Samsung Wide Fold| శాంసంగ్ తన ఫోల్డబుల్ స్మార్ట్ఫోన్ లైనప్ను మరింత విస్తరించాలని ప్లాన్ చేస్తోంది. అందుకోసం కొత్తగా శాంసంగ్ వైడ్ ఫోల్డ్ పేరుతో కొత్త డివైజ్ తీసుకురాబోతోంది. వైడ్ ఫోల్డ్తో ఆపిల్ ఈ సంత్సరం తీసుకురాబోయే ఫోల్డబుల్ ఐఫోన్ను గట్టి పోటీ ఇవ్వాలని లక్ష్యంగా పెట్టుకుంది. రెండు కంపెనీలు ప్రీమియం ఫోల్డబుల్ మార్కెట్లో ఆధిపత్యం సాధించాలని చూస్తున్నాయి.
శాంసంగ్ ఫోల్డబుల్ సెగ్మెంట్లో తన స్థానాన్ని మరింత బలోపేతం చేయాలని చూస్తోంది. సప్లయర్లకు పెద్ద మొత్తంలో ప్రొడక్షన్ ప్లాన్ల గురించి సమాచారం ఇచ్చింది. కొత్త డివైస్కు సుమారు 10 లక్షల యూనిట్లు తయారు చేయాలని ప్లాన్ చేసింది. ఇది గత ఫోల్డబుల్ ప్రొడక్షన్ రికార్డుల కంటే ఎక్కువ. గతంలో గెలాక్సీ Z ఫోల్డ్ SE యూనిట్లు సుమారు 5 లక్షలు షిప్ అయ్యాయి. ఈ టార్గెట్ ఫోల్డబుల్ డిమాండ్పై శాంసంగ్కు బలమైన నమ్మకం ఉందని చూపిస్తోంది. గ్లోబల్ మార్కెట్లో ఈ కేటగిరీకి ఆసక్తి ఎక్కువగా ఉంటుందని అంచనా వేస్తోంది.
శాంసంగ్ వైడ్ ఫోల్డ్ ఈ ఏడాది మూడో త్రైమాసికంలో లాంచ్ అవుతుందని అంచనా. గెలాక్సీ Z ఫోల్డ్ 8, గెలాక్సీ Z ఫ్లిప్ 8తో పాటు రావచ్చు. శాంసంగ్ ప్రతి సంవత్సరం చేసే ఫోల్డబుల్ లాంచ్ సైకిల్కు ఈ డివైజ్ సరిపోతుంది. ఆపిల్ కంటే ముందు లాంచ్ చేసి మార్కెట్లో యూజర్లను ఆకర్షించాలని శాంసంగ్ లక్ష్యంగా పెట్టుకుంది. ఇన్నోవేషన్, మార్కెట్ ప్రెజెన్స్లో ముందుండాలని చూస్తోంది.
పాపులర్ టిప్స్టర్ ఐస్ యూనివర్స్ సోషల్ మీడియా ప్లాట్ఫామ్ Xలో వివరాలు షేర్ చేశాడు. శాంసంగ్ మొదటి ప్రొడక్షన్కు 10 లక్షల యూనిట్లు ప్లాన్ చేసిందని అతను తెలిపాడు. ఈ డివైస్ ఆపిల్ ఫోల్డబుల్ ఐఫోన్కు డైరెక్ట్ పోటీదారుగా ఉంటుంది. ఈ లీక్స్తో ఈ డివైజ్ అడ్వాన్స్డ్ డెవలప్మెంట్ స్టేజ్లో ఉందని సూచిస్తాయి. శాంసంగ్ త్వరలో అధికారిక వివరాలు వెల్లడించవచ్చు.
శాంసంగ్ వైడ్ ఫోల్డ్లో 7.6 ఇంచ్ ఫోల్డబుల్ OLED ఇన్నర్ డిస్ప్లే ఉండవచ్చు. బయటి కవర్ స్క్రీన్ సుమారు 5.4 ఇంచ్లు ఉండవచ్చు. బుక్-స్టైల్ ఫోల్డింగ్ మెకానిజం ఉండవచ్చు. ఎడమ నుంచి కుడికి ఓపెన్ అవుతుంది. గెలాక్సీ Z ఫోల్డ్ మోడల్స్ లాంటి వర్టికల్ హింజ్ ఉండవచ్చు. అన్ఫోల్డ్ చేసినప్పుడు టాబ్లెట్ లాంటి ఎక్స్పీరియన్స్ ఇస్తుంది.
గత త్రైమాసికంలో ఫోల్డబుల్ షిప్మెంట్స్ 14 శాతం పెరిగాయి. ప్రపంచ స్మార్ట్ఫోన్ షిప్మెంట్స్లో సుమారు 2.5 శాతం ఉన్నాయి. ఈ వృద్ధి వినియోగదారుల ఆసక్తి పెరుగుతోందని చూపిస్తోంది. కౌంటర్పాయింట్ రిపోర్ట్ ప్రకారం.. శాంసంగ్ 64 శాతం మార్కెట్ షేర్ కలిగి ఉంది. గెలాక్సీ Z సిరీస్ అత్యంత పాపులర్ ఫోల్డబుల్ లైనప్గా ఉంది. శాంసంగ్ ఈ ప్రీమియం సెగ్మెంట్లో ఆధిపత్యం కొనసాగిస్తోంది.
శాంసంగ్ గెలాక్సీ Z ఫోల్డ్ 7 గత ఏడాది జులైలో లాంచ్ చేసింది. ఈ ఫోన్కు గ్లోబల్ మార్కెట్లలో బలమైన డిమాండ్ వచ్చింది. 8 ఇంచ్ డైనమిక్ AMOLED ఇన్నర్ డిస్ప్లే ఉంది. కవర్ డిస్ప్లే 6.5 ఇంచ్లు, ఫుల్ HD రెజల్యూషన్ ఉంది. మల్టీటాస్కింగ్, ప్రొడక్టివిటీ ఫీచర్లు యూజర్లు బాగా ప్రశంసించారు. ఈ సిరీస్ బాగా సక్సెస్ కావడంతో శాంసంగ్ మరిన్ని ఫోల్డబుల్ డివైస్లు లాంచ్ చేయడానికి సిద్ధమవుతోంది.
Also Read: ఆన్లైన్లో కొత్త ఐఫోన్ కొంటే పాత ఫోన్ డెలివరీ.. ఎలా గుర్తుపట్టాలంటే
శాంసంగ్ వైడ్ ఫోల్డ్ ప్రీమియం ఫోల్డబుల్ స్టాండర్డ్స్ను మార్చవచ్చు. మెరుగైన డ్యూరబిలిటీ, అడ్వాన్స్డ్ హింజ్ టెక్నాలజీ ఉండొచ్చు. బిజినెస్ యూజర్లు, పవర్ కన్స్యూమర్లను ఆకర్షిస్తుంది. ఆపిల్ కంటే ముందుండి ఫోల్డబుల్ ఇన్నోవేషన్లో ఆధిపత్యం సాధించాలని శాంసంగ్ చూస్తోంది. ఈ పోటీ భవిష్యత్ స్మార్ట్ఫోన్లలో మెరుగైన మార్పులకు దారితీస్తుంది. వినియోగదారులకు మరిన్ని ఛాయిస్లు, మెరుగైన డిజైన్లు లభిస్తాయి.
Share
Janasenani : జనసేనానికి కొత్త చిక్కులు.. వైసీపీకి ఇది అస్త్రం కానుందా?
Mohan Babu: విష్ణుని ఐపీఎస్ చేయాలనుకున్న మోహన్ బాబు.. కానీ?
