Janhvi Kapoor Dialogue: చిత్ర పరిశ్రమలో స్టార్ కిడ్స్ ఎంట్రీ ఇవ్వడం సహజమే అయినా, తనకంటూ ఒక ప్రత్యేక గుర్తింపును సంపాదించుకుంటూ ప్రేక్షకులకు దగ్గరవుతోంది ప్రముఖ బాలీవుడ్ నటి జాన్వీ కపూర్. ఇటీవల టాలీవుడ్‌లో వరుస క్రేజీ ప్రాజెక్ట్‌లతో బిజీగా ఉన్న ఈ బ్యూటీ, తాజాగా జరిగిన ‘పెద్ది’ (Peddi) చిత్ర ప్రీ-రిలీజ్ వేడుకలో ప్రత్యేక ఆకర్షణగా నిలిచారు. ఈ వేడుకలో జాన్వీ కపూర్ మాట్లాడిన మాటలు, ఆమె చూపించిన హావభావాలు అభిమానులను ఎంతగానో ఆకట్టుకున్నాయి.
Read also-‘పెద్ది’ రిలీజ్ దగ్గరపడుతున్నా ఇంకా ఓపెన్ కాని బుకింగ్స్!.. కారణం ఇదేనా?
తెలుగు సినీ చరిత్రలో కల్ట్ క్లాసిక్‌గా, మైలురాయిగా నిలిచిన చిత్రాలలో ‘జగదేకవీరుడు అతిలోకసుందరి’ ఒకటి. మెగాస్టార్ చిరంజీవి, అతిలోకసుందరి శ్రీదేవి జంటగా నటించిన ఈ ఫాంటసీ డ్రామా అప్పట్లో సంచలన విజయం సాధించడమే కాకుండా టాలీవుడ్ రికార్డులను తిరగరాసింది. ఈ చిత్రంలో శ్రీదేవి నటన, ఆమె పలికిన అమాయకత్వంతో కూడిన డైలాగులు ఇప్పటికీ ప్రేక్షకుల హృదయాల్లో చెరగని ముద్ర వేసుకున్నాయి. ‘పెద్ది’ వేదికపై జాన్వీ కపూర్ మరోసారి తన తల్లి శ్రీదేవి జ్ఞాపకాలను, ఆ సినిమా విశేషాలను గుర్తుచేసుకున్నారు.
Read also-Peddi Movie : రిలీజ్ ముందే రికార్డ్ బ్రేక్..’ పెద్ది’ బ్రేక్ ఈవెన్ టార్గెట్ ఎంతంటే..?
ఈవెంట్ జరుగుతున్న సమయంలో నిర్వహించిన యాంకర్ అభ్యర్థన మేరకు జాన్వీ కపూర్ తన తల్లి నటించిన ఆ ఐకానిక్ సినిమాలోని ఒక ప్రసిద్ధ డైలాగ్‌ను పలికారు. స్టేజ్ పై ఎంతో క్యూట్‌గా, తనదైన శైలిలో తెలుగులో ఆమె పలికిన తీరు వేడుకలో పెద్ద ఎత్తున చప్పట్లు, కేరింతలు తెప్పించింది. “మానవా.. ఓ మానవా.. ఒక్కసారి నా చేయి పట్టుకోవా!” జాన్వీ కపూర్ నోటి నుండి ఎంతో స్పష్టంగా, ముద్దు ముద్దుగా ఈ డైలాగ్ వినగానే అక్కడే ఉన్న మెగా పవర్ స్టార్ రామ్ చరణ్ ముఖంలో పెద్ద నవ్వు విరిసింది. చిత్ర యూనిట్ సభ్యులు మరియు అభిమానులు కూడా ఎంతో ఆనందం వ్యక్తం చేశారు. చిరంజీవి, శ్రీదేవిల కాంబినేషన్‌ను తలపించేలా వారి వారసులు రామ్ చరణ్, జాన్వీ కపూర్ ఒకే వేదికపై ఇలాంటి ఒక మధురమైన క్షణాన్ని పంచుకోవడం అటు మెగా అభిమానులకు, ఇటు అతిలోకసుందరి అభిమానులకు కంటికి పండగలా అనిపించింది. తాజాగా దీనికి సంబంధించిన వీడియో సోషల్ మీడియాలో తెగ వైరల్ అవుతోంది.
Tamannaah was the first from Bollywood to learn Telugu so fast, and now you’re the second, Janhvi! You even sound just like her 😅 Huge respect ! ✨💗
In South, #Samantha & #Rashmika always have our hearts for mastering Telugu so gracefully. 💥#RamCharan #Peddi #Jahnvikapoor pic.twitter.com/lzjwesi9Ye
— Ustaad Veera Gambhira🚩 (@PKYtrishira) June 1, 2026
Share
ఉద్యోగుల బదిలీలపై మళ్లీ బ్రేక్.. ఆరు నెలల దాకా అస్సలు కుదరదన్న సర్కార్!
ఇరాన్ షాకింగ్ నిర్ణయం.. ఇకపై మాటలు-చర్చల్లేవ్, హోర్మూజ్ జలసంధి మాటేంటి?
