Chinmayi Sripada: పబ్లిక్ స్టేజ్‌పై జాకెట్ తీసేయ్ అంటూ వల్గర్ కామెంట్స్.. ఘాటుగా స్పందించిన చిన్మయి శ్రీపాద

Chinmayi Sripada: చిన్మయి శ్రీపాద తాజాగా సోషల్ మీడియాలో షేర్ చేసిన ఒక వీడియో ఇప్పుడు పెద్ద చర్చకు దారితీసింది. ఆ వీడియోకు ఆమె రాసిన క్యాప్షన్ చాలా ఆవేదనతో నిండి ఉంది. “చీరింగ్ చేసే ప్రేక్షకుల ముందే అమ్మాయిలను ఇలా అవమానిస్తారని నేను ఊహించలేదు. ఒక వ్యక్తి స్టేజ్‌పై ఉన్న అమ్మాయిలతో అశ్లీలంగా మాట్లాడాడు. జాకెట్ తీసేయమని చెప్పాడు. అది చూసి ప్రేక్షకులు చప్పట్లు కొట్టారు. ఇది బయటపడటం మంచిదో కాదో కూడా నాకు అర్థం కావడం లేదు. ఇక్కడున్న భాష, ప్రవర్తన చాలా నీచంగా ఉంది. ఇది పూర్తిగా అశ్లీల గందరగోళం” అని ఆమె తన ఆవేదనను వ్యక్తం చేశారు.

షాకింగ్ వీడియో షేర్ చేసిన చిన్మయి..

ఆమె షేర్ చేసిన వీడియోలో ఒక కార్యక్రమం జరుగుతుండగా, స్టేజ్‌పై ఉన్న అమ్మాయిలతో ఒక వ్యక్తి అనుచితంగా మాట్లాడటం కనిపిస్తోంది. అతడి మాటలకు అక్కడున్న కొంతమంది ప్రేక్షకులు హర్షధ్వానాలు చేయడం మరింత కలచివేసే విషయం. ఈ సంఘటనను చూసిన తర్వాత, మహిళల భద్రత, గౌరవం గురించి మళ్లీ ప్రశ్నలు.. లేవనెత్తుతున్నాయి.

నోరు విప్పిన చిన్మయి..

చిన్మయి ఎప్పటి నుంచో మహిళల హక్కులు..గౌరవం గురించి బహిరంగంగా మాట్లాడే వ్యక్తిగా గుర్తింపు పొందారు. ఈ వీడియోను షేర్ చేయడం వెనుక ఉద్దేశం కూడా ఇదే. ఇలాంటి ఘటనలు సాధారణంగా జరిగిపోకూడదు, అవి బయటికి రావాలి..వాటిపై చర్చ జరగాలి అనే భావన ఆమె మాటల్లో స్పష్టంగా కనిపిస్తుంది. “ఇలా బహిరంగంగా అవమానించే సంస్కృతి ఉండటం వల్లే సమాజంలో దూషణలు, దుర్వినియోగం పెరుగుతున్నాయి” అనే భావాన్ని ఆమె వ్యక్తం చేశారు.

ఈ ఘటనపై సోషల్ మీడియాలో అనేక మంది స్పందిస్తున్నారు. కొంతమంది చిన్మయి ధైర్యాన్ని ప్రశంసిస్తుండగా, మరికొందరు ఇలాంటి కార్యక్రమాలకు అనుమతులు ఎలా వస్తున్నాయో ప్రశ్నిస్తున్నారు. ముఖ్యంగా మహిళలతో మాట్లాడే విధానంపై కఠిన నియమాలు ఉండాలనే డిమాండ్ వినిపిస్తోంది.

చిన్మయి షేర్ చేసిన ఈ వీడియో ఒక వ్యక్తిగత కోపం కాదు, సమాజంలో ఉన్న లోపాలను చూపించే అద్దంలాంటిది అని కొంతమంది కామెంట్లు పెడుతున్నారు. మహిళలను వినోద వస్తువుల్లా చూడకుండా, గౌరవంతో చూడాల్సిన అవసరం ఉందని అంటున్నారు. ఇలాంటి విషయాలు బయటపడటం వల్ల అయినా మార్పు వస్తుందనే ఆశ చాలా మందిలో కనిపిస్తోంది.

Also Read: Sankranti Festival: సంక్రాంతి పండుగలో కోడి పందాల జోరు.. విన్నర్‌కు థార్, రన్నర్‌కు స్విఫ్ట్!