Tollywood Movie Financiers : తెలుగు ఫిలిం ఇండస్ట్రీలో నిర్మాతగా రాణించడం అనేది సాధారణమైన విషయం కాదు. కేవలం దర్శకుడు ఆలోచనని నమ్మి డబ్బులు పెట్టడం అనేది బాగా రిస్క్ తో కూడుకున్న పని. ఒక సినిమాను నిర్మించడం వెనక నిర్మాత ఎన్ని కష్టాలు పడతాడు అవి మాటల్లో చెప్పలేనివి. నిర్మాత అంటే డబ్బులు ఎక్కువ ఉన్న వాళ్ళు అని అపోహ కూడా చాలామందికి ఉంటుంది. అని చాలామంది నిర్మాతలు కొంతమంది ఫైనాన్షియల్ దగ్గర డబ్బులు ఫైనాన్స్ కి తీసుకువచ్చి సినిమాలు నిర్మిస్తూ ఉంటారు.
అయితే ఆ ఫైనాన్స్ కట్టడం అనేది లేట్ అయింది అంటే అక్కడ నుంచి ఒత్తిడి ఎలా ఉంటుందో ప్రత్యేకించి చెప్పాల్సిన అవసరం లేదు. తెలుగు ఫిలిం ఇండస్ట్రీలో చాలామంది ఫైనాన్సర్లు ఇప్పుడు ఫైనాన్స్ ఇవ్వడానికి వెనకాడుతున్నారు. ఎందుకంటే చాలామంది నిర్మాతల పరిస్థితి నేడు అగమ్య గోచరంగా తయారైంది. అసలు సినిమాల పరిస్థితి దారుణంగా తయారయింది. ఒక మంచి ఇమేజ్ ఉన్న హీరో సినిమా విడుదలైనా కూడా థియేటర్లు నిండని పరిస్థితి.
ఈరోజుల్లో ఏ సినిమా ఎంత సక్సెస్ సాధిస్తుంది అనేది ఎవరు ఊహించలేరు కొన్ని చిన్న సినిమాలు బాక్స్ ఆఫీస్ వద్ద తమ స్టామినాను కంప్లీట్ గా చూపించాయి అద్భుతమైన కలెక్షన్స్ వసూలు చేశాయి. అయితే ఇంకొన్ని సినిమాలకు మినిమం ఓపెనింగ్స్ కూడా రాలేదు. వరుణ్ తేజ్ తన కెరియర్ లో ఎన్ని ప్రత్యేకమైన సినిమాలు చేశాడో అందరికీ తెలిసిన విషయమే. అయితే అతని మట్క సినిమాకి పలుచోట్ల షోలు క్యాన్సిల్ అయిన సందర్భాలు కూడా ఉన్నాయి.
ఈ రోజుల్లో సినిమాలు నిర్మించడం అనేది భారీ రిస్కుతో కూడుకున్న పని. చాలామంది ఫైనాన్సర్లు కూడా మన తెలుగు సినిమా నిర్మాతలకు డబ్బులు ఇవ్వకపోవడంతో తెలుగు సినిమా నిర్మాతలు బాలీవుడ్ కంపెనీలను నమ్ముకుంటున్నాయి. కార్పొరేట్ కంపెనీలు కొన్ని విషయాల్లో ఎంత పర్టికులర్ గా ఉంటాయి అనడానికి బెస్ట్ ఎగ్జాంపుల్ మొన్న జరిగిన అఖండ 2 సినిమా పరిణామం.
కాసేపట్లో ప్రీమియర్ షోలు మొదలైపోతాయి అనుకునే తరుణంలో దూకుడు సినిమా టైమ్ నుంచి ఉన్న లావాదేవీలు సెటిల్ కాని కారణంగా చివరి నిమిషంలో షోలు ఆగిపోయాయి. ఆ తరుణంలో నిర్మాతల పరిస్థితి ఎలా ఉంటుందో కొన్ని సందర్భాల్లో మన ఊహకు కూడా అందదు. ఇకపోతే ఆ సినిమాకి సంబంధించి కొన్ని ఆర్థిక లావాదేవీలు విషయంలో కూడా వడ్డీలు సరిగ్గా పే చేయలేదు అనే వార్తలు వినిపిస్తూ వచ్చాయి. దాదాపు తొమ్మిది నుంచి పది కోట్ల వరకు వడ్డీలను నిర్మాతలు క్లియర్ చేయలేదు అని ఇండస్ట్రీ వర్గాలులో టాపిక్ నడుస్తుంది.
అయితే కొన్ని సందర్భాలలో సినిమాకి సంబంధించిన హక్కులను ఇచ్చే ప్రయత్నం చేస్తుంటారు నిర్మాతలు. అయితే ఆ సినిమా ఫలితం ఎలా ఉంటుందో తెలియదు కాబట్టి అది కూడా మరోవైపు అవతల ఫైనాన్షియల్ కి రిస్క్. ఈ పరిణామాలు అన్ని దృష్టిలో పెట్టుకొని చాలామంది ఫైనాన్సర్లు ఫైనాన్స్ ఇవ్వడానికి వెనక్కు తగ్గుతున్నట్లు తెలుస్తోంది.
Also Read: Aadarsha Kutumbam AK 47 : వెంకీ – గురూజీ మూవీ షూటింగ్ అప్డేట్.. ఎక్కడ చేస్తున్నారంటే?
Share
Bhadradri Kothagudem: కాలేజ్ డైరెక్టర్ కారు ఢీకొని వ్యక్తి మృతి.. మృతదేహంతో కళాశాల ఎదుట ధర్నా
PM Modi in Jordan: జోర్డాన్ లో ప్రధాని మోదీకి అరుదైన గౌరవం.. స్వయంగా కారు డ్రైవ్ చేసిన యువరాజు
