Sita Ramam 2: సీతారామం 2 రాబోతోందా? సీక్వెల్ పై అంచనాలు పెంచిన ఫోటో!

Sita Ramam 2: డైరెక్టర్ హను రాఘవపూడి దర్శకత్వంలో దుల్కర్ సల్మాన్(Dulquer Salman), మృణాళ్ ఠాకూర్(Mrunal Thakur) హీరో హీరోయిన్ గా ప్రేక్షకుల ముందుకు వచ్చిన అద్భుతమైన ప్రేమ కథ చిత్రం సీతారామం (Sitaramam). 2022వ సంవత్సరంలో విడుదలైన ఈ సినిమా ఎలాంటి విజయాన్ని అందుకుందో ప్రత్యేకంగా చెప్పాల్సిన పనిలేదు. ఈ సినిమా ద్వారా సీత పాత్రలో మృణాళ్ ప్రేక్షకుల ముందుకు వచ్చి సీతగా తెలుగు ప్రేక్షకుల మదిలో నిలిచిపోయారు. ఇక ఈ సినిమా సూపర్ సక్సెస్ కావడంతో ప్రస్తుతం ఈ ముద్దుగుమ్మ తెలుగు చిత్ర పరిశ్రమలో వరుస సినిమాలలో నటిస్తూ ఎంతో బిజీగా ఉన్నారు. ఇక ఈ సినిమా క్లైమాక్స్ విషయానికి వస్తే ప్రతి ఒక్కరు కంటతడి పెట్టించేలాగా ఉందని చెప్పాలి. అలాగే రామ్ బ్రతికి వస్తే బాగుండని , సీక్వెల్ సినిమా వస్తే బాగుంటుందని అప్పట్లో చాలామంది వారి అభిప్రాయాలను తెలిపారు.

సీతారామం సీక్వెల్ ఉంటుందా?

ఇక ప్రేక్షకులు కూడా ఈ సినిమా సీక్వెల్ కోసం ఎంతో ఆత్రుత కనబరుస్తున్నారనే చెప్పాలి. ఇలా గతంలో సీతా రామం సీక్వల్ గురించి ప్రశ్నలు ఎదురవడంతో దర్శకుడు సీక్వెల్ సినిమా లేదంటూ క్లారిటీ ఇచ్చారు అయితే తాజాగా సోషల్ మీడియాలో మృణాళ్ ఠాకూర్ , దుల్కర్ సల్మాన్ కు సంబంధించిన ఒక ఫోటో వైరల్ అవ్వడంతో సీక్వెల్ సినిమాపై పెద్ద ఎత్తున అంచనాలు పెరిగిపోతున్నాయి.

అంచనాలు పెంచిన ఫోటో..

ఈ ఫోటోలో భాగంగా మృణాళ్ గొడుగు పట్టుకోవడంతో గొడుగు కింద వీరిద్దరూ ఒకరినొకరు చూసుకుంటూ ఉన్న ఈ ఫోటో అచ్చం సీతారామం సినిమాని తలపిస్తున్న నేపథ్యంలో ఖచ్చితంగా సీక్వెల్ కోసమే అంటూ అభిమానులు కామెంట్లు చేస్తున్నారు. ఇకపోతే ఇటీవల ఓ కొత్త సినిమా పనుల కోసం మృణాళ్ హైదరాబాద్ రావడంతో ఈ వార్తలకు మరింత బలం చేకూరింది. ఇలా ఈ సినిమా సీక్వెల్ గురించి వార్తలు వస్తున్నప్పటికీ చిత్ర బృందం నుంచి లేదా నటీనటుల నుంచి ఏ విధమైనటువంటి స్పష్టత లేకపోవడంతో అభిమానులు కూడా ఎన్నో సందేహాలను వ్యక్తం చేస్తున్నారు

ఫౌజీ పనులలో హను రాఘవపూడి…

ఇక ఈ ఫోటో వైరల్ గా మారడంతో నిజంగానే సీతారామం సీక్వెల్ ఉండబోతుందా? రామ్ మళ్లీ తిరిగి రాబోతున్నారా? అంటూ ఎన్నో సందేహాలను తెలియజేస్తున్నారు. మరి ఈ సందేహాలకు స్పష్టత రావాలి అంటే చిత్ర బృందం నుంచి అధికారక ప్రకటన వెలువడే వరకు ఎదురు చూడాలి. ఇక ఈ సినిమా విషయంలో నిర్మాతలు స్వప్న దత్ అశ్విని దత్ కూడా మౌనం వహించడ గమనార్హం. సీతారామం లాంటి సూపర్ క్లాసిక్ లవ్ స్టోరీకి సీక్వెల్ వస్తే బాగుంటుందని అభిమానులు కూడా కోరుకుంటున్నారు. మరి అభిమానుల కోరికను హనురాగపూడి నెరవేరుస్తారా? లేదా? అనేది తెలియాల్సి ఉంది. డైరెక్టర్ హను రాఘవపూడి ప్రస్తుతం ప్రభాస్ తో ఫౌజీ సినిమా పనులలో ఎంతో బిజీగా గడుపుతున్నారు.

Also Read: Nagarjuna: కింగ్ 100 మూవీలో టబు… ఫుల్ క్లారిటీ ఇచ్చేసిన నాగార్జున..