Chiranjeevi Bobby: షూటింగ్ షురూ చేసేందుకు రెడీ అవుతున్న చిరు ‘మెగా 158’.. ఎప్పుడంటే?

Chiranjeevi Bobby: టాలీవుడ్ బాక్సాఫీస్ వద్ద రికార్డుల వేట మొదలుకానుంది. ‘వాల్తేరు వీరయ్య’ వంటి ఇండస్ట్రీ హిట్ తర్వాత, మెగాస్టార్ చిరంజీవి, మాస్ డైరెక్టర్ బాబీ కొల్లి మళ్లీ జతకడుతుండటంతో అభిమానుల్లో అంచనాలు ఆకాశాన్ని తాకుతున్నాయి. KVN ప్రొడక్షన్స్ భారీ బడ్జెట్‌తో నిర్మిస్తున్న ఈ ప్రతిష్టాత్మక చిత్రం (మెగా 158), మార్చి మొదటి వారంలో ఘనంగా ప్రారంభం కానుంది. తాజా సమాచారం ప్రకారం, మార్చి మొదటి వారంలో ఒక మంచి ముహూర్తాన ఈ సినిమా పూజా కార్యక్రమాలు నిర్వహించనున్నారు. ప్రస్తుతానికి ఖచ్చితమైన తేదీ ఖరారు కానప్పటికీ, చిత్ర యూనిట్ ఇప్పటికే ఏర్పాట్లు మొదలుపెట్టింది. ఈ వేడుకకు టాలీవుడ్ ప్రముఖులు హాజరయ్యే అవకాశం ఉంది.

బ్లాక్ బస్టర్ కాంబోపై భారీ అంచనాలు

గతంలో వీరిద్దరి కలయికలో వచ్చిన ‘వాల్తేరు వీరయ్య’ సంక్రాంతి విన్నర్‌గా నిలిచి, చిరంజీవి వింటేజ్ మాస్‌ను వెండితెరపై ఆవిష్కరించింది. మళ్లీ అదే మ్యాజిక్‌ను రిపీట్ చేసేందుకు బాబీ ఒక పవర్‌ఫుల్ స్క్రిప్ట్‌ను సిద్ధం చేసినట్లు తెలుస్తోంది. ఈసారి కేవలం కమర్షియల్ ఎలిమెంట్స్ మాత్రమే కాకుండా, కథలో బలమైన ఎమోషన్ ఒక సామాజిక సందేశం కూడా ఉండబోతోందని సినీ వర్గాల టాక్. కన్నడలో భారీ చిత్రాలను నిర్మిస్తున్న KVN ప్రొడక్షన్స్, ఈ సినిమాతో తెలుగు మార్కెట్లోకి గ్రాండ్‌గా ఎంట్రీ ఇస్తోంది. చిరంజీవి ఇమేజ్‌కు తగ్గట్టుగా ఎక్కడా రాజీ పడకుండా, అత్యున్నత సాంకేతిక విలువల తో ఈ చిత్రాన్ని నిర్మించనున్నారు.

ప్రారంభం ఎప్పుడంటే?

హై-వోల్టేజ్ యాక్షన్ ఎంటర్టైనర్ గా రూపొంతున్న ఈ సినిమాలో మెగాస్టార్ కు జోడీగా ప్రియమణి నటిస్తోంది. ఏఆర్ రెహమాన్ సంగీతం అందిస్తున్నారని టాక్ వినబడుతోంది. చిరంజీవి ప్రస్తుతం అనిల్ రావిపూడి దర్శకత్వంలో వచ్చిన ‘మన శంకరవరప్రసాద్ గారు’ హిట్ ను ఎంజాయ్ చేస్తున్నారు. వీలైనంత త్వరగా ఈ మెగా ప్రాజెక్ట్ పట్టాలు ఎక్కనుంది. అభిమానులు తమ బాస్ నుండి మరో “మెగా బ్లాక్ బస్టర్” కోసం ఆసక్తిగా ఎదురుచూస్తున్నారు. మార్చిలో జరగబోయే ఈ ఓపెనింగ్ వేడుకతో సినిమా టైటిల్, ఇతర కీలక నటీనటుల వివరాలు వెల్లడయ్యే అవకాశం ఉంది.