March Releases: ఈ నెలలో విడుదలయ్యే సినిమాల లిస్ట్ ఇదే.. ఫ్యాన్స్ రెడీగా ఉండండి..

March Releases: మార్చి 2026 నెల సినీ ప్రియులకు అసలైన విందును అందించబోతోంది. ముఖ్యంగా టాలీవుడ్‌తో పాటు పాన్ ఇండియా స్థాయిలో భారీ అంచనాలున్న చిత్రాలు ఈ నెలలో థియేటర్లలోకి రాబోతున్నాయి. ఫిబ్రవరిలో బాక్సాఫీస్ కొంత మందకొడిగా ఉన్నా, మార్చిలో విడుదలయ్యే పెద్ద సినిమాలు మళ్లీ థియేటర్లకు కళ తీసుకురానున్నాయి. ఈ నెలలో విడుదలయ్యే ప్రధాన చిత్రాల వివరాలు ఇక్కడ ఉన్నాయి.

ఉస్తాద్ భగత్ సింగ్ (Ustaad Bhagat Singh)

పవర్ స్టార్ పవన్ కళ్యాణ్, దర్శకుడు హరీష్ శంకర్ కాంబినేషన్‌లో వస్తున్న ఈ చిత్రంపై భారీ అంచనాలు ఉన్నాయి. ‘గబ్బర్ సింగ్’ వంటి బ్లాక్ బస్టర్ తర్వాత వీరిద్దరూ కలిసి చేస్తున్న సినిమా కావడంతో అభిమానులు ఎంతో ఆసక్తిగా ఎదురుచూస్తున్నారు.

విడుదల తేదీ: మార్చి 26, 2026.

నటీనటులు: పవన్ కళ్యాణ్, శ్రీలీల.

విశేషం: ఇది ఒక పక్కా మాస్ యాక్షన్ ఎంటర్‌టైనర్. దేవి శ్రీ ప్రసాద్ అందించిన సంగీతం ఇప్పటికే సోషల్ మీడియాలో ట్రెండ్ అవుతోంది.

టాక్సిక్ (Toxic)

కేజీఎఫ్ స్టార్ యష్ హీరోగా గీతూ మోహన్ దాస్ దర్శకత్వంలో తెరకెక్కుతున్న పాన్ ఇండియా చిత్రం ‘టాక్సిక్’. యష్ అంతర్జాతీయ స్థాయి లుక్‌లో కనిపిస్తుండటంతో ఈ సినిమాపై దేశవ్యాప్తంగా అంచనాలు పెరిగాయి.

విడుదల తేదీ: మార్చి 19, 2026.

నటీనటులు: యష్, నయనతార, కియారా అద్వానీ.

విశేషం: డ్రగ్ మాఫియా నేపథ్యంలో సాగే ఈ చిత్రం విజువల్స్ అద్భుతంగా ఉంటాయని సమాచారం.

ధురందర్: ది రివెంజ్ (Dhurandhar 2)

బాలీవుడ్ స్టార్ రణవీర్ సింగ్ ప్రధాన పాత్రలో ఆదిత్య ధర్ దర్శకత్వంలో వస్తున్న స్పై థ్రిల్లర్ ఇది. భారీ బడ్జెట్‌తో రూపొందిన ఈ చిత్రం ‘టాక్సిక్’తో బాక్సాఫీస్ వద్ద పోటీ పడనుంది.

విడుదల తేదీ: మార్చి 19, 2026.

నటీనటులు: రణవీర్ సింగ్, సంజయ్ దత్, అక్షయ్ ఖన్నా, ఆర్. మాధవన్.

విశేషం: ఒకే రోజు ‘టాక్సిక్’, ‘ధురందర్ 2’ విడుదల కానుండటం ఈ ఏడాదిలో అతిపెద్ద బాక్సాఫీస్ క్లాష్‌గా నిలవనుంది.

డకాయిట్ (Dacoit)

అడివి శేష్, మృణాల్ ఠాకూర్ జంటగా నటిస్తున్న ఈ సినిమా యాక్షన్ అండ్ రొమాంటిక్ డ్రామాగా రాబోతోంది. షానియల్ డియో ఈ చిత్రానికి దర్శకత్వం వహిస్తున్నారు.

విడుదల తేదీ: మార్చి 19, 2026.

నటీనటులు: అడివి శేష్, మృణాల్ ఠాకూర్.

వీటితో పాటు మరికొన్ని క్రేజీ ప్రాజెక్టులు కూడా ఈ నెలలో పలకరించనున్నాయి. అందులో.. శ్రీవిష్ణు నటిస్తున్న ‘మృత్యుంజయ్’ ఈ ఇన్వెస్టిగేటివ్ థ్రిల్లర్ మార్చి 6న విడుదల కానుంది.