IBomma Ravi Advocate Comments: ఐబొమ్మ నిర్వాహకుడు ఇమ్మడి రవి ప్రస్తుతం రిమాండ్లో ఉన్న సంగతి తెలిసిందే. సినిమాల పైరసీతో చేస్తూ కొన్నేళ్లుగా సినీ పరిశ్రమను, పోలీసులు ముప్పుతిప్పలు పెట్టిన రవిని ఎట్టకేలకు పోలీసులు పట్టుకున్నారు. అతడు అరెస్టై వారం దాటింది. కానీ, ఇంకా అతడు పోలీసుల కస్టడీలోనే ఉన్నాడు. అతడి అరెస్టుతో తర్వాత పోలీసులు మెజీస్ట్రేట్ ముందు హాజరపరిచారు. ఈ సందర్బంగా అతడికి కోర్టు 5 రోజుల పోలీసుల కస్టడీని విధించింది. కానీ, వారం దాటిన ఇంకా ఐబొమ్మ రవి పోలీసుల కస్టడీలోనే ఉన్నారు. దీనికి అతడు పోలీసులకు సహకరించడం లేదని, కేసు విచారణలో పొంతన లేని సమాధానాలు చెబుతూ విచారణకు సహాకరించడం లేదని పోలీసులు ఆరోపిస్తున్నారు.
దీంతో అతడి కస్టడీ గడువు పెంచాలని నాంపల్లి కోర్టును కోరారు. అయితే ఇమ్మడి రవి బెయిల్ కోసం ఆయన తరపు న్యాయవాది శ్రీనాథ్ తీవ్ర ప్రయత్నం చేస్తున్నారు. ఈ క్రమంలో ఇమ్మడి రవి కేసుకి సంబంధించిన ఆసక్తికర విషయం బయటపెట్టారు ఆయన. ఇమ్మడి రవి పోలీసులకు సహాకరించడం లేదనడంలో నిజం లేదన్నారు. ఆయన రవి 5 రోజుల కస్టడీ గడువు ముగిసిందన్నారు. అయినా ఇంకా రవి పోలీసు కస్టడీలోనే ఉన్నారని తెలిపారు. కస్టడి లో పోలీసులకు సహకరించలేదనేది అవాస్తవం. ఇమ్మడి రవిపై మొత్తం 5 కేసులో నమోదయ్యాయి. ఇందులో ఒక్క కేసుకు మాత్రమే రిమాండ్ విధించారన్నారు. మరో 4 కేసులో పిటి వారెంట్ కోసం పోలీసుల ప్రయత్నాలు చేస్తున్నారని తెలిపారు. రవి బెయిల్ కోసం కోర్టులో పటిటిషన్ వేశామని, రేపు బెయిల్పై కోర్టులో విచారణ జరుగుతుందని ఆయన పేర్కొన్నారు.
కాగా గత కొన్నేళ్లుగా సినిమాలను పైరసీ చేస్తూ సినీ పరిశ్రమకు చుక్కలు చూపిస్తున్న ఇమ్మడి రవిని ఇటీవల పోలీసులు అరెస్ట్ చేశారు. అతడి అరెస్ట్తో టాలీవుడ్ ఊపిరి పీల్చుకుంది. అతడికి కఠిన శి క్ష విధించాలని కోర్టుని కోరుతుంది. సినిమాల పైరసీతో రవి కోట్లు కోట్లు సంపాదించాడు. ప్రీగా ప్రజలకు సినిమా చూపిస్తూ సినీ ఇండస్ట్రీకి వేల కోట్ల నష్టం చేశాడు. అతడు మాత్రం పైరసీతో కోట్ల రూపాయలు సంపాదించాడు. దీంతో సినీ పరిశ్రమ, పోలీసు శాఖ ఇమ్మడి రవి, ఐబొమ్మ వెబ్ సైట్లపై నిఘా పెట్టింది. అతడి కోసం గాలిస్తున్న సమయంలో ఇమ్మడి రవి పోలీసులకే సవాలు విసిరాడు. తనను పట్టుకున్న పెద్దగా జరిగే నష్టమేమి లేదని, నాకంటు ఎవరూ లేనివాడినంటూ రవి పోలీసులతో సవాలు చేశాడు. దీంతో పోలీసు శాఖ తమ నిఘాను మరింత కట్టుదిట్టం చేసింది.
అయితే ఇమ్మడి రవి ఎక్కువ విదేశాల్లో ఉన్నందున్న అతడి పట్టుకోవడానికి పోలీసులు చాలా శ్రమించాల్సి వచ్చింది. యూకే, కరేబియన్ దీవులు వంటి ప్రాంతాల నుంచి ఈ కార్యక్రలాపాలను నిర్వహించడానికి సిబ్బందిని ఏర్పాటు చేసుకున్నట్టు రవి దర్యాప్తులో వెల్లడించాడు. డేటా అంతా విదేశాల్లో ఉండటం వలన, తనను పట్టుకోవడం పోలీసులకు అంత సులభం కాదనే ధీమాతో రవి ఉండేవాడు. సైబర్ టీం ద్వారా ఐబొమ్మ వెబ్ సైట్లపై నిఘా పెట్టిన పోలీసులకు ఈ-మెయిల్ లింక్ ద్వారా పోలీసులకు చిక్కాడు. హైదరాబాద్లోని ఉంటున్న రవి అత్యంత సన్నిహితుడు ఫోన్ నెంబర్ సేకరించిన పోలీసులు రవి హైదరాబాద్ వచ్చినప్పుడల్లా తమకు సమాచారం అందేలా రహస్యంగా ఏర్పాట్లు చేసుకున్నారు. అలా గత నెల హైదరాబాద్ వచ్చిన రవి కుకట్పల్లిలోని అతడి నివాసంలో నిఘా పెట్టి అరెస్టు చేశారు. దీంతో అతడి స్నేహితుడి వల్ల రవి పోలీసులకు చిక్కాడు.
Share
Bigg Boss 9 : అసలు ఏం గేమ్ ఆడింది? ఈ రేంజ్ లో పిఆర్ చేస్తున్నారు అంటే మామూలు రిచ్ కాదు
Fruits For Glowing Skin: ఈ చలిలోనూ మీ చర్మం కాంతులీనాలా? ఐతే ఇలాంటి ఫ్రూట్స్ తినండి!
