Mohan Babu: విష్ణుని ఐపీఎస్ చేయాలనుకున్న మోహన్ బాబు.. కానీ?

Mohan Babu: సినిమా ఇండస్ట్రీలో వారసత్వం అనేది సహజం. కానీ, క్రమశిక్షణకు మారుపేరైన మోహన్ బాబు(Mohan Babu) తన పిల్లల విషయంలో మాత్రం భిన్నంగా ఆలోచించారు. తన కొడుకులు నటులు కావాలని ఆయన ఎప్పుడూ కోరుకోలేదు. ఒక తండ్రిగా వారి భవిష్యత్తు గురించి ఆయన కన్న కలలు వేరు, కానీ వారు ఎంచుకున్న దారి వేరు. తాజాగా ఒక ఇంటర్వ్యూలో ఆయన పంచుకున్న మాటలు చూస్తుంటే, మంచు వారసుల సినీ ప్రవేశం వెనుక ఎన్ని ఆసక్తికరమైన మలుపులు ఉన్నాయో అర్థమవుతుంది.

తండ్రి ఆశయం ఐపీఎస్:

మోహన్ బాబు తన పెద్ద కుమారుడు విష్ణు (Vishnu)ను ఒక పవర్‌ఫుల్ ఐపీఎస్ ఆఫీసర్‌గా చూడాలని ఆశపడ్డారట. విష్ణు చదువులో ఫస్ట్ క్లాస్ స్టూడెంట్ మాత్రమే కాదు, జేఎన్‌టీయూ తరపున నేషనల్ లెవల్ బాస్కెట్ బాల్ ప్లేయర్ కూడా. ఇంజనీరింగ్ పూర్తి చేసిన విష్ణు, తండ్రికి చెప్పలేక తల్లి ద్వారా తన నటనపై ఉన్న ఆసక్తిని బయటపెట్టారు. ఇక చిన్న కుమారుడు మనోజ్ (Manoj ) సైతం మంచి క్రికెట్ ప్లేయర్. వీరిద్దరినీ తాను బలవంతంగా ఇండస్ట్రీలోకి తీసుకురాలేదని, వారు నటులు కావడమనేది కేవలం “దైవ నిర్ణయం” అని మోహన్ బాబు స్పష్టం చేశారు. క్రీడల్లోనూ, చదువుల్లోనూ రాణించిన తన కుమారులు వెండితెరపై మెరవడం తండ్రిగా ఆయనకు గర్వకారణమే అయినా, వారి ఇష్టానికే ప్రాధాన్యతనిచ్చారు.

వెండితెరపై మోహన్ బాబు మార్క్:

పిల్లల కెరీర్ గురించి ఎంత గర్వంగా ఉన్నారో, తన సినీ ప్రయాణం విషయంలోనూ మోహన్ బాబు అంతే ఉత్సాహంగా ఉన్నారు. గత ఏడాది అత్యంత ప్రతిష్టాత్మకమైన చిత్రం ‘కన్నప్ప’లో కీలక పాత్ర లో నటించి మెప్పించారు. ఇక త్వరలో నాని ప్యారడైజ్ మూవీలో కీలక పాత్రలో మెప్పించటానికి సిద్ధం అయ్యారు. కేవలం నటుడిగానే కాకుండా, తన నిర్మాణ సంస్థ ద్వారా విభిన్నమైన కథలను ప్రేక్షకులకు అందించాలని ఆయన యోచిస్తున్నారు. వయసుతో నిమిత్తం లేకుండా, డైలాగ్ డెలివరీలో తనదైన ముద్ర వేస్తూ మరిన్ని విలక్షణమైన పాత్రలతో అలరించడానికి ఆయన ఎప్పుడు ముందుంటారు.

also read:HHVM 2: హరిహర వీరమల్లు 2 వస్తుందా.. ఆడియన్స్ లో సవాలక్ష ప్రశ్నలు!

వారసత్వం ప్రతిభతో వస్తుంది..

ఇక విష్ణు గత ఏడాది కన్నప్ప మూవీ తో అలరిస్తే, మనోజ్ మిరాయ్, భైరవం మూవీలతో ప్రేక్షకులను అలరించారు. అలాగే ప్రస్తుతం డేవిడ్ రెడ్డి అనే సినిమాలో నటిస్తున్నారు. రిపబ్లిక్ డే సందర్భంగా ఈ సినిమా నుండీ మనోజ్ ఫస్ట్ లుక్ ను కూడా మేకర్స్ పంచుకున్నారు. అలాగే వాట్ ద ఫిష్ అనే మరో సినిమాలో కూడా నటిస్తున్నారు. ఇక వారసత్వం అనేది కేవలం ఇంటి పేరుతో రాదు, ప్రతిభతో వస్తుందని మోహన్ బాబు నమ్ముతారు. తన కుమారులు తమ కష్టంతో ఇండస్ట్రీలో గుర్తింపు తెచ్చుకోవడం పట్ల ఆయన సంతృప్తిని వ్యక్తం చేశారు. తండ్రిగా వారి బాధ్యతలను నెరవేరుస్తూనే, నటుడిగా తన ప్రయాణాన్ని కొనసాగిస్తున్నారు.