Rajashekhar: బైకర్ సినిమా కోసం రాజశేఖర్ షాకింగ్ రెమ్యూనరేషన్?

Rajashekhar: టాలీవుడ్ సినీ ఇండస్ట్రీలో సీనియర్ హీరోలుగా కొనసాగుతున్న వారందరూ కూడా తమ సెకండ్ ఇన్నింగ్స్ లో భాగంగా యువ హీరోలతో కలిసి సినిమాలు చేస్తున్న సంగతి తెలిసిందే. ఈ నేపథ్యంలోనే యాంగ్రీ మెన్ గా టాలీవుడ్ ఇండస్ట్రీలో ఎంతో మంచి గుర్తింపు సంపాదించుకున్న నటుడు రాజశేఖర్(Rajashekhar) త్వరలోనే శర్వానంద్ (Sharwanand)హీరోగా నటించిన బైకర్(Biker) అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా ఏప్రిల్ 3వ తేదీ ప్రేక్షకుల ముందుకు రాబోతోంది. ఈ నేపథ్యంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

శర్వానంద్ తండ్రిగా రాజశేఖర్..

తాజాగా ఈ సినిమా నుంచి ట్రైలర్ విడుదల చేయగా ఈ ట్రైలర్ వీడియోకి విపరీతమైన ఆదరణ లభించింది. ఇక ఈ సినిమాలో నటుడు రాజశేఖర్ శర్వానంద్ తండ్రిగా కనిపించబోతున్నారు. చిన్నప్పటినుంచి రేసింగ్ లో తన కొడుకుకు శిక్షణ కల్పిస్తూ రేసింగ్ లో ప్రోత్సహించే తండ్రిగా ఈయన కనిపించబోతున్నారని తాజాగా ట్రైలర్ చూస్తేనే స్పష్టం అవుతుంది. ఈ సినిమాలో రాజశేఖర్ పాత్ర కూడా చాలా కీలకంగా ఉండబోతోంది. ఈ నేపథ్యంలోనే ఈ సినిమా కోసం రాజశేఖర్ ఎంత మొత్తంలో రెమ్యూనరేషన్(Remuneration) తీసుకున్నారనే విషయంపై సోషల్ మీడియాలో వార్తలు హల్చల్ చేస్తున్నాయి.

రూ.3 కోట్ల పారితోషికం ..

సోషల్ మీడియా సమాచారం ప్రకారం బైకర్ సినిమా కోసం రాజశేఖర్ ఏకంగా 3 కోట్ల రూపాయల రెమ్యూనరేషన్ తీసుకున్నట్టు తెలుస్తుంది. సెకండ్ ఇన్నింగ్స్ లో భాగంగా ఇలా తండ్రి పాత్ర కోసం మూడు కోట్ల రూపాయల రెమ్యూనరేషన్ తీసుకోవడం అంటే మామూలు విషయం కాదనే చెప్పాలి. ఇటీవల ట్రైలర్ లాంచ్ కార్యక్రమంలో భాగంగా ఈ సినిమాలో నటించడం గురించి రాజశేఖర్ మాట్లాడుతూ ఆసక్తికరమైన విషయాలను బయటపెట్టారు. హీరోగా తన కెరియర్ ముగిసిపోయిందని, తాను చేస్తే రెండో హీరోగానే సినిమాలు చేయాల్సి వస్తుందని ఇన్ని రోజులు సినిమాలకు దూరంగా ఉన్నానని తెలిపారు.

రేసింగ్ నేపథ్యంలో బైకర్..

ప్రస్తుతం తాను సినిమాలలో సెకండ్ రోల్ చేయడానికి కూడా సిద్ధంగా ఉన్నానని, నాకు ఎక్కువ సినిమా అవకాశాలు కల్పించండి అంటూ ఈ సందర్భంగా రాజశేఖర్ తెలియజేశారు. ఇక బైకర్ సినిమా విషయానికి వస్తే శర్వానంద్, మాళవిక నాయర్ హీరో హీరోయిన్లుగా నటించిన ఈ సినిమాకు అభిలాష్ రెడ్డి కంకర దర్శకత్వం వహించారు. యు వి క్రియేషన్ బ్యానర్ పై ఈ చిత్రం ప్రేక్షకుల ముందుకు రాబోతుంది. ఇప్పటివరకు ఈ సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలను పెంచేసాయి. ఇక శర్వానంద్ కూడా ఈ సినిమా విషయంలో పూర్తి నమ్మకంతో ఉన్నారనే చెప్పాలి. ఈ సినిమా రేసింగ్ నేపథ్యంలో ప్రేక్షకుల ముందుకు రాబోతుంది ఇప్పటివరకు టాలీవుడ్ ఇండస్ట్రీలో ఎన్నో సినిమాలు స్పోర్ట్స్ బ్యాక్ డ్రాప్ లో ప్రేక్షకుల ముందుకు వచ్చాయి కానీ ఇలా రేసింగ్ నేపథ్యంలో మొదటిసారి ఈ సినిమా ప్రేక్షకుల ముందుకు రాబోతోంది. మరి ఈ సినిమా ఎలాంటి సక్సెస్ అందుకుంటుందో తెలియాల్సి ఉంది.

Also Read: Jabardasth Naresh: ఆ ఒక్క నిర్ణయంతో రెండేళ్లు కెరియర్ కోల్పోయా.. జబర్దస్త్ నరేష్ ఎమోషనల్!