Dil Raju: చిరంజీవి సినిమా వల్ల డబుల్ ప్రాఫిట్ మిస్ అయిన దిల్ రాజు..!

Dil Raju: ఈ సంక్రాంతికి దాదాపు 5 సినిమాలు విడుదలైన సంగతి తెలిసిందే. ఇందులో ప్రభాస్ నటించిన రాజా సాబ్ మాత్రమే ఫ్లాప్ అవ్వగా మిగతా అన్ని సినిమాలు కూడా మంచి విజయం సాధించాయి. అయితే అన్నిటికన్నా కూడా మన శంకర్ వరప్రసాద్ సినిమా కలెక్షన్స్ పరంగా దూసుకుపోయి సూపర్ హిట్గా నిలిచింది.

మెగాస్టార్ చిరంజీవి హీరోగా, అనిల్ రావిపూడి దర్శకత్వంలో వచ్చిన ఈ సినిమా బాక్సాఫీస్ వద్ద అద్భుతమైన వసూళ్లు సాధిస్తోంది. చిరంజీవి సినిమాల్లోకి కం బ్యాక్ ఇచ్చిన తర్వాత.. అన్ని ఏరియాలో.. లాభాల్లో పడిన సినిమా ఇదే కావటం విశేషం. ముఖ్యంగా ఉత్తరాంధ్ర ప్రాంతంలో ఈ సినిమా చేసిన వ్యాపారం ఇప్పుడు ఇండస్ట్రీలో హాట్ టాపిక్‌గా మారింది.

సినిమా విడుదలకు ముందు ఈ చిత్రాన్ని దిల్ రాజు, శిరీష్ కలిసి డిస్ట్రిబ్యూషన్ చేయాలనుకున్నారు. కానీ కొన్ని కారణాల వల్ల వారు ఈ ప్రాజెక్ట్‌కు నో చెప్పారని టాక్. ఆ తర్వాత ఈ సినిమాను అన్నపూర్ణ స్టూడియోస్ ద్వారా విడుదల చేశారు. ఇప్పుడు సినిమా రిజల్ట్ చూసిన తర్వాత, దిల్ రాజు ఈ సినిమాతో డబుల్ ప్రాఫిట్ మిస్ అయ్యారనే మాటలు వినిపిస్తున్నాయి.

ఉత్తరాంధ్రలో మాత్రమే ఈ సినిమా ఫైనల్ బిజినెస్ రూ.20 కోట్లకు పైగా వెళ్లే అవకాశం ఉందని ట్రేడ్ వర్గాలు చెబుతున్నాయి. సాధారణంగా ఈ రేంజ్ సినిమాలకు ఇంత లాభం రావడం చాలా అరుదు. డిస్ట్రిబ్యూటర్‌కు ఇది నిజంగా డబుల్ లాభం అనే చెప్పాలి. అందుకే “దిల్ రాజు ఈ ఛాన్స్ మిస్ చేసుకున్నారు” అనే చర్చ బాగా నడుస్తోంది.

దేశవ్యాప్తంగా కూడా ‘మన శంకర వర ప్రసాద్ గారు’ మంచి వసూళ్లు రాబడుతోంది. 15 రోజుల్లోనే సినిమా రూ.200 కోట్ల మార్క్‌ను టచ్ చేసే దశకు చేరుకుంది. సంక్రాంతి పండుగ, రిపబ్లిక్ డే హాలిడే కలిసి రావడం సినిమాకు బాగా కలిసొచ్చింది. ఫ్యామిలీ ఆడియన్స్ నుంచి పెద్ద ఎత్తున రెస్పాన్స్ వచ్చింది.

ఈ సినిమాలో చిరంజీవి ఎన్ఐఏ ఏజెంట్ పాత్రలో కనిపించగా, నయనతార కీలక పాత్ర పోషించారు. వెంకటేష్ ప్రత్యేక అతిథి పాత్రలో కనిపించడం సినిమాకు మరో ప్లస్ అయింది. కథ, కామెడీ, ఎమోషన్ అన్నీ కలిసి ప్రేక్షకులను ఆకట్టుకున్నాయి.

మొత్తానికి ‘మన శంకర వర ప్రసాద్ గారు’ ఇప్పుడు చిరంజీవి కెరీర్‌లోనే పెద్ద హిట్‌గా నిలుస్తోంది. అదే సమయంలో ఈ సినిమా విషయంలో తీసుకున్న ఒక నిర్ణయం వల్ల దిల్ రాజు భారీ లాభాన్ని కోల్పోయారని టాలీవుడ్‌లో చర్చ జోరుగా సాగుతోంది.

ALSO READ: Tollywood: ప్లానింగ్ లోపంతో టాలీవుడ్‌కు తీవ్ర నష్టం.. మళ్లీ మళ్లీ అదే తప్పు..!