Dhurandhar: ధురంధర్.. ప్రపంచవ్యాప్తంగా ఈ సినిమా సృష్టించిన ప్రభంజనం అంతా ఇంతా కాదు. ఎటువంటి అంచనాలు లేకుండా డిసెంబర్ 5 2025న ప్రేక్షకుల ముందుకు వచ్చిన ఈ సినిమా ఊహించని కలెక్షన్స్ సొంతం చేసుకుంది. మొత్తంగా 1350 కోట్లకు పైగా కలెక్షన్లు వసూలు చేసి రికార్డు సృష్టించింది. ఈ సినిమా దెబ్బకు మంచి కథ ఓరియంటెడ్ చిత్రాలు కూడా థియేటర్లు దొరక్క ఫ్లాప్ టాక్ తెచ్చుకున్నాయి అంటే ఇక ఈ సినిమాకి ఆడియన్స్ ఏ రేంజ్ లో బ్రహ్మరథం పట్టారో అర్థం చేసుకోవచ్చు. ఇక అలాంటి సినిమాకి కొనసాగింపుగా ధురంధర్ 2 రాబోతోంది. ఇప్పటికే ఈ సినిమా నుంచి విడుదలైన టీజర్, ట్రైలర్ అంచనాలు భారీగా పెంచేసింది.
ధురంధర్ కి మించి సీక్వెల్ ఉంటుందని అటు చిత్ర బృందం కూడా భారీగా హైప్ పెంచేస్తున్న విషయం తెలిసిందే . ఇక రణవీర్ సింగ్ హీరోగా, ఆదిత్యధర్ దర్శకత్వంలో వస్తున్న ఈ సినిమా మార్చి 19వ తేదీన చాలా గ్రాండ్ గా విడుదల కాబోతోంది. సినిమా విడుదలకు ముందే అడ్వాన్స్ బుకింగ్స్ రూపంలో రికార్డులు తిరగరాస్తున్న ఈ సినిమా కచ్చితంగా 2000 కోట్ల క్లబ్లో అది కూడా వారంలోపే చేరడం ఖాయం అంటూ సినీ విశ్లేషకులు అంచనా వేస్తున్నారు. ఇదిలా ఉండగా విడుదల తేదీ దగ్గర పడుతున్న నేపథ్యంలో తాజాగా మరో వార్త అభిమానులలో గూస్ బంప్స్ తెప్పిస్తోంది. తాజాగా ఈ వార్త సోషల్ మీడియాలో ప్రకంపనలు సృష్టిస్తోంది.
అసలు విషయంలోకి వెళ్తే.. ధురంధర్ 2 సినిమా క్లైమాక్స్ లో ఎవరు ఊహించని విధంగా భారీ ట్విస్ట్ ప్లాన్ చేశారట డైరెక్టర్ ఆదిత్యధర్ . కేవలం ట్విస్ట్ తోనే సరిపెట్టకుండా.. సినిమా చివర్లో ధురంధర్ 3కి సంబంధించిన అధికారిక ప్రకటన కూడా ఉంటుందని సమాచారం. ఒకవేళ ఇదే నిజమైతే అభిమానులకు ఊహించని షాక్ అని చెప్పాలి. ఇకపోతే ఇప్పుడు ధురంధర్ 3 కూడా ఉంటుంది అంటూ వార్తలు వస్తున్న నేపథ్యంలో అసలు రెండో భాగం ముగిసిన వెంటనే మూడో భాగం ఎప్పుడు మొదలవుతుంది? దాని కథ ఏంటి? కథను ఎలా మలుపు తిప్పబోతోంది? అనే ఆసక్తి అందరిలో నెలకొనింది.. ఏది ఏమైనా ఈ ప్రశ్నలన్నింటికీ సమాధానం తెలియాలి అంటే మరో మూడు రోజులు ఆగాల్సిందే. ఇకపోతే మార్చి 19న థియేటర్లలో ఈ థ్రిల్లింగ్ అనుభవాన్ని ఆస్వాదించేందుకు అభిమానులు కూడా అప్పుడే కౌంట్ డౌన్ మొదలుపెట్టేశారు. మరి భారీ అంచనాల మధ్య వస్తున్న ఈ సినిమా ఎలాంటి సెన్సేషన్ క్రియేట్ చేస్తుందో చూడాలి. ఇదిలా ఉండగా మరొక పక్క ఈ సినిమాకి పోటీగా పవన్ కళ్యాణ్ ఉస్తాద్ భగత్ సింగ్ కూడా ప్రేక్షకుల ముందుకు రాబోతోంది ..పైగా గబ్బర్ సింగ్ మ్యాజిక్ రిపీట్ చేయబోతున్నట్లు డైరెక్టర్ క్లారిటీ ఇచ్చారు.. మరి ఈ రెండు చిత్రాలలో ఏ చిత్రం ఎలాంటి రికార్డ్ క్రియేట్ చేస్తుందో చూడాలి.
also read: Alia Bhatt: లగ్జరీ అపార్ట్మెంట్స్ నుంచి ఖరీదైన కార్ల వరకు.. ఆశ్చర్యపరుస్తున్న ఆలియా భట్ ఆస్తులు!
Share
MP Vaddiraju: పాల్వంచ శ్రీవెంకటేశ్వర స్వామి ఆలయంలో ఎంపీ వద్దిరాజు ప్రత్యేక పూజలు
Assembly Elections: ఐదు రాష్ట్రాల్లో మోగిన ఎన్నికల నగారా.. తమిళనాడు, బెంగాల్ సహా 5 చోట్ల ఎన్నికల షెడ్యూల్..
