Monalisa:అదృష్టం ఉండాలి కానీ ఒక్క రాత్రిలో పాపులారిటీ సంపాదించుకోవచ్చు అని నిరూపించింది కుంభమేళా మోనాలిసా (Monalisa). ఎక్కడో బ్రతుకుతెరువు కోసం పూసలమ్ముకుంటూ కెరియర్ కొనసాగిస్తున్న ఆమె.. ప్రయాగ్ రాజ్ వేదికగా జరిగిన మహా కుంభమేళాతో రాత్రికి రాత్రే పాపులర్ అయిపోయింది. నిజానికి ఈమె అందాన్ని చూసి ముగ్ధుడైన ఒక వ్యక్తి ఆమె ఫోటోని సోషల్ మీడియాలో షేర్ చేశారు. ఇంకేముంది ఆమె అందానికి ఫిదా అయిన నెటిజన్స్ .. ఆమె ఎవరో తెలుసుకోవడానికి ఆమె ఫోటోని సోషల్ మీడియాలో తెగ వైరల్ చేసేసారు. పైగా మహాకుంభమేళాలో కొంతమంది ఆమెతో సెల్ఫీలు దిగడానికి కూడా ప్రయత్నం చేశారు. దీంతో తమ వ్యాపారానికి ఇబ్బంది కలుగుతోందని భావించిన ఆమె తండ్రి.. ఆమెను ఇంటికి పంపించేసిన విషయం తెలిసిందే.
అలా ఒక్క ఫోటో ఆమెను రాత్రికి రాత్రే స్టార్ ను చేసేసింది. దీనికి తోడు ఆమెను సినిమాలలోకి తీసుకురావడానికి ఒకసారి డైరెక్టర్ ఆమె ఇంటికి వెళ్లి ఆమెను తమ సినిమాలోకి తీసుకుంటున్నట్లు హామీ కూడా ఇచ్చారు. ఆ తర్వాత ఒక హీరోతో కలిసి మోనాలిసా వీడియో సాంగ్ కూడా చేసిన విషయం తెలిసిందే. అంతేకాదు ఈమధ్య పలు షాపింగ్ మాల్స్ ఓపెన్ కి కూడా వెళ్తూ..మరింత పాపులారిటీ సంపాదించుకుంది మోనాలిసా. ఇదిలా ఉండగా తాజాగా తన తొలి సినిమా రెమ్యూనరేషన్ తో ఒక గొప్ప పని చేయబోతోంది. ఆ విషయం తెలిసి ఆమెపై అందరూ ప్రశంసలు కురిపిస్తున్నారు.
అసలు విషయంలోకి వెళ్తే.. తాజాగా ఈమె ‘ది డైరీ ఆఫ్ మణిపూర్’ అనే హిందీ సినిమాలో నటిస్తోంది. ఈ సినిమా ప్రారంభోత్సవానికి హాజరైన మోనాలిసా ఎమోషనల్ అయ్యింది. సినీ ప్రపంచం , తన పాత జీవితం రెండింటిని సమానంగా ప్రేమిస్తున్నానని చెప్పుకొచ్చింది. ప్రస్తుతం ప్రయాగ్ రాజ్ కు తిరిగి వచ్చిన మోనాలిసా గంగా తల్లికి ప్రత్యేక పూజలు నిర్వహించి.. ధన్యవాదాలు కూడా తెలిపింది. మహా కుంభమేళలో దండలు అమ్ముతున్న రోజుల్లో తాను ఇంత దూరం వస్తానని కలలో కూడా ఊహించలేదని తన జీవితాన్ని మార్చిన ఈ సమాజానికి తిరిగి ఏదైనా ఇవ్వాలనే ఆలోచనతోనే ఒక కీలక నిర్ణయం తీసుకున్నానని చెప్పుకొచ్చింది.
ఈ సందర్భంగా మోనాలిసా మాట్లాడుతూ..” నా మొదటి సినిమా నుంచి వచ్చే రెమ్యూనరేషన్ తో మధ్యప్రదేశ్ లోని ఖార్గోన్ జిల్లాలో బాలికల కోసం ఒక ప్రత్యేక పాఠశాలను ప్రారంభించాలన్నదే నా కల. ఆ ప్రాంతాల్లో అమ్మాయిలకు సరైన విద్యా అవకాశాలు లేవు. చదువుకోని బాలికలు జీవితంలో వెనుకబడి పోతున్నారు. బాలికల విద్య ద్వారానే సమాజంలో నిజమైన మార్పు సాధ్యమవుతుందని భావిస్తున్నాను. అందుకే నా సంపాదనను వ్యక్తిగత సౌకర్యాల కోసం కాకుండా భవిష్యత్తు తరాల కోసం ఉపయోగించాలనుకుంటున్నాను” అంటూ మోనాలిసా చెప్పుకొచ్చింది.
ALSO READ:Tollywood: పక్షవాతంతో మంచానపడ్డ స్టార్ హీరో.. కట్ చేస్తే.. ఆ డెడికేషన్ కి ఫిదా!
మోనాలిసా ప్రస్తుతం మూడు సినిమాలతో బిజీగా ఉంది. ఇందులో రెండు తెలుగు చిత్రాలు కాగా, ఒకటి హిందీ సినిమా ది డైరీ ఆఫ్ మణిపూర్. మొత్తానికైతే ఇండస్ట్రీలోకి వచ్చినప్పటికీ మూలాలను మరిచిపోకుండా తాను నివసించిన ప్రాంత అభివృద్ధిలో తాను కూడా భాగస్వామ్యం కావాలని చూస్తూ ఎంతోమందికి ఆదర్శంగా నిలుస్తోంది మోనాలిసా. మోనాలిసా గొప్ప ప్రయత్నానికి ప్రతి ఒక్కరూ ఆమెపై ప్రశంసలు కురిపిస్తున్నారు.
Share
Bandi Sanjay: సీఎం రేవంత్ రెడ్డిపై కేంద్ర మంత్రి బండిసంజయ్ ఫైర్..!
Brahmamudi Serial Today February 11th: ‘బ్రహ్మముడి’ సీరియల్: ట్రస్ట్ పెట్టాలని ఆలోచిస్తున్న రాజ్, కావ్య 
