Jailer 2లో మరో తమిళ సూపర్ స్టార్.. ఎవరంటే.‌.?

Jailer 2: కోలీవుడ్‌లో భారీ సినిమాలకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ఇప్పుడు అలాంటి అంచనాల మధ్య తెరకెక్కుతున్న సినిమా జైలర్ 2. మొదటి భాగం భారీ విజయం సాధించడంతో.. ఈ సీక్వెల్‌పై ప్రేక్షకుల్లో ఆసక్తి మరింత పెరిగింది. ముఖ్యంగా ఈ సినిమాలో ఎవరు ఎవరు అతిథి పాత్రల్లో కనిపిస్తారనే అంశం హాట్ టాపిక్‌గా మారింది.

జైలర్ మొదటి భాగంలో మోహన్‌లాల్, శివరాజ్‌కుమార్, జాకీ ష్రాఫ్ లాంటి స్టార్ నటులు చిన్న పాత్రల్లో కనిపించి సినిమాకు పెద్ద ప్లస్ అయ్యారు. అదే తరహాలో జైలర్ 2లో కూడా క్యామియోలకు ఎక్కువ ప్రాధాన్యం ఇవ్వాలని దర్శకుడు భావిస్తున్నట్టు తెలుస్తోంది. ఈ సినిమా మొదటి భాగానికి నేరుగా కొనసాగింపుగా ఉండబోతుందని ఇప్పటికే సమాచారం వచ్చింది.

ఇటీవల బాలీవుడ్ సీనియర్ నటుడు మిథున్ చక్రవర్తి ఓ ఇంటర్వ్యూలో తాను, అలాగే షారుక్ ఖాన్ కూడా జైలర్ 2లో కీలక పాత్రల్లో నటిస్తున్నామని వెల్లడించారు. ఈ విషయం బయటకు రావడంతో సినిమాపై అంచనాలు ఒక్కసారిగా పెరిగిపోయాయి.

జైలర్ 2 లో స్టార్ క్యామియో..

ఇప్పుడు ఈ జాబితాలోకి మరో పెద్ద పేరు చేరింది. ప్రముఖ నటుడు విజయ్ సేతుపతి జైలర్ 2లో అతిథి పాత్రలో కనిపించబోతున్నట్టు స్వయంగా చెప్పారు. రజనీకాంత్‌పై తనకు ఉన్న అభిమానంతోనే ఈ పాత్రను అంగీకరించానని ఆయన తెలిపారు. ఈ వార్త సోషల్ మీడియాలో వేగంగా వైరల్ అయింది.

ఇది రజనీకాంత్, విజయ్ సేతుపతి కలిసి నటిస్తున్న రెండో సినిమా కావడం గమనార్హం. గతంలో ‘పెట్టా’ సినిమాలో వీరి కాంబినేషన్‌కు మంచి స్పందన వచ్చింది. ఇప్పుడు జైలర్ ప్రపంచంలో దర్శకుడు నెల్సన్ దిలీప్‌కుమార్ విజయ్ సేతుపతిని ఎలా చూపిస్తారో అన్న ఆసక్తి అభిమానుల్లో ఉంది.

జైలర్ 2 లో క్యాస్ట్..

అయితే కొంతమంది ప్రేక్షకులు మాత్రం ఈ సీక్వెల్ పూర్తిగా క్యామియోలపైనే ఆధారపడుతుందేమోనని సందేహం వ్యక్తం చేస్తున్నారు. ఫహాద్ ఫాజిల్, ఎస్.జె.సూర్య, సూరజ్ వెంజారమూడ్, సంతానం, విద్యా బాలన్ లాంటి పేర్లు కూడా వినిపిస్తున్నాయి. ఈ పాత్రలను సరిగ్గా ఉపయోగించకపోతే సినిమా మీద ప్రతికూల ప్రభావం పడే అవకాశం ఉందని కొందరు అభిప్రాయపడుతున్నారు.

దీంతో జైలర్ 2పై అంచనాలు రోజురోజుకీ పెరుగుతున్నాయి. స్టార్ అతిథి పాత్రలు సినిమాకు బలం అవుతాయా.. లేక భారమవుతాయా అనేది విడుదలయ్యాకే తెలుస్తుంది. కానీ రజనీకాంత్ క్రేజ్‌కు తగ్గట్టుగా సినిమా ఉంటే..జైలర్ 2 మరో భారీ విజయాన్ని అందుకోవడం ఖాయమని అభిమానులు ఆశిస్తున్నారు.

Also Read: Sankranti Festival: సంక్రాంతి పండుగలో కోడి పందాల జోరు.. విన్నర్‌కు థార్, రన్నర్‌కు స్విఫ్ట్!