్ ఎంతో అసౌకర్యానికి గురి అయ్యారు. చివరికి ఆమె సెక్యూరిటీ అభిమానులు అందరినీ పక్కకు నెట్టి ఆమెను సురక్షితంగా కారులోకి ఎక్కించారు. ప్రస్తుతం ఈ వీడియోలు సోషల్ మీడియాలో వైరల్ అవుతున్నాయి. ఈమె ప్రభాస్ హీరోగా నటించిన ది రాజా సాబ్ సినిమాలో నటించిన సంగతి తెలిసిందే. ఈ సినిమా సంక్రాంతి పండుగను పురస్కరించుకొని జనవరి 9వ తేదీ ప్రేక్షకుల ముందుకు రానున్న నేపథ్యంలో ప్రమోషన్ కార్యక్రమాలను నిర్వహిస్తున్నారు.