Akhanda 2 Roxx Car: అఖండ2లో బాలయ్య నడిపిన పవర్ ఫుల్ కారు ఇదే.. దీని ప్రత్యేకతలు చూశారా?

Akhanda Roxx Car: గాడ్ ఆఫ్ మాసేస్ నందమూరి బాలకృష్ణ(Balakrishna), దర్శకుడు బోయపాటి శ్రీను(Boyapati Sreenu) కాంబినేషన్ టాలీవుడ్ ఇండస్ట్రీలో సూపర్ హిట్ కాంబినేషన్ అని చెప్పాలి. వీరిద్దరి కాంబోలో సినిమా వస్తుంది అంటే ఆ సినిమా బాక్స్ ఆఫీస్ వద్ద సంచలనాలను సృష్టిస్తుంది. ఇప్పటికే వీరిద్దరి కాంబినేషన్లో మూడు సినిమాలు ప్రేక్షకుల ముందుకు వచ్చి మంచి సక్సెస్ అందుకున్నాయి. త్వరలోనే ఆఖండ 2(Akhanda 2)సినిమా ద్వారా ప్రేక్షకుల ముందుకు రాబోతున్నారు ఈ సినిమా డిసెంబర్ ఐదవ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

రోక్స్ ను పరిచయం చేసిన బోయపాటి…

ఈ ప్రమోషన్ కార్యక్రమాలలో భాగంగా గురువారం హైదరాబాద్ లో దర్శకుడు బోయపాటి శ్రీను అఖండ 2 తాండవం సినిమాలో బాలకృష్ణ ఉపయోగించిన రోక్స్(ROXX Car) వాహనాన్ని లాంచ్ చేశారు. ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.ఈ సినిమాలో బాలకృష్ణ కోసం ప్రత్యేకంగా ఈ వాహనాన్ని రూపొందించారని తెలుస్తోంది. మరి బాలయ్య ఉపయోగించిన ఈ రోక్స్ ప్రత్యేకతలు ఏంటి అనే విషయానికి వస్తే .. ఎక్స్ డ్రైవ్ అత్యధిక ఇంజనీరింగ్ తో నిర్మించగా ఎక్స్ స్టూడియోస్ ఈ వెహికల్ కు అద్భుతమైన సినిమాటిక్ లుక్ అందించింది.

ప్రత్యేకంగా డిజైన్ చేసిన రోక్స్…

ఈ సినిమాలో బాలయ్య కోసం సుమారు 10 ప్రత్యేకమైన వెహికల్స్ డిజైన్ చేయించారని తెలిపారు. ఇక ఈ రోక్స్ వెనుక అమర్ కృషి ఉందని తెలిపారు. పవర్ వారసత్వం మాస్ ఎనర్జీకి నిదర్శనంగా ఈ వాహనం రూపొందించినట్లు బోయపాటి వెల్లడించారు. ఇక అఖండ 2 లో బాలకృష్ణ అద్భుతమైన నటనను ప్రతిబింబించే విధంగా ఈ వెహికల్ రూపొందించారని, ఈ వెహికల్ డిజైన్ చేసిన అమర్ ను దర్శకుడు అభినందించారు. మరి బిగ్ స్క్రీన్ పై బాలకృష్ణ నటించిన యాక్షన్స్ సన్ని వేశాలలో ఈ వెహికల్ ఎలా మెస్మరైజ్ చేస్తుందో తెలియాల్సి ఉంది.

Blockbuster director Boyapati Sreenu unveils the iconic Akhanda Roxx car used by ‘GOD OF MASSES’ Balakrishna in #Akhanda2Thaandavam ❤️‍🔥💥#Akhanda2 in cinemas worldwide on December 5th. pic.twitter.com/tL17fK7SsD

— 14 Reels Plus (@14ReelsPlus) November 28, 2025

గతంలో బాలకృష్ణ బోయపాటి కాంబినేషన్లో ప్రేక్షకుల ముందుకు వచ్చిన లెజెండ్ సినిమాలో కూడా బాలయ్య కోసం బోయపాటి ప్రత్యేకంగా బైక్ డిజైన్ చేయించిన సంగతి తెలిసిందే. ఇప్పుడు అఖండ 2 కోసం రోక్స్ కారును డిజైన్ చేయించారనే విషయం తెలియడంతో అభిమానులు కూడా సంతోషం వ్యక్తం చేస్తున్నారు. ఈ సినిమాకు వారం రోజుల సమయం మాత్రమే ఉన్న నేపథ్యంలో అభిమానులు కూడా ఎంతో ఆత్రుత కనబరుస్తున్నారు. ఈ సినిమా డిసెంబర్ 4వ తేదీనే పెయిడ్ ప్రీమియర్స్ ద్వారా ప్రేక్షకుల ముందుకు రాబోతున్న సంగతి తెలిసిందే. ఇక నేడు చిత్ర బృందం హైదరాబాద్ లోని కైతలాపూర్ గ్రౌండ్స్ లో ఎంతో ఘనంగా ప్రీ రిలీజ్ వేడుకను నిర్వహించనున్నారు. ఇక ఈ సినిమాలో బాలకృష్ణ ద్విపాత్రాభినయంలో కనిపించబోతున్న సంగతి తెలిసిందే.

Also Read: Prabhas Wedding: ప్రభాస్ పెళ్లి.. అతిధులుగా జానీ సిన్స్ మియా ఖలీఫా.. వీడియో వైరల్