ప్రెగ్నెన్సీ రూమర్లపై మాధురీ దీక్షిత్ స్ట్రాంగ్ రిప్లే.. ఇదిగో ప్రూఫ్.. మీరే లెక్కలేసుకోండి

Madhuri Pregnancy Rumours: బాలీవుడ్ క్లాసిక్ సినిమా ‘దేవదాస్’ (2002) లోని ఐకానిక్ సాంగ్ “డోలా రే డోలా” షూటింగ్ సమయంలో నటి మాధురీ దీక్షిత్ నాలుగు నెలల గర్భవతిగా ఉన్నారంటూ సోషల్ మీడియాలో జరుగుతున్న ప్రచారానికి ఆమె స్వయంగా చెక్ పెట్టారు. సరికొత్త ఇంటర్వ్యూలో ఈ రూమర్లపై స్పందిస్తూ… “నా పెద్ద కొడుకు ఆరిన్ 2003లో పుట్టాడు, మీరే లెక్కలు వేసుకోండి (Do the math)” అంటూ చాలా స్పష్టంగా సమాధానం ఇచ్చారు.

రూమర్‌కు కారణం..

దివంగత ప్రముఖ కొరియోగ్రాఫర్ సరోజ్ ఖాన్ అసోసియేట్ అయిన రుబినా ఖాన్ ఇటీవల ఒక ఇంటర్వ్యూలో మాట్లాడుతూ, ఆ సాంగ్ షూటింగ్ సమయంలో మాధురి 4 నెలల గర్భవతి అని, కళ్లు తిరుగుతున్నా మాస్టర్‌జీ చెప్పిన స్టెప్‌ను మార్చకుండా చేశారని వ్యాఖ్యానించారు. మాధురి లాజికల్ క్లారిటీ: ‘దేవదాస్’ సినిమా జూలై 2002లో విడుదలైంది (మే 2002లోనే కాన్స్ ఫిల్మ్ ఫెస్టివల్‌లో ప్రీమియర్ అయింది). మాధురి పెద్ద కొడుకు ఆరిన్ మార్చి 17, 2003న జన్మించాడు. సినిమా విడుదలైన 8 నెలల తర్వాత బాబు పుడితే, అంతకుముందు ఏడాది జరిగిన షూటింగ్‌లో గర్భవతిని ఎలా అవుతానని ఆమె ప్రశ్నించారు.

అసలు ఇబ్బంది ఏంటి?: పెళ్లి తర్వాత ఆమె ముంబై, డెన్వర్ (అమెరికా) ల మధ్య నిరంతరం ప్రయాణాలు చేయడం వల్ల తీవ్రమైన జెట్ లాగ్, అలసట ఉండేవి. పైగా ఆ షూటింగ్ అంతా నైట్ షిఫ్ట్‌లలో జరిగింది. ఆ ప్రయాణాలు, రాత్రి షూటింగ్‌ల వల్ల ఒంట్లో కాస్త నలతగా అనిపించి కళ్లు తిరిగాయి తప్ప, ప్రెగ్నెన్సీ వల్ల కాదని మాధురి స్పష్టం చేశారు.