Mohan Babu : టాలీవుడ్ కలెక్షన్ కింగ్ మోహన్ బాబు తెలుగు సినీ ఇండస్ట్రీలో 50 సంవత్సరాల సినీ ప్రస్తానాన్ని పూర్తి చేసుకున్నారు. ఈ 50 సంవత్సరాల సినీ ప్రయాణంలో ఈయన ఎన్నో అద్భుతమైన పాత్రలలో నటించి ప్రేక్షకులను మెప్పించారు. మోహన్ బాబు(Mohan Babu) అంటే కేవలం హీరోగా మాత్రమే కాకుండా విలన్ పాత్రలకు కూడా కేరాఫ్ అడ్రస్ అని చెప్పాలి. ఈయన విలన్ గా ఎన్నో సూపర్ హిట్ సినిమాలలో నటించారు. ఇక ప్రస్తుతం మోహన్ బాబు పలు సినిమాలలో కీలక పాత్రలలో నటిస్తూ కెరియర్ పరంగా బిజీగా ఉన్నారు. ఇటీవల మంచు విష్ణు నటించిన కన్నప్ప సినిమా ద్వారా ప్రేక్షకుల ముందుకు వచ్చిన ఈయన త్వరలోనే నాని సినిమా ద్వారా మరోసారి ప్రేక్షకుల ముందుకు రాబోతున్నారు.
ప్రస్తుతం నాని హీరోగా శ్రీకాంత్ ఓదెల దర్శకత్వ ది ప్యారడైజ్(The Paradise) అనే సినిమా ప్రేక్షకుల పొందుకు రాబోతున్న సంగతి తెలిసిందే. యాక్షన్ డ్రామాగా తెరకెక్కుతున్న ఈ సినిమా మార్చ్ 26వ తేదీ విడుదల కావాల్సి ఉండగా కొన్ని కారణాల వల్ల సినిమా షూటింగ్ ఆలస్యం కావడంతో మే లేదా జూన్ నెలలో విడుదలకు సిద్ధమవుతోంది. ప్రస్తుతం చిత్ర బృందం ఈ సినిమా షూటింగ్ పనులలో బిజీగా ఉన్నారు. ఇక ఈ సినిమాలో విలన్ పాత్రలో కలెక్షన్ కింగ్ మోహన్ బాబు నటించబోతున్నట్లు చిత్ర బృందం అధికారికంగా ప్రకటించిన సంగతి తెలిసిందే.
ఇప్పటికే మోహన్ బాబుకు సంబంధించిన ఫస్ట్ లుక్ పోస్టర్ కూడా విడుదల చేశారు. ఈ పోస్టర్లో ఈయన చేతిలో గన్నోటిలో సిగరెట్ తో పవర్ ఫుల్ లుక్ లో కనిపిస్తున్నారు. ఇలా ఈ సినిమాలో విలన్ గా నటించడం కోసం మోహన్ బాబు తీసుకున్న రెమ్యూనరేషన్ కి సంబంధించి వార్తలు ప్రస్తుతం సోషల్ మీడియాలో వైరల్ అవుతున్నాయి. ఈ సినిమా కోసం మోహన్ బాబు ఏకంగా 5 కోట్ల రూపాయల రెమ్యూనరేషన్ అందుకోబోతున్నారని తెలుస్తోంది. మోహన్ బాబు ఈ స్థాయిలో రెమ్యూనరేషన్ అందుకోబోతున్నారనే విషయం తెలిసి పలువురు విమర్శలు కురిపిస్తున్నారు.
8 భాషలలో ది ప్యారడైజ్..
ఇలా ఒక సినిమాలో ఒక పాత్ర కోసం మోహన్ బాబు ఐదు కోట్లు తీసుకోవడం అంటే చాలా ఎక్కువనే చెప్పాలి. ప్రస్తుత మోహన్ బాబుకు సంబంధించిన ఈ వార్త సోషల్ మీడియాలో తెగ చక్కర్లు కొడుతోంది. ఇక ఈ సినిమాలో మోహన్ బాబుతో పాటు తనికెళ్ళ భరణి, సంపూర్ణేష్ బాబు వంటి తదితరులు కీలక పాత్రలలో కనిపించబోతున్నట్లు సమాచారం. ఇక నానికి జోడిగా ఖాయాదు లోహర్ ఈ సినిమాలో సందడి చేయబోతున్నారు అలాగే సీనియర్ నటి సోనాలి కులకర్ణి నాని తల్లి పాత్రలో కనిపించబోతున్నారని తెలుస్తుంది. ఈ చిత్రాన్ని పాన్ ఇండియా స్థాయిలో ఎంతో ప్రతిష్టాత్మకంగా ఎస్ ఎల్ వి బ్యానర్ పై సుధాకర్ చెరుకూరి నిర్మిస్తున్నారు. ఇక ఈ సినిమాలో నాని పాత్ర విభిన్న రీతిలో ఉండబోతుందని రెండు జడలతో ఈయన మాస్ లుక్ సినిమా పట్ల భారీగా అంచనాలను పెంచేసింది. ఏకంగా ఎనిమిది భాషలలో ప్రేక్షకుల ముందుకు రావడానికి సిద్ధమవుతున్న ఈ సినిమా నానికి ఎలాంటి సక్సెస్ ఇస్తుందో తెలియాల్సి ఉంది.
Also Read: Ajith Kumar -Anil Sunkara: అనిల్ సుంకర నిర్మాణంలో అజిత్ కుమార్.. రంగంలోకి క్రేజీ డైరెక్టర్?
Share
Ambati Arrest: ఇదేనా మీ రూల్ ఆఫ్ లా? వాళ్ల పేర్లు చెబుతూ.. మండిపడ్డ రోజా
KCR: కడియంపై కన్నేసీన కేసీఆర్.. మున్సి పోల్లో దెబ్బకొట్టేందుకు వ్యూహం ఇదే..?
