Jabardasth Naresh: గంటలో 10 లక్షల… కోడి పందెంల్లో జబర్దస్త్ నరేష్‌కి వచ్చిన లాభం

Jabardasth Naresh: సంక్రాంతి పండగ అంటే గోదావరి జిల్లాలు గుర్తుకు వస్తాయి. పండగ వాతావరణం, ఆతిథ్యం, ఆటలు, కోడి పందాలు… ఇవన్నీ కలిసి గోదావరి సంక్రాంతికి ప్రత్యేక గుర్తింపు ఇస్తాయి. ఇదే వాతావరణాన్ని తాజాగా పశ్చిమ గోదావరి జిల్లా భీమవరం నియోజకవర్గంలోని తాడేరు గ్రామంలో చూసే అవకాశం వచ్చింది. అక్కడ జబర్దస్త్ టీమ్ సందడి చేసింది.

ఎంత గెలిచామో చెప్పకూడదు..

ఈ కార్యక్రమంలో బుల్లెట్ భాస్కర్, జబర్దస్త్ నరేష్.. హైమా పాల్గొన్నారు. కోడి పందాలు జరుగుతున్న ప్రదేశానికి వెళ్లిన బుల్లెట్ భాస్కర్ మీడియాతో సరదాగా మాట్లాడారు. “గోదావరి జిల్లాలకు రావడం అదృష్టం. ఇక్కడి ఆతిథ్యం అమోఘం. పండగ అంటే ఇక్కడే జరగాలి” అని ఆయన అన్నారు. పందాల గురించి అడిగితే, “పందాల్లో ఎంత పెట్టామో, ఎంత గెలిచామో చెప్పకూడదు. వచ్చినా చెప్పకూడదు, పోయినా చెప్పకూడదు” అంటూ నవ్వులు పూయించారు.

హైమా మాట్లాడుతూ, “ఇది నాకు కోడి పందాలు చూడడం రెండోసారి. ఇక్కడికి రావడం చాలా హ్యాపీగా ఉంది. అందరూ చాలా ఆప్యాయంగా పలకరిస్తున్నారు. వంటలు పెట్టి పెట్టి మమ్మల్ని ముంచేస్తున్నారు” అని చెప్పింది. తాను ఎలాంటి పందాలు వేయలేదని, కేవలం సరదాగా చూడడానికి మాత్రమే వచ్చానని స్పష్టం చేసింది.

గంటలో రెండు లక్షలా..

ఇక జబర్దస్త్ నరేష్ గురించి గంటలో 10 లక్షలు, రెండు రోజుల్లో 20 లక్షలు గెలిచారనే బుల్లెట్ భాస్కర్ గారు చెబుతున్నారు ఇదంతా నిజమేనా అని అడగగా.. దీనిపై స్పందించిన నరేష్, “అవన్నీ జోక్స్ మాత్రమే. నేను టైం పాస్ కోసం చూస్తాను తప్ప పందాలు వేయను. భాస్కర్ అన్న మాటలను సీరియస్‌గా తీసుకోకండి” అంటూ నవ్వుతూ క్లారిటీ ఇచ్చారు. భీమవరం ప్రజలకు, గోదావరి జిల్లాల వారందరికీ హ్యాపీ సంక్రాంతి, భోగి, కనుమ శుభాకాంక్షలు తెలిపారు.

మొత్తం పైన.. తాడేరు గ్రామంలో జబర్దస్త్ టీమ్ సందడి పండగ ఉత్సాహాన్ని రెట్టింపు చేసింది. అభిమానులతో సెల్ఫీలు, సరదా మాటలు, నవ్వులతో ఆ రోజు అక్కడికి వచ్చిన వారందరికీ ఇది ఒక గుర్తుండిపోయే సంక్రాంతిగా మారింది.

Also Read: Sankranti Festival: సంక్రాంతి పండుగలో కోడి పందాల జోరు.. విన్నర్‌కు థార్, రన్నర్‌కు స్విఫ్ట్!