Globe Trotter: ఇండియన్ సినీ ఇండస్ట్రీ మొత్తం ఎంతో ఆతృతగా రాజమౌళి(Rajamouli), మహేష్ బాబు (Mahesh Babu)కాంబినేషన్లో రాబోతున్న సినిమా కోసం ఎంతగానో ఎదురు చూస్తున్నారు అయితే నవంబర్ 15వ తేదీ ఈ సినిమాకు సంబంధించి గ్లోబ్ ట్రాటర్(Globe Trotter) ఈవెంట్ ఎంతో అంగరంగ వైభవంగా నిర్వహించబోతున్నారు. ఇప్పటివరకు ఇండియన్ సినీ ఇండస్ట్రీలోనే ఎక్కడ జరగని విధంగా ఈ కార్యక్రమాన్ని నిర్వహించబోతున్నారు. రామోజీ ఫిలిం సిటీలో ఈ కార్యక్రమానికి సంబంధించిన ఏర్పాట్లు అన్నీ కూడా జరుగుతున్నాయి. ఈ కార్యక్రమంలో భాగంగా మహేష్ బాబు ఫస్ట్ లుక్ పోస్టర్ తో పాటు సినిమా టైటిల్ అలాగే ఒక వీడియోని కూడా విడుదల చేయబోతున్నట్లు తెలుస్తోంది.
ఇలా ఈ వేడుకపై యావత్ సినీ ప్రపంచం మొత్తం ఎంతో ఆత్రుతగా ఎదురు చూస్తున్న సంగతి తెలిసిందే.
అయితే ఈ సినిమాని ఇండియాలో ఏ విధమైనటువంటి సబ్స్క్రిప్షన్ లేకుండా జియో హాట్ స్టార్(Jio Hotstar) లో చూసే వెసులుబాటును కల్పించారు. అయితే ఓవర్సీస్ లో ఉన్న అభిమానులకు చిత్ర బృందం గుడ్ న్యూస్ తెలియజేశారు ఓవర్సీస్ లో ఉన్నవారు కూడా ఆన్లైన్ ద్వారా ఈ వేడుకను లైవ్ లో చూసే వెసులుబాటు కల్పించారు. విదేశాలలో ఉన్న వారు ఈ వేడుకను వెరైటీ యూట్యూబ్ ఛానెల్(variety youtube channel )లో చూసే అవకాశాన్ని కల్పించారు తాజాగా ఈ విషయాన్ని వెరైటీ యూట్యూబ్ ఛానల్ తన అధికారిక ఎక్స్ ఖాతా ద్వారా వెల్లడించారు.
ఈ గ్రాండ్ ఈవెంట్ నవంబర్ 15, 2025న హైదరాబాద్లో రామోజీ ఫిలిం సిటీలో జరుగుతుంది. ఇండియాలో, జియో హాట్స్టార్లో సాయంత్రం 6 గంటల నుండి ప్రత్యక్ష ప్రసారం ప్రారంభమవుతుంది. అలాగే నవంబర్ 15న ఉదయం 5:30 PST / ఉదయం 8:30 ESTకి ప్రపంచవ్యాప్తంగా వెరైటీ యూట్యూబ్ ఛానల్ లో ప్రత్యక్ష ప్రసారం కాబోతుందని వెల్లడించడంతో ఓవర్సీస్ లో ఉన్న తెలుగు అభిమానులు కూడా ఎంతో సంతోషం వ్యక్తం చేస్తున్నారు. ఇక ఈ విషయాన్ని రాజమౌళి కుమారుడు ఎస్ ఎస్ కార్తికేయ కూడా సోషల్ మీడియా వేదికగా తెలియ చేస్తూ.. ఓవర్సీస్ అబ్బాయిలు.. అమ్మాయిలు హ్యాపీయేనా అంటూ షేర్ చేశారు.
Overseas abbayilu ammayilu happy ah .. ❤️🤗 https://t.co/J4MgDI493z
— S S Karthikeya (@ssk1122) November 14, 2025
ఈ గ్రాండ్ ఈవెంట్ ను ఆన్లైన్ ద్వారా చూస్తే వెసులుబాటు కల్పించడంతో అభిమానులు ఎంతో సంతోషం వ్యక్తం చేస్తున్నారు. మరి కొన్ని గంటలలో ఈ కార్యక్రమం ప్రసారం కాబోతున్న నేపథ్యంలో ఏర్పాట్లు అన్నింటిని కూడా పూర్తి చేస్తున్నారు. స్వయంగా రాజమౌళి రంగంలోకి దిగి అన్ని ఏర్పాట్లను పర్యవేక్షిస్తున్నారు. ఇక ఇప్పటికే ఈ సినిమాలో నటిస్తున్న పృథ్వీరాజ్ సుకుమారన్, ప్రియాంక చోప్రాలకు సంబంధించి ఫస్ట్ లుక్ పోస్టర్స్ విడుదల చేశారు. ఇక మహేష్ బాబు ఫస్ట్ లుక్ ఈ కార్యక్రమంలోనే విడుదల చేయబోతున్నారని తెలుస్తుంది. ఇక ఈ సినిమాలో మహేష్ బాబు రుద్ర అనే పాత్రలో కనిపించబోతున్నట్టు వార్తలు వస్తున్నాయి.
Also Read: Daggubati Family: దగ్గుబాటి కుటుంబం పై కోర్టు సీరియస్.. చర్యలు తప్పవంటూ!
Share
Jubilee Hills bypoll: జూబ్లీహిల్స్ ఉపఎన్నిక.. నవీన్ యాదవ్ ఘన విజయం, గెలుపుకు ప్రధాన కారణాలు ఇవే!
Naveen Yadav: రౌడీ అంటూ అవమానించావు.. గెలుపు తర్వాత కేటీఆర్కు నవీన్ కౌంటర్
