MSVPG: 500 మంది డ్యాన్సర్స్ తో చిరు ,వెంకీ పవర్ ఫుల్ సాంగ్..రంగంలోకి స్టార్ కొరియోగ్రాఫర్!

MSVPG: అనిల్ రావిపూడి దర్శకత్వంలో చిరంజీవి (Chiranjeevi)నయనతార(Nayanatara) హీరో హీరోయిన్లుగా నటిస్తున్న తాజా చిత్రం “మన శంకర వరప్రసాద్ గారు”(MSVPG). ఈ సినిమా 2026 సంక్రాంతి పండుగను పురస్కరించుకొని జనవరి 12వ తేదీ ప్రేక్షకుల ముందుకు రావడానికి సిద్ధమవుతోంది. ఈ క్రమంలోనే ఈ సినిమా నుంచి వరుసగా అప్డేట్స్ తెలియజేస్తున్నారు. త్వరలోనే ఈ సినిమా నుంచి సెకండ్ సింగల్ ప్రేక్షకుల ముందుకు రాబోతుందని తెలుస్తుంది. ఇప్పటికే విడుదలైన మీసాల పిల్ల సాంగ్ ఎలాంటి ఆదరణ పొందిందో అందరికీ తెలిసిందే. ఇక ఈ సినిమా షూటింగ్ పనులు కూడా దాదాపు పూర్తి కావచ్చాయని సమాచారం.

500 డాన్సర్లతో సాంగ్ షూటింగ్..

ఇదిలా ఉండగా తాజాగా ఈ సినిమాలో వెంకటేష్ చిరంజీవి మీద ఒక సాంగ్ షూటింగ్ జరగబోతోందని తెలుస్తుంది . ఈ ఇద్దరు కలిసి ఈ పాటలో కనిపించబోతున్నారు ఈ పాట సినిమాకు హైలెట్ గా నిలుస్తుందని తెలుస్తోంది. ఏకంగా 500 మంది డాన్సర్లతో ఈ పాటను చిత్రీకరించబోతున్నట్టు సమాచారం. ఇక ఈ పాటకు కొరియోగ్రఫీ చేయడం కోసం విజయ్ పోలకి మాస్టర్ కొరియోగ్రఫీ అందించబోతున్నారని సమాచారం. ఇలా విజయ్ మాస్టర్ కొరియోగ్రఫీ అంటేనే ఈ పాట పట్ల మంచి అంచనాలే ఉన్నాయి. ఇది వరకు విజయ్ మాస్టర్ కొరియోగ్రఫీ దర్శకత్వంలో నాదీ నక్కలీసు గొలుసు అనే పాట ఎలాంటి సక్సెస్ అయ్యిందో తెలిసిందే.

22 నిమిషాల పాటు వెంకటేష్ పాత్ర..

పుష్ప సినిమాలో ఊ అంటావా మావ అనే పాటకు కొరియోగ్రఫీ అందించిన విషయం తెలిసిందే. ఇలాంటి సూపర్ హిట్ పాటలకు కొరియోగ్రఫీ అందించిన మాస్టర్ చేత చిరంజీవి వెంకటేష్ కాంబోలో ఒక సాంగ్ రాబోతుంది అంటేనే ఈ పాటపై భారీగా అంచనాలు పెరిగిపోయాయి. ప్రస్తుతం ఈ సాంగ్ చిత్రీకరణ పనులలో చిత్ర బృందం బిజీగా ఉన్నట్టు తెలుస్తోంది. ఈ సినిమాలో వెంకటేష్ పాత్ర సుమారు 22 నిమిషాల వరకు ఉంటుందని ఇటీవల డైరెక్టర్ అనిల్ రావిపూడి కూడా ఓ సందర్భంలో వెల్లడించారు. ఇలా ఇద్దరు స్టార్ హీరోలు ఓకే సినిమాలో కలిసి కనిపించబోతున్న నేపథ్యంలో అభిమానులు కూడా ఈ సినిమా కోసం ఆత్రుతగా ఎదురుచూస్తున్నారు.

ఫ్యామిలీ ఎంటర్టైనర్ గా చిరు మూవీ..

ఇక వెంకటేష్ ఇదివరకే అనిల్ రావిపూడి దర్శకత్వంలో నటించిన సంక్రాంతికి వస్తున్నాం సినిమా ఈ ఏడాది సంక్రాంతి పండుగ సందర్భంగా విడుదలై ఏకంగా 300 కోట్లకు పైగా కలెక్షన్లను రాబట్టింది. ఈ క్రమంలోనే అనిల్ రావిపూడి చిరంజీవి కాంబోలో రాబోతున్న ఈ సినిమాపై కూడా అలాగే అంచనాలు ఉన్నాయి. మరి ఈ సినిమా ఎలాంటి సంచలనాలను సృష్టించబోతుందో తెలియాల్సి ఉంది. ఈ చిత్రం కంప్లీట్ ఫ్యామిలీ ఎంటర్టైనర్ గా ప్రేక్షకుల ముందుకు రాబోతుంది. దాదాపు 20 సంవత్సరాలు తర్వాత చిరంజీవి ఇలాంటి ఫ్యామిలీ ఎంటర్టైనర్ ద్వారా ప్రేక్షకుల ముందుకు రానున్నారు.

Also Read: Toxic Teaser: టాక్సిక్ టీజర్ రిలీజ్ డేట్ ఫిక్స్…మరో విధ్వంసానికి రెడీ అవుతున్న యశ్!