కేజిఎఫ్ 3 పై యష్ బిగ్ అప్డేట్ .. ఖచ్చితంగా ఉంటుంది కానీ?

KGF 3 -Yash: రాకింగ్ స్టార్ యష్, ప్రశాంత్ నీల్ కాంబినేషన్లో ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకున్న చిత్రం కేజిఎఫ్. ఈ సినిమా పాన్ ఇండియా స్థాయిలో మంచి ఆదరణను సొంతం చేసుకుంది. ఇక ఈ సినిమా మంచి సక్సెస్ కావడంతో ఈ సినిమాకు సీక్వెల్ చిత్రంగా కే జి ఎఫ్ 2 పాన్ ఇండియా స్థాయిలో భారీ కలెక్షన్లను రాబట్టే సంచలనాలను సృష్టించింది. ఈ సినిమా క్లైమాక్స్ లో కేజిఎఫ్ 3 కూడా ఉండబోతుందని చిత్ర నిర్మాతలు తెలియజేశారు. ఇలా మూడో భాగం ఉంటుందని చెప్పినప్పటికీ ఇప్పటివరకు ఈ సినిమాపై ఏమాత్రం అప్డేట్ లేకపోవడంతో బహుశా కే జి ఎఫ్ 3 ఉండదేమో అంటూ అభిమానులు ఎన్నో సందేహాలను వ్యక్తం చేశారు. అయితే తాజాగా నటుడు యశ్ కేజిఎఫ్ 3 గురించి బిగ్ అప్డేట్ తెలియజేశారు.

కేజిఎఫ్ 3 ఉంటుంది కానీ, ఆలస్యమవతుంది..

ఈ నేపథ్యంలోనే యష్ ఒక ఇంటర్వ్యూ సందర్భంగా ఈ సినిమా గురించి మాట్లాడుతూ.. కేజిఎఫ్3 కచ్చితంగా ఉంటుంది. ప్రశాంత్ నీల్, తాను ఈ విషయం గురించి ఇప్పటికే చర్చలు కూడా జరుపుకున్నామని అయితే ఈ సినిమా సరైన సమయంలోనే పట్టాలెక్కుతుందని తెలిపారు. ప్రస్తుతం తాను టాక్సిక్ సినిమాతో పాటు రామాయణ సినిమా పనులలో బిజీగా ఉన్నాను. ఈ సినిమాలు పూర్తి అయిన తర్వాతనే కే జి ఎఫ్ 3 ఉంటుందని యష్ ఈ సందర్భంగా క్లారిటీ ఇవ్వడంతో అభిమానులు సంతోషం వ్యక్తం చేసినప్పటికీ ఈ సినిమాలు పూర్తి అయ్యేసరికి 2028 అవుతుందని అప్పుడు ఈ సినిమా మొదలుపెడితే 2030 వరకు ఎదురు చూడాల్సిందేమో అంటూ నిరాశ వ్యక్తం చేస్తున్నారు.

ఎన్టీఆర్ డ్రాగన్ పనులలో బిజీగా ప్రశాంత్ నీల్..

ఇక రామాయణ సినిమా రెండు భాగాలుగా ప్రేక్షకుల ముందుకు రాబోతున్న సంగతి తెలిసిందే. ఇలా ఈ సినిమాలన్నీ షూటింగ్ పూర్తి అయిన తర్వాతనే యష్ కేజిఎఫ్ 3 పై ఫోకస్ చేయనున్నారు. మరోవైపు డైరెక్టర్ ప్రశాంత్ నీల్ సైతం ప్రస్తుతం ఎన్టీఆర్ డ్రాగన్ సినిమా పనులలో బిజీగా ఉన్నారు. ఈ సినిమా తరువాత ప్రభాస్ హీరోగా సలార్ 2 సినిమా కూడా చేయాల్సి ఉంటుంది. ఈ రెండు సినిమాలు పూర్తి అయిన తర్వాతనే కేజిఎఫ్ 3 పనులు మొదలు పెట్టబోతున్నట్లు సమాచారం. ప్రస్తుతం ప్రశాంత్ నీల్ ఎన్టీఆర్ సినిమా షూటింగ్ పనులలో బిజీగా ఉన్న సంగతి తెలిసిందే.

విడుదలకు సిద్ధమవుతున్న టాక్సిక్..

ఈ సినిమా 2027 జూన్ 11వ తేదీ విడుదల కాబోతుందని నేడు చిత్ర బృందం అధికారకంగా వెల్లడించారు. ఎన్టీఆర్ పుట్టినరోజు సందర్భంగా ఈ సినిమా నుంచి ఒక గ్లింప్స్ విడుదల చేయబోతున్నట్టు తెలియచేశారు. ఇక యశ్ విషయానికి వస్తే ఈయన నటించిన టాక్సిక్ సినిమా త్వరలోనే ప్రేక్షకుల ముందుకు రావడానికి సిద్ధమవుతుంది. ఇప్పటికే ఈ సినిమా విడుదల కావాల్సి ఉండగా పలు కారణాల వల్ల వాయిదా పడుతుంది. ఈ సినిమాని జూన్ 4వ తేదీ విడుదల చేయబోతున్నట్టు సమాచారం. మరోవైపు రామాయణ సినిమా పనులలో యష్ బిజీగా ఉన్నారు. రెండు భాగాలుగా రాబోతున్న ఈ సినిమా మొదటి భాగం 2026 దీపావళి పండుగ సందర్భంగా రాబోతోంది. ఇక రెండో భాగం 2027 దీపావళిని పురస్కరించుకొని విడుదల కానున్నట్లు తెలిపారు.

Also Read: వందకోట్ల క్లబ్ లో చరణ్.. పెద్ది కోసం భారీ రెమ్యూనరేషన్ ..కెరీర్ లోనే హైయెస్ట్!