Dhanush: మృణాల్ ను సర్ ప్రైజ్ చేసిన ధనుష్.. మ్యాటర్ ఏంటంటే?

Dhanush: ప్రముఖ బాలీవుడ్ బ్యూటీ మృణాల్ ఠాకూర్ (Mrunal Thakur) గురించి పరిచయాలు ప్రత్యేకంగా అవసరం లేదు. అందం, అభినయంతో ఇటు తెలుగు అటు హిందీ ప్రేక్షకులను విపరీతంగా ఆకట్టుకుంటున్న ఈమె.. అటు సినిమాల కంటే కూడా ఇటు వ్యక్తిగతంగా మరింత వార్తల్లో నిలుస్తోంది. ప్రముఖ కోలీవుడ్ స్టార్ హీరో ధనుష్ తో రిలేషన్ లో ఉంది అంటూ వార్తలు వస్తున్నా.. దీనిపై ఆమె స్పందించి కొట్టి పారేసింది. ముఖ్యంగా తాను పెళ్లి చేసుకునే సమయం వస్తే ముందుగా ఆ విషయాన్ని మీతో చేరవేసే వ్యక్తిని నేనే అవుతాను అని చెప్పి అందరిని ఆశ్చర్యపరిచింది. ఇలాంటి సమయంలో తాజాగా మృణాల్ ధనుష్ గురించి చేసిన కామెంట్లు సోషల్ మీడియాలో మళ్లీ వైరల్ గా మారుతున్నాయి.

ధనుష్ పై మృణాల్ కామెంట్స్..

తాజాగా ఒక ఇంటర్వ్యూలో పాల్గొన్న మృణాల్.. ధనుష్ గురించి మాట్లాడుతూ.. “ధనుష్ లాంటి నటుడిని నేను ఇప్పటివరకు చూడలేదు. ఆయన హీరోగా చేసిన అసురన్, రాయన్, రంజానా, కెప్టెన్ మిల్లర్, మారి వంటి చిత్రాలను చూశాను. అప్పటి నుంచి ఆయనకు నేను పెద్ద అభిమానిని అయిపోయాను. అసురన్ సినిమా ఎన్నిసార్లు చూశానో నాకే తెలియదు. ఆయనలో కేవలం నటుడు మాత్రమే కాదు గీతా రచయిత, రచయిత, దర్శకుడు, సింగర్ కూడా ఉన్నారు. ఒక మనిషిలో ఇన్ని టాలెంట్స్ ఉండడం అనేది చాలా అరుదు.

మృణాల్ ను సర్ప్రైజ్ చేసిన ధనుష్..

అయితే ఇటీవల నేను ఆయన నటించిన హిందీ మూవీ తేరే ఇష్క్ మెయిన్ షూటింగ్ కి వెళ్లాను. అక్కడ ధనుష్ ని కలిసి ఒక కోరిక కోరాను. నా సినిమా సన్నాఫ్ సర్దార్ 2 మూవీ స్పెషల్ స్క్రీనింగ్ కి రావాలని అడిగాను. అయితే ఆయన సడన్గా వచ్చి మాకు సర్ప్రైజ్ ఇచ్చారు” అంటూ మృణాల్ చెప్పుకొచ్చింది. దీంతో మృణాల్ చేసిన కామెంట్లు ఇటు కోలీవుడ్ లోనే కాదు అటు బాలీవుడ్ లో కూడా హాట్ టాపిక్ గా మారుతున్నాయి. ఏదేమైనా అసలే రూమర్స్ వస్తున్న వేళ ఇప్పుడు మళ్లీ ధనుష్ గురించి చేసిన కామెంట్లు సోషల్ మీడియాలో వైరల్ మారుతున్నాయి.

ALSO READ:Toxic Teaser: యశ్ టాక్సిక్ టీజర్ రిలీజ్.. ఊహించని ట్విస్ట్ అదుర్స్!

మృణాల్ ఠాకూర్ సినిమాలు..

మృణాల్ ఠాకూర్ విషయానికి వస్తే.. తెలుగులో సీతారామం సినిమాతో తెలుగు ప్రేక్షకులను పలకరించింది. మొదటి సినిమాతోనే తెలుగు ఆడియన్స్ హృదయాలను దోచుకున్న ఈమె ప్రస్తుతం అడివి శేష్ సినిమాలో హీరోయిన్గా నటిస్తోంది. అలాగే హిందీలో కూడా ఒక సినిమాలో నటిస్తోంది. బాలీవుడ్ నటుడు సిద్ధాంత చతుర్వేదితో కలిసి ధో దీవానే సెహర్ మే అనే సినిమాలో నటిస్తోంది. ఫిబ్రవరి 20న ఈ సినిమా విడుదల కాబోతోంది. ఈ సినిమా ప్రమోషన్స్ లో భాగంగానే ఇలా కొన్ని విషయాలను అభిమానులతో పంచుకుంటుంది ఈ ముద్దుగుమ్మ.