Telugu Movie Memes: మిడిల్ ఈస్ట్ లో జరుగుతున్న ఉద్రిక్త పరిస్థితులు ప్రపంచవ్యాప్తంగా ఇంధన సరఫరాపై ప్రభావం చూపుతున్నాయి. ముఖ్యంగా హార్ముజ్ జలసంధి (Strait of Hormuz) మార్గంలో నౌకాయానం తగ్గిపోవడంతో గ్యాస్.. చమురు సరఫరా వ్యవస్థలో ఆటంకాలు ఏర్పడుతున్నాయి. ఈ పరిస్థితి భారత్లో కూడా ప్రభావం చూపడం ప్రారంభమైంది. ముఖ్యంగా గృహాల్లో ఉపయోగించే ఎల్పీజీ (LPG) సిలిండర్ల సరఫరాపై ఒత్తిడి పెరుగుతోంది.
కొన్ని ప్రాంతాల్లో ఎల్పీజీ సిలిండర్ డెలివరీ ఆలస్యం అవుతుండటంతో ప్రజలు ఆందోళన చెందుతున్నారు. గ్యాస్ ధరలు కూడా పెరుగుతాయనే వార్తలు వినిపిస్తున్నాయి. దీంతో చాలా కుటుంబాలు వంట విషయంలో ప్రత్యామ్నాయ మార్గాలు ఆలోచించడం మొదలుపెట్టాయి. కొన్ని చోట్ల హోటళ్లలో కూడా వంటకు గ్యాస్ సరిపోకపోవడంతో సాదాసీదా ఆహారం లేదా త్వరగా తయారయ్యే ఫుడ్ అందిస్తున్నారని సమాచారం.
ఈ పరిస్థితులపై సోషల్ మీడియాలో కూడా పెద్ద చర్చ జరుగుతోంది. ముఖ్యంగా నెటిజన్లు కొంచెం సరదాగా సినిమాల పేర్లను సిలిండర్కు సంబంధించినట్లుగా మార్చి పోస్టులు పెడుతున్నారు. దీంతో కొన్ని మీమ్స్ మరియు పోస్టులు వైరల్ అవుతున్నాయి.
వెంకటేష్ నటించిన సంక్రాంతికి వస్తున్నాం సినిమాను నెటిజన్లు సరదాగా సిలిండర్తో వస్తున్నాం అని మార్చి పోస్ట్ చేస్తున్నారు. అలాగే రామ్ పోతినేని నటించిన హలో గురు ప్రేమ కోసం అనే సినిమాను హలో గురు సిలిండర్ కోసం అని రాస్తున్నారు.
అలానే రవితేజ నటించిన అమ్మ నాన్న ఓ తమిళమ్మాయి సినిమాను అమ్మ నాన్న ఓ సిలిండర్ అని మార్చి సోషల్ మీడియాలో షేర్ చేస్తున్నారు. దుల్కర్ సల్మాన్ నటించిన లక్కీ భాస్కర్ సినిమాకు బదులుగా.. లక్కీ సిలిండర్ అని సరదాగా పోస్టులు పెడుతున్నారు.
యష్ హీరోగా వచ్చిన భారీ హిట్ సినిమా KGF ను కూడా నెటిజన్లు LPG అని మార్చి మీమ్స్ తయారు చేస్తున్నారు. అలాగే వెంకటేష్ నటించిన జయం మనదేరా సినిమాను సిలిండర్.. మనదేరా అంటూ కొత్తగా మార్చి సోషల్ మీడియాలో వైరల్ చేస్తున్నారు.
ఇంకా పాత క్లాసిక్ సినిమా ఇంట్లో ఇల్లాలు వంటింట్లో ప్రియురాలు ను కూడా ఇంట్లో కట్టెలు…వంటింట్లో సిలిండర్లు.. అంటూ సరదాగా మారుస్తూ పోస్టులు చేస్తున్నారు.
మొత్తం పైన చూస్తే గ్యాస్ సిలిండర్ కొరతపై ప్రజల్లో ఉన్న ఆందోళన ఒకవైపు ఉంటే, మరోవైపు సోషల్ మీడియాలో వినోదాత్మకంగా సినిమాల పేర్లను మార్చి మీమ్స్ చేయడం ఆసక్తికరంగా మారింది. ఈ పోస్టులు ప్రస్తుతం సోషల్ మీడియాలో ట్రెండ్ అవుతూ నెటిజన్లను ఆకట్టుకుంటున్నాయి.
ALSO READ: Raashii Khanna: పొట్టి దుస్తుల పై రాశీ కన్నా కామెంట్స్.. డైరెక్టర్ ముందే చెప్పాడంటూ!
Share
Curd for Hair: జుట్టు పెరగడం ఆగిపోయిందా? వెంటనే పెరుగుని ఇలా వాడండి
Lassi: పంచదార లేకుండా క్రీమీ లస్సీ ఇలా చేయండి, ఎండల్లో తాగితే రుచి అదిరిపోతుంది
