Bandi Sanjay: రిటైర్డ్ ఉద్యోగుల బెనిఫిట్స్ చెల్లించకుండా మానసిక వేదనకు గురిచేయడం న్యాయమా? అని, అసలు ముఖ్యమంత్రి రేవంత్ రెడ్డికి మానవత్వం ఉందా? అని కేంద్ర హోంశాఖ సహాయ మంత్రి బండి సంజయ్ విమర్శించారు. రిటైర్డ్ ఉద్యోగుల బెనిఫిట్స్ చెల్లించాలని డిమాండ్ చేస్తూ ముఖ్యమంత్రి రేవంత్ రెడ్డికి మంగళవారం బండి సంజయ్ లేఖ రాశారు. ఉద్యోగులు రిటైర్ అయ్యి రెండేళ్లయినా బెనిఫిట్స్ బకాయిలను చెల్లించకపోవం దుర్మార్గమని పేర్కొన్నారు. రాష్ట్ర ప్రభుత్వ నిర్లక్ష్యం కారణంగా 61 మంది రిటైర్డ్ ఉద్యోగులు తనువు చాలించారని కేంద్ర మంత్రి ఆగ్రహం వ్యక్తంచేశారు.
రిటైర్డ్ ఉద్యోగుల చావులకు సర్కార్ బాధ్యత లేదా? అని ప్రశ్నించారు. ప్రభుత్వ ఉద్యోగులు, రిటైర్డ్ ఉద్యోగులు రాష్ట్ర ప్రభుత్వం దృష్టిలో ప్రాధాన్యత లేని కేటగిరీగా భావిస్తున్నారా? అని నిలదీశారు. ప్రభుత్వ తీరు తెలంగాణకు మాయని మచ్చ అని లేఖలో పేర్కొన్నారు. జీవిత మలి సంధ్యలో ప్రశాంతమైన జీవితాన్ని గడపాల్సిన రిటైర్డ్ ఉద్యోగులను రాష్ట్ర ప్రభుత్వమే మానసిక వేదనకు గురిచేస్తుండటం క్షమించరానిదిగా పరిగణించారు. ముక్కు, ముఖం తెలియని వృద్ధులు కష్టాల్లో ఉంటేనే చేతనైనంత సాయం చేయాలని భావించే గొప్ప మానవతా హృదయమున్న తెలంగాణ సమాజం మనదని పేర్కొన్నారు.
Also Read: Tollywood: మరో కొరియోగ్రాఫర్ దర్శకుడిగా.. ఎవరో తెలుసా?
ఉద్యోగ విరమణ చేసిన వెంటనే బెనిఫిట్స్ అన్నీ చెల్లించి సగౌరవంగా సన్మానించి పంపాల్సిన బాధ్యత ప్రభుత్వానికి లేదా? అని సంజయ్ ప్రశ్నించారు. తక్షణమే ఈ ఇష్యూను అత్యంత ప్రాధాన్యత అంశంగా తీసుకుని వారి బకాయిలన్నీ చెల్లించాలని ప్రభుత్వాన్ని డిమాండ్ చేశారు. లేదంటే పెద్ద ఎత్తున ఆందోళన కార్యక్రమాలు చేపడతామని హెచ్చరించారు. ప్రభుత్వం దిగొచ్చే వరకు హైదరాబాద్ నడిబొడ్డున దీక్ష చేసేందుకు వెనుకాడబోనని స్పష్టంచేశారు.
Share
Venkatesh Anudeep: ఫ్యామిలీ హీరోతో ఫంకీ దర్శకుడు!.. అదే అయితే ఫ్యాన్స్కు పండగే..
Monalisa: కుంభమేళా మోనాలిసా తొలి రెమ్యూనరేషన్ తో ఏం చేస్తోందో తెలుసా?
