V.V Vinayak: అదుర్స్ 2 పై కోన వెంకట్ కామెంట్స్.. వివి వినాయక్ రియాక్షన్ ఇదే!

V.V Vinayak: ఇటీవల కాలంలో సినిమా ఇండస్ట్రీలో సీక్వెల్ సినిమాల హవా కొనసాగుతున్న సంగతి తెలిసిందే. ఇప్పటికే ఎన్నో సూపర్ హిట్ సినిమాలకు సీక్వెల్స్ ప్రకటించగా మరికొన్ని సీక్వెల్ సినిమాలు షూటింగ్ పనులను జరుపుకుంటున్నాయి. ఈ నేపథ్యంలోనే ఎన్టీఆర్(NTR) సినీ కెరియర్ లో బ్లాక్ బస్టర్ గా నిలిచిన సినిమాలలో అదుర్స్ సినిమా కూడా ఒకటి. డైరెక్టర్ వివి వినాయక్(V.V.Vinayak) దర్శకత్వంలో తెరకెక్కిన ఈ సినిమాలో ఎన్టీఆర్ ద్విపాత్రాభినయంలో నటించారు. అప్పట్లో ఈ సినిమా ఎంతో అద్భుతమైన విజయాన్ని సొంతం చేసుకుంది. ఇప్పటికీ ఈ సినిమాలో ఎన్టీఆర్ చారి పాత్రకు ఎంతో మంచి ఆదరణ ఉంది.

అదుర్స్ 2 పై వివి వినాయక్ స్పందన..

ఈ నేపథ్యంలోనే గతంలో కూడా ఎన్నో సందర్భాలలో ఎన్టీఆర్ అదుర్స్ సీక్వెల్ సినిమా గురించి వార్తలు సోషల్ మీడియాలో చక్కర్లు కొట్టాయి. అదుర్స్ 2 (Adhurs 2)సినిమా ఉంటుంది అంటూ గత కొద్దిరోజులుగా వార్తలు వస్తున్నాయి. ఈ వార్తలకు అనుగుణంగానే రచయిత కోన వెంకట్(Kona Venkat) సైతం ఈ సినిమా గురించి ఇటీవల బ్యాడ్ మేళం సినిమా ఈవెంట్ లో మాట్లాడుతూ చేసిన వ్యాఖ్యలు సంచలనంగా మారాయి. చాలామంది అదుర్స్ సీక్వెల్ గురించి అడుగుతున్నారని అయితే దాదాపు అరగంట సినిమాకు కథ కూడా సిద్ధంగా ఉందని, డైరెక్టర్ వివి వినాయక్, ఎన్టీఆర్ ఓకే అంటే అదుర్స్ 2 సెట్స్ పైకి వెళ్తుందని కోన వెంకట్ తెలిపారు.

సీక్వెల్ చేయటానికి ఏమి మిగలలేదు..

ఇలా కోన వెంకట్ అదుర్స్ 2 గురించి ఇలాంటి వ్యాఖ్యలు చేయడంతో ఈ సినిమా వస్తుందని అభిమానులు కూడా ఎంతో సంతోషం వ్యక్తం చేశారు అయితే తాజాగా ఒక ఇంటర్వ్యూలో కోన వెంకట్ చేసిన ఈ వ్యాఖ్యలపై వినాయక్ స్పందించారు. ఈ సందర్భంగా వినాయక్ మాట్లాడుతూ.. అదుర్స్ సీక్వెల్ గురించి ఒక మాటలో చెప్పాలి అంటే ఆ సినిమా అక్కడితోనే పూర్తి అయ్యిందని క్లారిటీ ఇచ్చారు. ఈ సినిమాలో సీక్వెల్ చేయటానికి ఏమీ మిగలలేదని, ఒకవేళ బలవంతంగా సీక్వెల్ సినిమా చేయాలని ప్రయత్నం చేసినా అదుర్స్ సినిమా అంతా గొప్పగా ఏమీ ఉండదని వినాయక్ తెలిపారు. అదుర్స్ సినిమాకు ఒక అద్భుతమైన ఎండింగ్ ఇచ్చాము అక్కడితో దానిని వదిలేయడం మంచిది అంటూ డైరెక్టర్ వినాయక్ తెలియచేయడంతో అదుర్స్ 2 ఉండదని స్పష్టమవుతుంది.

అదుర్స్ 2 సినిమా లేనట్టే..

ఇలా అదుర్స్ 2 విషయంలో వివి వినాయక్ ఇంత క్లారిటీగా చెప్పడంతో స్పష్టత లేని సినిమాలను తెరకెక్కించడం కంటే వాటిని వదిలేయడమే మంచిదని అభిమానులు కూడా ఈ విషయంపై కామెంట్లు చేస్తున్నారు. ఇక ప్రస్తుతం ఎన్టీఆర్ వరుస సినిమా పనులలో ఎంతో బిజీగా ఉన్నారు. ప్రస్తుతం ఈయన ప్రశాంత్ నీల్ డైరెక్షన్లో డ్రాగన్ సినిమా షూటింగ్ పనులలో బిజీగా ఉన్నారు. ఈ సినిమాతో పాటు ఈయన మరిన్ని పాన్ ఇండియా ప్రాజెక్టులకు కమిట్ అయ్యి కెరియర్ పరంగా బిజీ అయ్యారు.

Also Read:Rajashekhar: బైకర్ సినిమా కోసం రాజశేఖర్ షాకింగ్ రెమ్యూనరేషన్?