Eesha Rebba:సాధారణంగా సినీ ఇండస్ట్రీలో ఇద్దరు సెలబ్రిటీలు జంటగా కనిపించారు అంటే.. వారి మధ్య లేనిపోని రూమర్స్ క్రియేట్ చేస్తూ ఉంటారు. అయితే కాలక్రమేనా ఆ రూమర్స్ నిజమవుతూ ఉంటాయి అనడంలో సందేహం లేదు. ఈ క్రమంలోనే గత కొంతకాలంగా ప్రముఖ డైరెక్టర్ తరుణ్ భాస్కర్ (Tarun Bhaskar) తో యంగ్ హీరోయిన్ ఈషా రెబ్బా (Eesha Rebba) రిలేషన్ లో ఉంది అంటూ జోరుగా వార్తలు వినిపించాయి. దీనికి తోడు వీరిద్దరూ కలిసి తాజాగా ఇప్పుడు ‘ఓం శాంతి శాంతిః’ అనే సినిమాలో నటిస్తున్నారు. ఈ చిత్రం కూడా ఈ నెలలో విడుదల కాబోతోంది. ఈ నేపథ్యంలోనే ఈ చిత్ర ప్రమోషన్స్ లో పాల్గొన్న ఈషా రెబ్బా తరుణ్ భాస్కర్ తో పెళ్లి అంటూ వస్తున్న వార్తలపై స్పందించడమే కాకుండా డేటింగ్ నిజమే అంటూ కామెంట్లు చేసి అందరిని ఆశ్చర్యపరిచింది. మరి అసలు విషయం ఏమిటో ఇప్పుడు చూద్దాం.
తరుణ్ భాస్కర్ – ఈషా రెబ్బ జంటగా నటిస్తున్న కొత్త విలేజ్ ఫ్యామిలీ ఎంటర్టైనర్ చిత్రం ఓం శాంతి శాంతిః. జనవరి 30వ తేదీన ప్రపంచవ్యాప్తంగా ఈ సినిమా విడుదలకు సిద్ధం అవుతోంది.ఇప్పటికే ఈ సినిమా నుండి విడుదలైన టీజర్, ట్రైలర్ సినిమాపై అంచనాలు పెంచేశాయి. ముఖ్యంగా భార్యాభర్త మధ్య వచ్చే గొడవలు ఈ సినిమాకి ప్రత్యేక ఆకర్షణగా నిలవనున్నాయి. ఇద్దరి మధ్య ఉండే అహం, మాటల యుద్ధం ప్రేక్షకులను ఆకట్టుకోబోతోంది. ఇద్దరూ తమ పాత్రలో చాలా సహజంగా నటించారు. నిజానికే వీరిద్దరూ తెలంగాణకు చెందినవారైనప్పటికీ గోదావరి యాసలో సహజంగా మాట్లాడడం విశేషం. ఈ చిత్రం ద్వారా ఏ.ఆర్ సజీవ (AR.Sajeeva)దర్శకుడిగా ఇండస్ట్రీకి పరిచయం అవుతున్నారు. ఎస్ ఒరిజినల్స్, మూవీ వర్క్ స్టూడియోస్ బ్యానర్లపై సృజన్ యరబోలు, ఆదిత్య పిట్టి, వివేక్ కృష్ణని , సాధిక్ షేక్, అనూప్ చంద్రశేఖర్ , నవీన్ సనివరపు ఈ చిత్రాన్ని సంయుక్తంగా నిర్మిస్తున్నారు.
ALSO READ:Pawan Kalyan: రాజకీయాల్లో బిజీ.. ఫ్యాన్స్ కోసం పవన్ కీలక నిర్ణయం!
విడుదలకు కేవలం ఐదు రోజులు మాత్రమే మిగిలి ఉన్న నేపథ్యంలో ప్రమోషన్స్ జోరుగా చేపట్టింది చిత్ర బృందం. అందులో భాగంగానే ఒక మీడియాతో ముచ్చటించిన ఈషా రెబ్బ కు పెళ్లి వార్తలు ఎదురయ్యాయి. ఈ నేపథ్యంలోనే ఆమె మాట్లాడుతూ.. “తాజాగా జరుగుతున్న ప్రచారంలో నిజం లేదు. నిజానికి ఈ వార్తలను చూసి మా నాన్న కూడా పెళ్లెప్పుడు?అని అడిగారు. అయితే ఈ ప్రచారం నిజం కాదు.. కానీ నేను ఒకరితో డేటింగ్ చేస్తున్న మాట వాస్తవమే. అయితే అది పూర్తిగా ఇంకా ఎర్లీ స్టేజ్ లోనే ఉంది. పెళ్లి ఆలోచనలు చేయలేదు”. అంటూ చెప్పుకొచ్చింది . అయితే ఈమె డేటింగ్ చేస్తున్నది తరుణ్ భాస్కర్ తోనా లేదా ఇంకెవరితోనైనా అన్న విషయంపై క్లారిటీ ఇవ్వలేదు. దీనికి తోడు “ఐ యాం సీయింగ్ సం వన్” అంటూ ఇన్ డైరెక్ట్ గా తాను డేటింగ్ చేస్తున్న విషయంపై క్లారిటీ ఇచ్చింది ఈషా రెబ్బ.
Share
AP & TG : ఏపీ, తెలంగాణ.. కొనసాగుతున్న విచారణల పర్వం!
Sumathi Sathakam release: బిగ్ బాస్ అమర్ దీప్ సుమతీ శతకం రిలీజ్ డేట్ ఫిక్స్ ..
