Chiranjeevi: మెగాస్టార్ చిరంజీవి ప్రస్తుతం బాబి సినిమా పనులలో బిజీగా ఉన్నారని తెలుస్తుంది.. ఇటీవల మన శంకర వరప్రసాద్ గారు సినిమా ద్వారా ప్రేక్షకుల ముందుకు వచ్చిన ఈయన సూపర్ సక్సెస్ అందుకున్నారు. ఇక త్వరలో బాబి డైరెక్షన్లో రాబోతున్న సినిమా పనులలో చిరంజీవి బిజీ కాబోతున్నారు. ఇదిలా ఉండగా చిరంజీవి తన అధికారిక ఎక్స్ కథ ద్వారా పవన్ కళ్యాణ్ ఉస్తాద్ భగత్ సింగ్ (Ustaad Bhagat Singh)సినిమా ట్రైలర్ గురించి స్పందిస్తూ చేసిన పోస్ట్ వైరల్ అవుతున్నాయి. ఇటీవల పవన్ సినిమా నుంచి ట్రైలర్ విడుదల కాగా ఎంతో మంచి ఆదరణను సొంతం చేసుకుంది.
ఈ నేపథ్యంలోనే చిరంజీవి(Chiranjeevi) ఈ ట్రైలర్ వీడియోను తన ఎక్స్ ఖాతా ద్వారా షేర్ చేస్తూ.. మ్యాజిక్ జరిగింది.. ముహూర్తం కుదిరింది.. ట్రైలర్ అదిరింది.. ఉగాదికి “ఉస్తాద్ భగత్ సింగ్” తో అన్ని శుభాలే!! అంటూ ఈయన పోస్ట్ చేయడమే కాకుండా కళ్యాణ్ బాబు, హరి శంకర్ అలాగే ఉస్తాద్ భగత్ సింగ్ టీం అందరికీ కూడా ప్రత్యేకంగా అభినందనలు తెలుపుతూ చేసిన ఈ ట్వీట్ సోషల్ మీడియాలో వైరల్ అవుతుంది. ఇలా ఈ సినిమా ట్రైలర్ పై మెగాస్టార్ చిరంజీవి స్పందిస్తూ తన అభిప్రాయాన్ని తెలియజేయడంతో డైరెక్టర్ హరీష్ శంకర్ (Harish Shankar)స్పందించారు.
ఈ నేపథ్యంలోనే డైరెక్టర్ హరీష్ శంకర్ చిరంజీవి చేసిన పోస్ట్ కు రిప్లై ఇస్తూ.. అయ్య బాబోయ్.. అన్నయ్య!! మీ టైమింగ్, రైమింగ్ చూస్తుంటే మీకు ట్రైలర్ ఏ రేంజ్ లో నచ్చిందో నాకు అర్థం అవుతుంది. మీరు అవుట్ ఆఫ్ కంట్రీ లో ఉన్నారని తెలిసింది. అయినా సరే వీలు చూసుకుని మా ట్రైలర్ చూసి అభినందనలు తెలిపినందుకు నా ఆనందానికి అవధులు లేవు. మెగా ఆశీర్వాదం కూడా దొరికింది అంటూ హరీష్ శంకర్ చిరంజీవి చేసిన పోస్ట్ కు రిప్లై ఇస్తూ చేసిన ఈ పోస్ట్ వైరల్ అవుతుంది.
మ్యాజిక్ జరిగింది..
ముహూర్తం కుదిరింది..
ట్రైలర్ అదిరింది..
ఉగాదికి “ఉస్తాద్ భగత్ సింగ్” తో అన్నీ శుభాలే!!https://t.co/vN5CQvQ7D2Best wishes to dear Kalyan babu, @Harish2You and the team of #UstaadBhagatSingh 💐
— Chiranjeevi Konidela (@KChiruTweets) March 15, 2026
పవన్ కళ్యాణ్ సినిమా ట్రైలర్ కు చిరంజీవి అభినందనలు తెలుపుతూ పోస్ట్ చేయడంతో ఈ సినిమాపై మరిన్ని అంచనాలు కూడా పెరిగిపోయాయి. ఉగాది పండుగను పురస్కరించుకొని మార్చి 19వ తేదీ విడుదల కాబోతున్న ఈ సినిమాపై అభిమానులలో పెద్ద ఎత్తున అంచనాలు ఉన్నాయి. హరీష్ శంకర్ పవన్ కళ్యాణ్(Pawan Kalyan) కాంబినేషన్లో గబ్బర్ సింగ్ లాంటి సూపర్ హిట్ సినిమా తరువాత ఈ చిత్రం ప్రేక్షకుల ముందుకు రాబోతున్న నేపథ్యంలో భారీగా అంచనాలు ఏర్పడ్డాయి. మరి గబ్బర్ సింగ్ తరహాలోనే ఉస్తాద్ భగత్ సింగ్ సినిమా ప్రేక్షకులను ఆకట్టుకొని మంచి సక్సెస్ అందుకుంటుందా లేదా అనేది తెలియాలి అంటే మరొక మూడు రోజులు ఎదురు చూడాల్సిందే.
Also Read: Allu Arjun: అల్లు అరవింద్ ఇంటికి ఏపీ సీఎం..క్షమాపణలు చెప్పిన అల్లు అర్జున్..పోస్ట్ వైరల్!
Share
BRS : బీఆర్ఎస్ దూకుడు బ్రేక్ వేసిన ‘డ్రగ్స్’!
Trisha Krishnan: పార్థిబన్ కూతురితో త్రిష.. ఏకంగా ఆమెతోనే పెళ్లి సందడి.. ఇదేమి ట్విస్ట్ రా బాబు!
