Mammootty: మలయాళ చిత్ర పరిశ్రమలో నటుడిగా ఎంతో మంచి గుర్తింపు సంపాదించుకున్న మమ్ముట్టి(Mammootty)కి కేవలం మలయాళ ఇండస్ట్రీలో మాత్రమే కాకుండా తెలుగు ఇండస్ట్రీలో కూడా ఎంతో మంచి ఆదరణ ఉన్న సంగతి తెలిసిందే. ఇలా తెలుగులో కూడా ఎంతో మంచి ఫ్యాన్ ఫాలోయింగ్ సొంతం చేసుకున్న ఈయన ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు అయితే తాజాగా ఓ కార్యక్రమంలో పాల్గొన్న ఈ హీరో తన కాలేజీ రోజులను గుర్తు చేసుకుంటూ అప్పటి విషయాల గురించి మాట్లాడుతూ చేసిన వ్యాఖ్యలు ప్రస్తుతం వైరల్ అవుతున్నాయి.
ఇకపోతే ఈ కార్యక్రమంలో భాగంగా మమ్ముట్టి ఒక ఆసక్తికరమైన విషయాన్ని అభిమానులతో పంచుకున్నారు. నిజానికి తన పేరు మమ్ముట్టి కాదు అంటూ ఈ సందర్భంగా చేసిన వ్యాఖ్యలు వైరల్ అవుతున్నాయి. అసలు పేరు మహమ్మద్ కుట్టి అని (Mohammed Kutty)తెలిపారు.. మహమ్మద్ కుట్టి అయిన నాకు కాలేజీ రోజుల్లో మమ్ముట్టి అని పేరు పెట్టారని ఆ పేరు పెట్టింది మరెవరో కాదు నా స్నేహితుడు శశిధరన్(Shasidharan) అంటూ తన స్నేహితుడిని పరిచయం చేశారు. ఇలా తన స్నేహితుడు శశిధరన్ ను వేదిక పైకి పిలిచి శశిధరన్ తన పేరును ముందుగా మమ్ముట్టి అని పిలవడం ప్రారంభించడంతో అందరూ కూడా అలాగే పిలిచేవారు. ఇక తన స్నేహితుడు పెట్టిన పేరుతో తాను నటుడిగా స్థిరపడడం చాలా సంతోషంగా ఉందని తెలిపారు.
ఇలా వేదికపైనే తనకు పేరు పెట్టిన తన స్నేహితుడిని మమ్ముట్టి అందరికీ పరిచయం చేయడంతో ఇది కాస్త సోషల్ మీడియాలో వైరల్ అవుతుంది. అయితే ఇండస్ట్రీలో చాలామంది హీరోలు ఈ విధంగానే సొంత పేరు ఒకటైతే ఇండస్ట్రీలో మరొక పేరుతో మంచి సక్సెస్ అందుకొని కొనసాగుతున్నారు. ఇక మమ్ముట్టి కూడా తన అసలు పేరుతో కాకుండా స్నేహితుడు పెట్టిన ముద్దు పేరుతో ఇండస్ట్రీలో హీరోగా అవకాశాలు అందుకోవడమే కాకుండా స్టార్ హీరోగా మలయాళ చిత్ర పరిశ్రమలు పేరు పొందారు.
"నా అసలు పేరు మహమ్మద్ కుట్టి అయినా, కాలేజీ రోజుల్లో నాకు మమ్ముట్టి అని పేరు పెట్టిన నా స్నేహితుడు శశిధరన్ ఇక్కడే ఉన్నాడు.." అని తన స్నేహితుడ్ని వేదిక పైకి పిలిచిన @mammukka 💚
Nothing short of a movie sequence 🔥🔥 pic.twitter.com/h5TcIDZMck
— Harish R. Menon (@27stories_) November 28, 2025
ఇక ప్రస్తుతం మమ్ముట్టి హీరోగా సినిమాలు చేయడమే కాకుండా ఇతర సినిమాలలో కీలక పాత్రలలో కూడా నటిస్తున్న సంగతి తెలిసిందే. ఇక ఈయన కుమారుడు దుల్కర్ సల్మాన్ కూడా ఇండస్ట్రీలోకి హీరోగా అడుగుపెట్టి మంచి సక్సెస్ అందుకున్నారు. ఇక ఈయన కూడా మలయాళ ఇండస్ట్రీలో మాత్రమే కాకుండా తెలుగు తమిళ భాషలలో కూడా అదే స్థాయిలో అభిమానులను సొంతం చేసుకున్నారు.. తెలుగు ఇండస్ట్రీలో దుల్కర్ సల్మాన్ కు సపరేట్ ఫ్యాన్ ఫాలోయింగ్ ఉందని చెప్పాలి. ఈయన సినిమాలకు ఇక్కడ చాలా ఆదరణ లభిస్తుంది .ఇటీవల దుల్కర్ హీరోగా కాంత అనే సినిమా ద్వారా ప్రేక్షకుల ముందుకు వచ్చారు. లక్కీ భాస్కర్ సినిమాతో హిట్ కొట్టిన దుల్కర్ సల్మాన్ ఖాన్ కాంత సినిమా ద్వారా అనుకున్న స్థాయిలో మెప్పించలేకపోయారు. ఇక ఈయన నిర్మాతగా మారి ఇటీవల లోక అనే సినిమా నిర్మించిన సంగతి తెలిసిందే. ఈ సినిమా ఎంతో మంచి సక్సెస్ అందుకుంది. ఇక ఈ సినిమా సీక్వెల్లో కూడా ముమ్మట్టి నటించబోతున్న విషయం తెలిసిందే.
Also Read: NTR -Prashanth Neel: ఎన్టీఆర్ నీల్ షూటింగ్ అప్డేట్.. సెట్ లోకి అడుగుపెట్టిన బాలీవుడ్ స్టార్..
Share
Kadapa News: స్కూల్లో ఫుడ్ పాయిజన్.. పది మంది విద్యార్థులకు అస్వస్థత
Winter Skin Care: చలికాలంలో చర్మం రంగు మారుతుందా ? ఈ టిప్స్ పాటిస్తే ప్రాబ్లమ్ సాల్వ్
