Akhanda 2 pre Release: అఖండ 2 సినిమాకు రావడం అంటే గుడికి వచ్చినట్టే..

Akhanda 2 pre Release: బాలకృష్ణ అఖండ 2 సినిమా డిసెంబర్ ఐదవ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను వేగవంతం చేశారు .తాజాగా హైదరాబాద్లో ఈ సినిమా ప్రీ వేడుకను ఎంతో ఘనంగా నిర్వహించారు. ఈ కార్యక్రమంలో భాగంగా చిత్ర బృందం పాల్గొని సందడి చేశారు. ఇక ఈ సినిమా హై వోల్టేజ్ యాక్షన్ మూవీగా ప్రేక్షకుల ముందుకు రాబోతున్న సంగతి తెలిసిందే. తాజాగా ఈ ప్రీ రిలీజ్ వేడుకలో భాగంగా విడుదల చేసిన టీజర్ కూడా భారీ స్థాయిలో సినిమా పట్ల అంచనాలను పెంచేసింది. ఈ క్రమంలోనే ఈ కార్యక్రమంలో ఫైట్ మాస్టర్ రామ్ ఈ సినిమా గురించి మాట్లాడుతూ చేసిన వ్యాఖ్యలు సంచలనంగా మారాయి.

ఉగ్రరూపం చూస్తారు..

బాలకృష్ణ గారు ఈ సినిమాలో చాలా అద్భుతంగా నటించారని సాక్షాత్తు ఆ పరమశివుడే ఆయనను ఆహ్వానించి నటించారేమో అన్న విధంగా ఉగ్రరూపం చూపించారని రామ్ తెలిపారు. ఇటీవల కాలంలో మనుషులు చాలా పాపాలు చేస్తున్నారు అలాంటివారిని మార్చడం కోసం అప్పుడప్పుడు ఇలాంటి సినిమాలు కచ్చితంగా ప్రేక్షకుల ముందుకు రావాలని రామ్ తెలిపారు. ఈ అఖండ సినిమా వేడుకలో పాల్గొని ఉంటే ఈ సినిమా ఫ్రీ రిలీజ్ వేడుకలాగా లేదని , ఒక గుడికి వచ్చాము అనే భావన నాకు కలుగుతుందని రామ్ తెలిపారు.

గుడికి వెళ్ళామనే భావన..

ఇలా సనాతన ధర్మ పరిరక్షణ గురించి ఎంతో గొప్పగా ఈ సినిమాలో చూపించారు ప్రతి ఒక్కరూ కూడా ఈ సినిమాకు వచ్చి సినిమా చూడాలని కోరారు. అఖండ సినిమా చూడటం కోసం థియేటర్ కు వెళ్తే సినిమా చూసి వచ్చాము అనే భావన ప్రేక్షకులకు ఉండదు ఒక గుడికి వెళ్ళాము అనే భావన ప్రేక్షకులలో కలుగుతుంది అంటూ ఈ సినిమా గురించి ఫైట్ మాస్టర్ రామ్ చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈ సినిమా కోసం పని చేసిన ప్రతి ఒక్కరు కూడా సినిమా గురించి భారీ ఎలివేషన్స్ ఇస్తూ చేసిన ఈ కామెంట్స్ సోషల్ మీడియాలో వైరల్ అవుతున్నాయి.

సనాతన ధర్మ పరిరక్షణ ..

ఇక ఈ సినిమా సనాతన ధర్మ పరిరక్షణ నేపథ్యంలో ప్రేక్షకుల ముందుకు రాబోతున్న సంగతి తెలిసిందే బాలకృష్ణ ద్విపాత్రాభినయంలో నటించగా ఒక పాత్రలో సనాతన ధర్మ పరిరక్షకుడిగాను అలాగే ఎమ్మెల్యేగా కూడా మరొక పాత్రలో నటించబోతున్నారు. ఇక ఈ సినిమాలో బాలకృష్ణకు జోడిగా సంయుక్త మీనన్ హీరోయిన్గా నటించక ఈ సినిమాని 14 రీల్స్ బ్యానర్ పై గోపి అచంట, రామ్ అచంట నిర్మించిన సంగతి తెలిసిందే. ఇక బాలకృష్ణ నటించిన మొట్టమొదటి ఈ సినిమా పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ఈ సినిమాపై భారీ స్థాయిలో అంచనాలు ఉన్నాయి. మరి అఖండ 2 సినిమా ఎలాంటి సంచలనాలను సృష్టిస్తుందో తెలియాల్సి ఉంది. ఇక ఈ సినిమా డిసెంబర్ 5న విడుదల కాబోతుండగా డిసెంబర్ 4నే ప్రీమియర్లు ప్రసారం కానున్నాయి.

Also Read: BMW film: భర్త మహాశయులకు విజ్ఞప్తి ఫస్ట్ సింగిల్ కు ముహూర్తం ఫిక్స్.. రేపే ప్రోమో!