Hamsa Nandini: సినిమా ఇండస్ట్రీలో తెరపై కనిపించే నటీనటుల జీవితాలు ఎంత హుందాగా కనిపించినా.. తెర వెనుక వారి బాధలు వర్ణనాతీతం. ముఖ్యంగా క్యాన్సర్ మహమ్మారి బారినపడి ఎంతోమంది ఆ కష్టాన్ని ఎదుర్కొని.. జయించినవాళ్లు కూడా ఉన్నారు.. అలాంటి వారిలో ప్రముఖ హీరోయిన్ హంస నందిని (Hamsa Nandini) గురించి ప్రత్యేకంగా చెప్పుకోవాలి.. మహారాష్ట్ర పూణేలో పుట్టి పెరిగిన ఈమె.. 2004లో ‘ఒక్కటవుదాం’ అనే తెలుగు చిత్రం ద్వారా ఇండస్ట్రీకి పరిచయమైంది.. మొదటి సినిమాతోనే ప్రేక్షకులను ఆకట్టుకున్న ఈమె.. ఆ తర్వాత అధినేత , అనుమానాస్పదం, ప్రవరాఖ్యుడు తదితర చిత్రాలలో నటించిన హంసానందిని ‘మిర్చి’ సినిమాలో స్పెషల్ సాంగ్ చేసి అందరి దృష్టిని ఆకట్టుకుంది.
అక్కడితో ఆగిపోకుండా ఎక్కువగా స్పెషల్ సాంగ్ లు చేస్తూ ప్రేక్షకులను మెప్పించింది ఈ ముద్దుగుమ్మ. అలా శ్రీరస్తు శుభమస్తు , సోగ్గాడే చిన్నినాయన , బెంగాల్ టైగర్, జై లవకుశ, అత్తారింటికి దారేది, రామయ్య వస్తావయ్య, లౌక్యం, లెజెండ్ ఇలా చెప్పుకుంటూపోతే చాలా చిత్రాలలో స్పెషల్ సాంగ్ లను చేసి అలరించిన ఈమె.. చివరిగా 2018లో గోపీచంద్ నటించిన ‘పంతం’ తర్వాత పూర్తిగా ఇండస్ట్రీకి దూరమైంది. దీనికి కారణం ఆమె క్యాన్సర్ బారిన పడడమే.. 2021 చివర్లో ఇన్స్టా లో ఒక పోస్ట్ పెట్టి అందరిని ఆశ్చర్యపరిచింది. తాను క్యాన్సర్ బారిన పడ్డానని, ప్రస్తుతం చికిత్స తీసుకుంటున్నానని మెల్లమెల్లగా ఈ ప్రాణాంతక వ్యాధి నుంచి బయట పడతానని చెప్పింది..
ఇక అన్నట్టుగానే తన ఆత్మస్థైర్యాన్ని అంతటిని మూటగట్టుకుని మళ్లీ ముక్కలైన నా జీవితాన్ని నిర్మించుకున్నాను అంటూ అంతర్జాతీయ మహిళా దినోత్సవం సందర్భంగా హంసనందిని చేసిన పోస్ట్ ఇప్పుడు సోషల్ మీడియాలో వైరల్ గా మారుతోంది. ఇకపోతే ఆమె షేర్ చేసిన ఈ ఫోటోషూట్ ఇప్పుడు వైరల్ గా మారుతోంది. అందులో విభిన్న కోణాలను.. ముఖ్యంగా తనలోని అచంచలమైన ఆత్మవిశ్వాసాన్ని ఆ ఫోటోలు ప్రతిబింబిస్తున్నాయి. పచ్చని ప్రకృతి ఒడిలో ప్రశాంతమైన వాతావరణంలో దిగిన ఈ ఫోటోలలో హంస నందిని చాలా ఉల్లాసంగా.. నవ యవ్వనంగా కనిపించింది. తన ట్రేడ్ మార్క్ చిరునవ్వుతో పాటు నేను దేనికైనా సిద్ధం అనే ధైర్యాన్ని వ్యక్తపరిచింది.
ALSO READ:Dhurandhar 2: ధురంధర్ టీమ్ కు తెలుగు ఆడియన్స్ రిక్వెస్ట్.. ఎందుకంటే?
ఈ ఫోటోలతో పాటు హంసానందిని రాసిన ఎమోషనల్ నోటు ప్రతి ఒక్కరిని కదిలిస్తోంది. “దృఢమైన వెన్నెముక.. మృదువైన హృదయం.. గట్టిగా నవ్వే నవ్వు.. నేను మళ్ళీ మళ్ళీ బ్రేక్ అయ్యాను.. అయినా సరే నన్ను నేను నిర్మించుకున్నాను.. మళ్ళీ కొత్తగా జన్మించాను” అంటూ తన జీవిత పోరాటం వెనుక ఉన్న బాధను చెప్పుకొచ్చింది. ఇక 16 సైకిళ్ల కీమోథెరపీ సర్జరీల తర్వాత ఆ మహమ్మారిని జయించాను అని , ముక్కలైన జీవితాన్ని మళ్లీ ధైర్యంతో నిర్మించుకున్నాను అని , తన పోరాట ప్రయాణాన్ని గుర్తు చేసుకున్నారు ..ప్రాణాంతక వ్యాధిని చిరునవ్వుతో ఎదురుకొన్న ఈమె ధైర్యం నెటిజన్లకు స్ఫూర్తిగా నిలుస్తోంది. ప్రస్తుతం అంతర్జాతీయ మహిళా దినోత్సవం సందర్భంగా తన పోరాటం గురించి చెబుతూ షేర్ చేసిన ఫోటోలు సోషల్ మీడియాలో వైరల్ గా మారుతున్నాయి.
Share
Delhi liquor case: లిక్కర్ కేసులో బిగ్ ట్విస్ట్.. కేజ్రీవాల్, కవిత సహా 23 మందికి ఢిల్లీ హైకోర్టు నోటీసులు!
Baingan Ka Bharta:రోటీ, పరాటాల్లోకి పర్ఫెక్ట్ కాంబినేషన్.. ట్రెడిషనల్ పంజాబీ బైంగన్ బర్తా రెసిపీ ఇదిగో
