Mahavatar Narasimha: ఇట్స్ అఫీషియల్.. ఆస్కార్ రేసులో మహావతార్ నరసింహ..

Mahavatar Narasimha: సినిమా ఇండస్ట్రీలో నటీనటులను ప్రోత్సహిస్తూ ఎన్నో అవార్డులను పురస్కారాలను అందజేస్తుంటారు. ఇక సినిమా ఇండస్ట్రీకి అత్యంత ప్రాధాన్యతను కల్పించే అవార్డులలో ఆస్కార్ అవార్డు(Oscar Award) ఒకటి. ప్రతి ఏడాది ఈ ఆస్కార్ అవార్డులను ఎంతో ఘనంగా నిర్వహిస్తారు. అయితే 2026లో జరగబోయే 98వ ఆస్కార్(98 th Oscar) అవార్డుల ఎంపిక ప్రక్రియ కొనసాగుతుంది. ఇప్పటికే కొన్ని సినిమాల ఎంపిక ప్రక్రియ జరిగిన సంగతి తెలిసిందే. అయితే తాజాగా ఆస్కార్ అకాడమీ నుంచి ఆస్కార్ అవార్డుకు ఎంపికైన సినిమాల జాబితా విడుదల అయింది.

ఆస్కార్ నామినేషన్స్ లో మహావతార్ నరసింహ..

తెలుగులో ఇటీవల యానిమేషన్ సినిమాగా ప్రేక్షకుల ముందుకు వచ్చి అద్భుతమైన రికార్డులను సాధించిన చిత్రం “మహావతార్ నరసింహ”(Mahavatar Narasimha). యానిమేషన్ ప్రపంచంలోనే సంచలనంగా నిలిచిన ఈ సినిమా ఇప్పుడు ఆస్కార్ నామినేషన్ లో నిలబటం విశేషం. 98వ ఆస్కార్ అవార్డుల్లో భాగంగా యానిమేషన్ క్యాటగిరిలో ఈ సినిమాకు చోటు లభించింది. ఇలా ఈ సినిమా ఆస్కార్ నామినేషన్స్ లో నిలవడంతో చిత్ర బృందం ఎంతో సంతోషం వ్యక్తం చేస్తున్నారు.

రూ. 300 కోట్ల కలెక్షన్లతో సంచలనం..

భక్తి, పురాణం నేపథ్యంలో ఈ సినిమా ప్రేక్షకుల ముందుకు వచ్చింది ముఖ్యంగా నరసింహస్వామి, హిరణ్యకశిపుడు, ప్రహల్లాదుడి కథ నేపథ్యంలో ప్రేక్షకుల ముందుకు వచ్చిన ఈ సినిమా ఊహించని విధంగా కలెక్షన్లను రాబట్టింది. ప్రముఖ నిర్మాణ సంస్థ హోంబలే ఫిలిమ్స్(hombale films) నిర్మాణంలో తెరకెక్కిన ఈ సినిమా బాక్స్ ఆఫీస్ వద్ద ఏకంగా 300 కోట్లకు పైగా కలెక్షన్లను రాబట్టి సంచలనాలను సృష్టించింది. ఒక యానిమేషన్ సినిమాకి ఈ స్థాయిలో ఆదరణ లభించడం అంటే ఎంతో గొప్ప విషయం. ఇలాంటి ఒక గొప్ప సినిమా హాలీవుడ్ యానిమేషన్ సినిమాలను సైతం వెనక్కి నెట్టి 98వ ఆస్కార్ అవార్డులలో యానిమేషన్ క్యాటగిరిలో భాగంగా నామినేషన్స్ లో నిలవడం విశేషం.

హాలీవుడ్ సినిమాలకు పోటీగా..

ఇలా నామినేషన్ లో నిలిచిన ఈ సినిమా ఖచ్చితంగా ఆస్కార్ అవార్డును అందుకోవాలని ప్రతి ఒక్క భారతీయ ప్రేక్షకుల కోరుకుంటున్నారు. ఈ సినిమాకి కనుక ఆస్కార్ అవార్డు వస్తే.. మన ఇండియన్ యానిమేషన్ పరిశ్రమకే తల మానికంగా మారుతుందని చెప్పాలి. ఈ యానిమేషన్ క్యాటగిరి లో భాగంగా పాప్ డీమన్ హంటర్స్, డీమన్ స్లేయర్, ఇన్ఫినిటీ కాస్టెల్ వంటి యానిమేషన్ సినిమాలు కూడా పోటీగా నిలిచాయి. మరి ఈ హాలీవుడ్ యానిమేషన్ సినిమాలతో పోటీపడుతూ నామినేషన్స్ లో నిలిచిన మహావతార్ నరసింహ సినిమా ఆస్కార్ అవార్డును అందుకుంటుందా లేదా అనేది తెలియాల్సి ఉంది.

Also Read: Parasakthi : సంక్రాంతి బరిలోనే శివ కార్తికేయన్ పరాశక్తి… ఆకట్టుకుంటున్న పోస్టర్!

Share

• 
• 
• 
• 
• 
•