Irumudi Box Office:ఇరుముడి…శివ నిర్వాణ దర్శకత్వంలో రవితేజ హీరోగా మైత్రి మూవీ మేకర్స్ బ్యానర్ పై వచ్చిన ఈ సినిమా బాక్సాఫీస్ వద్ద రాంపేజ్ ఆడేస్తుంది.వంద కోట్లు కొడితే అదే మహాప్రసాదం అనుకునే ఈ రోజుల్లో ఇరుముడి సినిమా 12 రోజుల్లో ఏకంగా రెండొందల కోట్లని టచ్ చేసిందంటూ మేకర్స్ సగర్వంగా పోస్టర్ వదిలారు.దీంతో ఇపుడు సినిమా మూడొందల కోట్లని టచ్ చేస్తుందా లేదా అన్నప్రశ్న పైనే అందరి దృష్టి పడింది.
నిజానికి సినిమా రిలీజ్ అయినప్పుడు ఇంత పెద్ద ఫిగర్ ని క్రాస్ చేస్తుందన్న ఆలోచన ఎవరికైనా ఉందంటే అనుమానమే.కానీ శివ నిర్వాణ ఎంచుకున్న స్టోరీ,మరియు టేకింగ్, రవితేజ, నక్షత్రల నటన వాటికి తోడు కలిసి వచ్చిన అయ్యప్పస్వామి నేపథ్యం ..పూనకాలు తెప్పించిన మల్లెపూల పల్లకి పాట…వెరసి సినిమా బాక్సాఫీస్ వద్ద వసూళ్ళ సునామి స్ప్రుష్టించింది.
ఇక వారం తిరిగే సరికే టాక్సిక్ రావడం, అంచనాలు భారీగా ఉండటంతో ఇరుముడికి మైనస్ అవుతుందేమో అనుకున్నారంతా ..కాని అది కాస్తా బోల్తాపడటం తో ఇరుముడి మరింత దూసుకెళ్లింది.ఊరూ,వాడా,పిల్లా జెల్లా, ముసలి ముతకా ఇలా అందరూ ఇరుముడికి క్యూ కట్టడంతో ముచ్చటగా రెండొందల కోట్లు వచ్చి పడ్డాయి.
ముఖ్యంగా 12 రోజుల్లో నైజాం లోరూ.81 కోట్ల గ్రాస్, రూ.44 కోట్ల షేర్ సాధించగా, ఒక్క 12వ రోజే దాదాపు రెండు కోట్ల పై చిలుకు వసూల్లని, రూ.1 కోట్ల పై చిలుకు నెట్ ని కొల్లగొడుతున్న జోరు చూసి వచ్చే రోజుల్లో 300 కోట్లు ఏమైనా టచ్ చేస్తుందా అంటూ ఆరాలు తీసే పనిలో పడ్డారు ట్రేడ్ పండితులు.
అయితే మొదటి రోజున భారీ హైప్ , సాలిడ్ ఫ్యాన్ బేస్,వీకెండ్స్ వంటి అంశాలతో భారీ వసూల్లని సొంతం చేసుకున్న సినిమాలు లాంగ్ రన్ లో అంత అదే స్థాయిలో నిలకడ చూపించాలంటే చాలా కష్టం.పైగా ఇప్పుడొచ్చిన 200 కోట్లకి వస్తే బాగుండు అనుకుంటున్న 300 కోట్లకి మధ్య వందకోట్ల తేడా ఉంది.
దీన్ని ఫిల్ చేయాలంటే అంత ఆషామాషీ కాదు.కానీ ఇపుడు వస్తున్న సినిమాలు సో సో టాక్ తెచ్చుకుని, ఈ సినిమా మాత్రం కలెక్షన్స్ డ్రాప్ చేయకుండా హోల్డ్ చేయగలిగితే వచ్చే రోజుల్లో ఆ ఫిగర్ ని టచ్ చేయడం కూడా పెద్ద కష్టమేమీ కాదు.కానీ కాసింత డ్రాప్ కనిపిస్తే మాత్రం సినిమాని ott కి ఇవ్వలేరా అంటే చెప్పడం కష్టం.
చూడాలి మరి అనుకుంటున్నట్టుగా సినిమా 250 కోట్లని ఈజీగానే టచ్ చేస్తుందా లేదా ఆశ పడుతున్నట్టుగా మూడొందల కోట్ల వైపుకి దూసుకు వెళ్తుందా అనేది మరికొన్ని రోజులు ఆగితే కాని తెలిసేలా లేదు !
Every generation. Every theatre. One celebration. #Irumudi 💥
From kids to elders, from youth to families…. everyone celebrated #Irumudi, making it a 200 CR+ GROSS WORLDWIDE
GENERATIONAL BLOCKBUSTER 🔥
✨స్వామి శరణం✨
Go watch RAVANNA’s RAMPAGE in cinemas ❤️🔥… pic.twitter.com/bnao86ph3i
— Mythri Movie Makers (@MythriOfficial) September 2, 2026
Share
యూట్యూబ్లో చూసి నకిలీ నోట్ల తయారీ.. కానీ చివరికి ఎలా చిక్కాడంటే..?
