Girija Oak Received Negative Comments: ఏ సెలబ్రిటీకి అయిన పాపులారిటీ పెరిగిందంటే వారి కెరీర్ మలుపు తిరిగింది. వెంట వెంటనే ఆఫర్లూ క్యూ కడతాయి. దీనికి ప్రత్యేక ఉదాహరణ కుంభమేళ వైరల్ గర్ల్‌ మోనాలిసా. పూసలు అమ్ముకునే ఈ అమ్మాయిని సోషల్ మీడియాలో విపరీతంగా వైరల్ చేశారు. ఇంకేముంది సినిమా ఆఫర్‌ ఆమెనే వెతుక్కుంటూ వెళ్లింది. ప్రస్తుతం హిందీలో ప్రైవేట్‌ ఆల్బం సాంగ్స్‌, చిన్న చిన్న సినిమాలు చేస్తూ బిజీ అయిపోయింది. ఇదే తెలుగులో అశు రెడ్డికి కూడా ఒక్కసారిగా ఆఫర్స్‌ వచ్చాయి. సోషల్ మీడియాలో ఎందరో ఒవర్‌ నైట్‌ స్టార్స్‌ అయిపోయారు. కానీ, ఈ స్టార్‌ నటికి పాపులారిటీ శాపమైందట.
ఒక్క ఇంటర్య్వూతో సెన్సేషన్ అయిన ఆమెకు ఆఫర్స్‌ వస్తాయని ఎంతో ఆశపడింది. కానీ, సినిమా అవకాశాలకు బదులు సోషల్ మీడియాలో నుంచి అవమానం ఎదురువుతుందని ఆవేదన వ్యక్తం చేసింది. ఆమె నటి గిరిజ ఓక్. ఆమె ఇండస్ట్రీ ఎంట్రీ ఇచ్చి ఇరవై ఏళ్లు అవుతుంది. కానీ, ఈ రెండు దశాబ్దాలుగా రానీ ఫేం, ఫాలోయింగ్‌ ఒక్క ఇంటర్య్వూతో వచ్చింది. ఇటీవల ఆమె ఓ యూట్యూబ్‌ ఛానల్‌కు ఇంటర్య్వూ ఇచ్చింది. ఈ వీడియోలు వైరల్ అవ్వడంతో ఆమెకు విపరీతమైన పాపులారిటీ పెరిగింది. ఆమె వీడియోలు, ఆమె పేరుతో సోషల్ మీడియాలో ట్రెండ్ అయ్యాయి. ఇది చూసి ఆమె షాక్ అయ్యింది. ఈ రీతిలో వైరల్ అవుతానని తాను కూడా ఊహించలేదట. మరాఠి నటి గిరిజ ఓక్ ఇటీవల ఇచ్చిన ఒక ఇంటర్వ్యూలోని కొన్ని క్లిప్స్ సోషల్ మీడియాలో వైరల్ అయ్యాయి.
దాంతో ఆమెకు ఒక్కసారిగా ఫాలోవర్లు పెరిగారు. లేటు వయసులో ఈ స్థాయిలో ట్రెండ్ అవ్వడం చూసి గిరిజ కూడా షాక్ అయ్యింది. ఈ రేంజ్‌లో తాను వైరల్ అవ్వడం ఇక కెరీర్ పరంగా కలిసి వస్తుందని ఆశపడ్డానని చెప్పింది. తాజాగా ఆమె ఓ యూట్యూబ్‌ ఛానల్‌కు ఇచ్చిన ఇంటర్య్వూలో తనకు వచ్చిన పాపులారిటీపై స్పందించింది. ప్రస్తుతం సోషల్ మీడియాలో తను పేరు ట్రెండ్ అవ్వడంతో కెరీర్ పరంగా మంచి అవకాశాలు వస్తాని ఎదురుచూశాను. కానీ, రియాలిటీలో అదేమీ జరగలేదు. 20 ఏళ్ల కెరీర్‌లో రాని పేరుతో ఒక్క రాత్రికి చూశాను. కానీ, అవకాశాలైతే రావడం లేదు. ఈ పాపులారిటీ వల్ల నా జీవితంలో ఏమైనా మార్పు వచ్చిందా? అంటే లేదనే చెప్తాను. నాకం ఎక్స్‌ట్రా సినిమా ఆఫర్లు రాకపోగా పైనుంచి పైగా నెగెటివ్‌ కామెంట్లు చాలా వస్తున్నాయి.
Also Read: Actor Shivaji: రాజమౌళిని అనడం కాదు.. దమ్ముంటే ఆ పని చేయండి, శివాజీ షాకింగ్ కామెంట్స్
నెటిజన్ల కామెంట్స్‌ని ఉద్దేశిస్తూ ఇలా చెప్పుకొచ్చింది. “సోషల్ మీడియా వేదికగా నా రేటెంత? అని అడుగుతున్నారు. నాతో గంటసేపు గడపడానికి ఎంత తీసుకుంటావు అంటూ అసభ్యకరంగా అడుగుతున్నారు. ఈ నీచపు సందేశాలకు లెక్కే లేదని ఆమె ఆవేదన వ్యక్తం చేసింది. ఒకవేళ నిజ జీవితంలో ఇలాంటి వ్యక్తులు ఎదురైతే గౌరవంతో మాట్లాడతారేమో. కానీ, ఆన్‌లైన్ చాటున మాత్రం నోటికి వచ్చినట్లు మాట్లాడుతున్నారని గిరిజ అసహనం వ్యక్తం చేసింది. 2004లో ‘మానిని’ అనే మరాఠీ సినిమాతో సినీరంగంలోకి అడుగుపట్టిన ఆమె ‘తారే జమీన్ పర్’, ‘జవాన్’, ‘ద వ్యాక్సిన్ వార్’ వంటి హిందీ సినిమాల్లో నటించి గుర్తింపు పొందింది. అలా హిందీ, మరాఠీ, కన్నడ భాషల్లో ఎన్నో సినిమాలు చేసిన ఆమె సోషల్ మీడియాలో వచ్చే గుర్తింపు కేవలం ఫాలోవర్ల సంఖ్యకే పరిమితం అవుతుంది తప్ప, వృత్తిపరంగా అది పెద్దగా ఉపయోగపడదని అభిప్రాయ పడింది.
Share
Reliance Data Center: విశాఖకు మరో భారీ డేటా సెంటర్.. రూ.98 వేల కోట్ల భారీ పెట్టుబడులు
Siricilla Crime: ఘోర రోడ్డు ప్రమాదం.. భార్యాభర్తలు మృతి, చిన్నారికి తీవ్ర గాయాలు
